الماتى وبلىسىنىڭ قۇقىق قورعاۋ ورگاندارى 21 كۇندە سەگىز كىسى ءولتىرۋ قىلمىسىن اشتى. بۇل ناتيجەلەرگە قىلمىستىق پروتسەستىڭ ءۇش بۋىندى مودەلى مەن پروكۋروردىڭ كىسى ءولتىرۋ تۋرالى ىستەر بويىنشا شەشىم  قابىلداۋ تەتىگىن پيلوتتىق سىناقتان وتكىزۋدىڭ ارقاسىندا قول جەتكىزىلدى. بۇل تۋرالى الماتى وبلىسى پروكۋراتۋراسىنىڭ قىلمىستىق قۋدالاۋ باسقارماسى باستىعىنىڭ مىندەتىن اتقارۋشى جاندوس ىسقاقوۆ حابارلادى.

سپيكەردىڭ ايتۋىنشا، جىل باسىنان بەرى الماتى وبلىسىندا پروكۋرورلارعا 19 مىڭنان استام نەگىزگى شەشىم كەلىسۋگە جىبەرىلگەن. ولاردىڭ ىشىندە 8 مىڭ توقتاتۋ، 4 مىڭنان استام مەرزىمدى ءۇزۋ جانە 3200 كۇدىكتىنىڭ مويىنداۋى، سونداي-اق 2 مىڭ ءىس-ارەكەت، تەرىس قىلىقتار جانە قىلمىستىق قۇقىق بۇزۋشىلىقتار بار.

- اعىمداعى جىلدىڭ 1 شىلدەسىنەن باستاپ قولدانىستاعى زاڭناما شەڭبەرىندە پروكۋروردىڭ باسشىلىعىمەن تەرگەۋ توپتارىن قۇرۋ جولىمەن كىسى ءولتىرۋ تۋرالى ىستەر بويىنشا نەگىزگى پروتسەستىك شەشىمدەردى قابىلداۋ بويىنشا پيلوتتىق اپروباتسيا باستالدى. جوبانى تابىستى ىسكە اسىرۋ ماقساتىندا پروكۋراتۋرا مەن پوليتسيا ورگاندارىنىڭ نەعۇرلىم تاجىريبەلى قىزمەتكەرلەرىنەن ۆەدومستۆوارالىق جەدەل-تەرگەۋ توبىنا تارتىلعان پۋل قۇرىلدى. كريميناليستەر مەن سوت-مەديتسينالىق ساراپشىلاردىڭ قاتىسۋىمەن ناقتى جاعدايلارعا بارىنشا جاقىن جاعدايلاردا پيلوتتىق جوبانىڭ ءاربىر قاتىسۋشىسىن وقيعا ورنىن تەكسەرۋ، قىلمىستىق قۇقىق بۇزۋشىلىق ىزدەرىن الۋ جانە بەكىتۋ بويىنشا وقىتۋ جوسپارلانۋدا، - دەپ اتاپ ءوتتى جاندوس ىسقاقوۆ.

وسىلايشا، جوعارىدا اتالعان وزگەرىستەر كۇدىكتىنىڭ دە، جابىرلەنۋشىنىڭ دە ازاماتتاردىڭ كونستيتۋتسيالىق قۇقىقتارىن قورعاۋعا، قىلمىستىق پروتسەستىڭ شەڭبەرىنە نەگىزسىز تارتۋ فاكتىلەرىن بولدىرماۋعا جانە تۇتاستاي العاندا تەرگەۋدىڭ وبەكتيۆتىلىگىن قامتاماسىز ەتۋگە مۇمكىندىك بەرەدى.

نەگىزگى شەشىمدەردى ۇيلەستىرۋ-بۇل تەك ءبىرىنشى كەزەڭ. كەيىننەن تەرگەپ-تەكسەرۋ بارىسىندا ءتۇيىندى پروتسەستىك شەشىمدەردى ەندى سوتقا دەيىنگى تەرگەپ-تەكسەرۋ ورگاندارىنىڭ تەرگەۋشىلەرى ەمەس، پروكۋرورلار قابىلدايتىن بولادى.

Abai.kz