پرەزيدەنت حالىقتى سايلاۋعا قاتىسۋعا، ءوز اكىمدەرىمىزدى تاڭداۋعا شاقىردى. ورتا ازيادا تۇڭعىش رەت ىسكە اسقالى وتىرعان رەفورمانى تىكەلەي ءوز باستاماسىمەن قولعا الىپ، ءتيىستى زاڭدارعا وزگەرىستەر ەنگىزىپ، جەرگىلىكتى جەردەگى ءوزىن-ءوزى باسقارۋ ينستيتۋتىن دامىتۋعا باعىتتالعان پرەزيدەنت تاپسىرماسى ءۇتىر، نۇكتەسىنە دەيىن ساۋاتتى، وركەنيەتتى جولمەن ورىندالۋى ءتيىس. پرەزيدەنت ايتقانداي مىقتى مەملەكەت ءۇشىن مىقتى ايماقتار بولۋى كەرەك.

ەلىمىز ءۇشىن وسى ماڭىزدى شارادا ايماقتارداعى احۋالدى كوزبەن كورىپ، باقىلاۋ ماقساتىمەن وزبەكستانمەن شەكارالاس جاتقان قازاقستان اۋىلدارىندا بولامىن. ءبىز قاي زاماندا دا اتالى سوزگە توقتاعان، ءار نارسەنىڭ پارقىنا بارا بىلگەن، ەلدىكتى ءبىرىنشى ورىنعا قويعان حالىقپىز. بۇل جولى دا سىننان سۇرىنبەي وتەمىز دەپ سەنەمىن.

قانداي جاعداي بولماسىن ەلدىك، مەملەكەتتىلىك، تۇتاستىق ءبىز ءۇشىن قاسيەتتى ۇعىم. ەل بولىپ ساياسي مادەنيەت پەن تاتۋلىقتىڭ، تۇتاستىقتىڭ ۇلگىسىن كورسەتەمىز دەگەن ويدامىن.

سايلاۋعا بارىپ، ءوز تاڭداۋلارىڭىزدى بىلدىرىڭىزدەر. سايلاۋ پروتسەسى پرەزيدەنت قاسىم-جومارت توقاەۆ مىرزانىڭ جەكە باقىلاۋىندا.

باۋىرجان سەرىكباەۆ

Abai.kz