قازاقستاندا بىرنەشە جىلدان بەرى جۇزەگە اسىرىپ كەلە جاتقان «رۋحاني جاڭعىرۋ» اتتى ارنايى باعدارلاما بار. وندا ەلىمىزدىڭ مادەني-رۋحاني دامۋىمەن قاتار، جاستاردىڭ دا بولاشاعىنا كوپ كوڭىل بولىنگەن.

وسى باعدارلامانىڭ اياسىندا جۋىردا «جاستار» عىلىمي-زەرتتەۋ ورتالىعى مەن بىرىككەن ۇلتتار ۇيىمىنىڭ بالالار قورى جاڭا مەموراندۋمعا قول قويدى. ءسويتىپ، ىنتىماقتاستىق شەڭبەرىندە جاستار مەن جاسوسپىرىمدەردى قولداۋعا باعىتتالعان جوبالاردى بىرىگە ىسكە اسىرۋ جوسپارلانعان.

اتالعان مەموراندۋم تالاپتارىنا ساي، جاستار مەن جاسوسپىرىمدەردىڭ قۇزىرەتى مەن داعدىسىن قالىپتاستىرۋ بويىنشا مودەلدەر قۇرۋ، قازسقاتنداعى جاستار سااياساتىن دامىتۋ، جاستار رەسۋرستىق ورتالىقتارىنىڭ قىزمەتىن جەتىلدىرۋ، سەرىكتەستىك پەن مەنتورلىق قولداۋدى كوتەرمەلەۋ، جاستار قىزمەتكەرلەرىن وقىتۋ جانە جاستار رەسۋرستىق ورتالىقتارىن كوبەيتۋ، سونىمەن قاتار زەرتتەۋ جۇمىستارىن جۇرگىزۋ بويىنشا ىنتىماقتاستىق سەكىلدى باعىتتاردى دامىتۋ مەن ءوز ارا ءىس قيمىل جاساسۋعا ۋادەلەستى.

ىنتىماقتاستىقتىڭ نەگىزگى ۆەكتورى رەتىندە وسال توپتاعى جاستار مەن جاسوسپىرىمدەردىڭ مۇمكىندىگىن كەڭەيتۋ ءۇشىن ولاردىڭ الەۋمەتتىك سالادا جەتىستىككە جەتۋىنە ىقپال ەتەتىن Samgau (Upshift) جوباسىن ىسكە اسىرۋ كوزدەلىپ وتىر.

ايتا كەتەيىك، Samgau جوباسى – بىرىككەن ۇلتتار قيىمىنىڭ بالالار قورى مەن (يۋنيسەف) قر ەڭبەك جانە حالىقتى الەۋمەتتىك قورعاۋ مينيسترلىگىنىڭ بىرلەسكەن جوباسى. اتالعان باعدارلاما اياسىندا دايىن جانە تالىمگەرلىك شەشىمدەردى باسقارۋعا ارنالعان شاعىن گرانتتار، ومىرلىك ادەتتەردى نىعايتۋ بويىنشا ونلاين-ترەنينگتەر، يننوۆاتسيالىق جوبالار بويىنشا پراكتيكالىق سەمينارلار وتكىزۋ قاراستىرىلعان. وندا وقىتۋدىڭ ەمپيريكالىق ادىستەرى قولدانىلادى جانە باعدارلامادا جاستار مەن جاسوسپىرىمدەردى تۋىندايتىن ماسەلەلەردى انىقتاۋعا، زەرتتەۋگە جانە ءونىم نەمەسە قىزمەت تۇرىندە ءتيىمدى شەشىمدەر جاساۋعا باۋليدى.

قازىرگى تاڭدا Samgau جوباسى ەلىمىزدىڭ 6 وڭىرىندە جۇزەگە اسىرىلىپ جاتىر. اتالعان جوبا الماتى قالاسىمەن قاتار، شىعىس قازاقستان، قىزىلوردا، اقتوبە، قاراعاندى، اتىراۋ وبلىستارىنىڭ جاستار رەسۋرستىق ورتالىقتارى بازاسىندا ىسكە اسىپ جاتىر. ەكى كەزەڭ بارىسىندا جوباعا 1 مىڭنان استام جاستار قاتىسقان. باعدارلاما اياسىنداعى ومىرلىك ماڭىزى بار داعدىلارعا ۇيرەتۋ بويىنشا 2 ونلاين بۋتكامپ، 30-دان استام سەمينار وتكىزىلگەن. بۇگىنگى تاڭدا 13 كوماندا شاعىن گرانت الىپ، ءوز جوبالارىن جۇزەگە اسىرىپ جاتىر. ودان بولەك، اتالعان جوباعا 11 مەكتەپ قاتىسىپ جاتىر.

ايتا كەتەيىك، وسى ايدىڭ باسىندا الماتى قالاسىنداعى المالى جاستار رەسۋرستىق ورتالىعىندا “Samgau Digital” كەڭسەسى اشىلعان بولاتىن. وعان قازاقستانداعى يۋنيسەف وكىلىنىڭ ورىنباسارى ۆ.ۆاششەنكو، “جاستار” عىلىمي زەرتتەۋ ورتالىعىنىڭ باسقارما باسشىسى ن.ناۋرىزباەۆ پەن الماتى قالاسى اكىمدىگىنىڭ وكىلدەرى قاتىسقان بولاتىن. وندا جاستاردىڭ جان-جاقتى دامۋى مەن كوشباسشىلىق، شىعارماشىلىق، سىني ويلاۋ جانە كوماندامەن جۇمىس ىستەۋ بويىنشا قىزمەتتەر ۇسىنىلدى.

Abai.kz