رەسەي اۋعانستاننان كەلگەن بوسقىنداردى ورتالىق ازيا ەلدەرىنە ورنالاستىرۋعا قارسى. ويتكەنى ۆيزاسىز رەجيمدى قولدانا وتىرىپ، ولاردىڭ اراسىندا سودىرلار بولسا رەسەيگە دە كىرە الادى. بۇل تۋرالى ءپۋتيننىڭ ءوزى ايتتى. 

"اۋعانستان تۋرالى قازىر عانا ايتىلدى. بۇل ءبىزدىڭ قاۋىپسىزدىگىمىزگە تىكەلەي قاتىسى بار", - دەدى  پۋتين "ەدينايا روسسيا" وكىلدەرىمەن كەزدەسۋدە.

پۋتين باتىس ەلدەرى اقش پەن باسقا ەلدەرگە ۆيزا الماستان بۇرىن بوسقىنداردى ورتالىق ازيا ەلدەرىنە ورنالاستىرۋ ماسەلەسىن تاباندى تۇردە كوتەرىپ وتىرعانىن اتاپ ءوتتى.

"بۇل دەگەنىمىز، ولار وزدەرىنە بوسقىنداردى ۆيزاسىز قابىلداعىسى كەلمەيدى، بىراق ورتالىق ازيا ەلدەرى ۆيزاسىز ۋاقىتشا ورنالاستىرۋىن سۇراپ وتىر. بۇل ماسەلەن شەشۋدىڭ جولى ەمەس، جالپى نەگىزدە قورلىق قوي", - دەپ جالعاستىردى پۋتين.

ونىڭ ايتۋىنشا، بۇل ماسەلە دۇيسەنبىدە ۇقشۇ ەلدەرى باسشىلارى مەن باسقا دا ورگان مۇشەلەرىنىڭ كەزدەسۋىندە تالقىلاناتىن بولادى.

"ەلەستەتىپ كورىڭىزشى، بۇل ەلدەردىڭ كەز كەلگەنىنە بوسقىندار كىردى دەلىك. ول بوسقىنداردىڭ ىشىندە كىمدەر بارىن، ءبىز قايدان بىلەمىز؟ ولار مىڭ نەمەسە جۇزدەگەن مىڭ، ءتىپتى ميلليون بولۋى مۇمكىن. ال ءبىزدىڭ وداقتاس جانە كورشىلەس ەلدەرمەن ەشقانداي ۆيزالىق شەكتەۋىمىز جوق جانە مىڭداعان شاقىرىم شەكارامىز بار. ماشيناعا وتىر، ەسەككە وتىر، ايتەۋىر ءبىر كولىككە وتىرىپ، دالامەن كەتە بەرسە. ونى ءبىز قالاي رەتتەيمىز؟", - دەيدى رەسەي باسشىسى. ول كاۆكازداعى وقيعالاردىڭ قايتالانۋىنان دا سەسكەنەتىنىن جاسىرمادى.

ء"بىز بوسقىنداردىڭ كەيپىنە ەنىپ، ەلىمىزدە قايتادان سودىرلاردىڭ پايدا بولعانىن قالامايمىز. ءبىز قايتادان 90-جىلداردىڭ ورتاسى مەن ەكى مىڭىنشى جىلدىڭ باسىندا بولعان وقيعالاردىڭ كورىنىس تابۋىنا قارسىمىز. ءبىز ول ساتتە سولتۇستىك كاۆكازدا سوعىس قيمىلدارى ءجۇرىپ جاتقان ەدى", - دەيدى پۋتين.

بۇعان دەيىن رەسەي سىرتقى ىستەر ءمينيسترى سەرگەي لاۆروۆ پۋتين مەن "ەدينايا روسسيا" وكىلدەرى اراسىنداعى كەزدەسۋدە "تاليبان" سوعىستى توقتاتۋ جانە اۋعانستانداعى ۇلتتىق ديالوگتى باستاۋ تۋرالى ۋادەلەرىن ءالى دە ورىنداپ جاتقانىن مالىمدەپ، ەلدىڭ نەگىزگى وكىلدەرىمەن العاشقى بايلانىستاردى باستاعانىن ايتقان ەدى.

"تاليبان" تامىزدىڭ ورتاسىندا اۋعانستان اۋماعىن، ونىڭ ىشىندە كابۋلدى ءوز باقىلاۋىنا الىپ، ەلدى تۇتاس جاۋلاپ الدى. قازىر وعان تەك قانا پاندجشەر ايماعى باس يمەي وتىر.

Abai.kz