«كوك تۋىم – ءانىم»
اياۋلى ازامات، ءانشى-سازگەر، اقىن ەرمۇرات زەيىپحانۇلىنان كوز جازىپ قالعالى ءبىر جىلدىڭ ءجۇزى بولىپتى. 20 ماۋسىم كۇنى ءو.جولداسبەكوۆ اتىنداعى ستۋدەنتتەر سارايىندا اقىندى ەسكە الۋعا ارنالعان «كوك تۋىم - ءانىم» اتتى كەش وتپەكشى ەكەن. ەرمۇراتتىڭ ارتىنان ەرگەن ءىنىسى شاتتىق باتاندى از-كەم اڭگىمەگە تارتتىق...
- كەشكە دايىندىق قالاي؟ كىمدەر ۇيىمداستىرىپ، قولعابىس ەتىپ جاتىر دەگەندەي...
- اعامىزدان الىستاپ قالعالى ءبىر جىل بولىپتى. «تاس تۇسكەن جەرىنە اۋىر» دەيدى عوي، قيمادىق، قينالدىق. قايتەمىز، قولدان كەلەر شارا جوق ەكەن. بار قولىمىزدان كەلەرى ەرەكەڭنىڭ ارتىندا قالعان مۇراسىن جيناپ- تەرىپ، سوعان يەگەرشىلىك ەتۋ. ەرەكەڭ پوەزيادا دا، انشىلىك، سازگەرلىك جاقتا دا ءبىراز ەڭبەك ەتكەنى جۇرتقا ايان. 20 ماۋسىم كۇنى ءو.جولداسبەكوۆ اتىنداعى ستۋدەنتتەر سارايىندا ەرەكەڭدى ەسكە الۋعا ارنالعان كەش وتكىزەيىك دەپ جاتىرمىز. ۇيىمداستىرۋ شارالارىن دۇنيەجۇزى قازاقتار قاۋىمداستىعى مەن ەرەكەڭ ءوزى جۇمىس ىستەگەن قر قورعانىس مينيسترلىگىنىڭ ورتالىق ءانسامبلى موينىنا الىپ وتىر. وسى ەكى ۇجىمعا دا ۇلكەن راحمەت! بۇل ەسكە الۋ كەشىندە ەرەكەڭنىڭ اندەرى ايتىلادى. قازاقستاننىڭ تانىمال ونەر جۇلدىزدارى ونەر كورسەتەدى.
- ناقتىلاي ايتقاندا كىمدەر ونەر كورسەتەدى؟
اياۋلى ازامات، ءانشى-سازگەر، اقىن ەرمۇرات زەيىپحانۇلىنان كوز جازىپ قالعالى ءبىر جىلدىڭ ءجۇزى بولىپتى. 20 ماۋسىم كۇنى ءو.جولداسبەكوۆ اتىنداعى ستۋدەنتتەر سارايىندا اقىندى ەسكە الۋعا ارنالعان «كوك تۋىم - ءانىم» اتتى كەش وتپەكشى ەكەن. ەرمۇراتتىڭ ارتىنان ەرگەن ءىنىسى شاتتىق باتاندى از-كەم اڭگىمەگە تارتتىق...
- كەشكە دايىندىق قالاي؟ كىمدەر ۇيىمداستىرىپ، قولعابىس ەتىپ جاتىر دەگەندەي...
- اعامىزدان الىستاپ قالعالى ءبىر جىل بولىپتى. «تاس تۇسكەن جەرىنە اۋىر» دەيدى عوي، قيمادىق، قينالدىق. قايتەمىز، قولدان كەلەر شارا جوق ەكەن. بار قولىمىزدان كەلەرى ەرەكەڭنىڭ ارتىندا قالعان مۇراسىن جيناپ- تەرىپ، سوعان يەگەرشىلىك ەتۋ. ەرەكەڭ پوەزيادا دا، انشىلىك، سازگەرلىك جاقتا دا ءبىراز ەڭبەك ەتكەنى جۇرتقا ايان. 20 ماۋسىم كۇنى ءو.جولداسبەكوۆ اتىنداعى ستۋدەنتتەر سارايىندا ەرەكەڭدى ەسكە الۋعا ارنالعان كەش وتكىزەيىك دەپ جاتىرمىز. ۇيىمداستىرۋ شارالارىن دۇنيەجۇزى قازاقتار قاۋىمداستىعى مەن ەرەكەڭ ءوزى جۇمىس ىستەگەن قر قورعانىس مينيسترلىگىنىڭ ورتالىق ءانسامبلى موينىنا الىپ وتىر. وسى ەكى ۇجىمعا دا ۇلكەن راحمەت! بۇل ەسكە الۋ كەشىندە ەرەكەڭنىڭ اندەرى ايتىلادى. قازاقستاننىڭ تانىمال ونەر جۇلدىزدارى ونەر كورسەتەدى.
- ناقتىلاي ايتقاندا كىمدەر ونەر كورسەتەدى؟
- جالپى، رەسپۋبليكانىڭ تۇكپىر-تۇكپىرىنەن نيەت بىلدىرۋشىلەر از ەمەس. ەرەكەڭ كوپ ءان جازعان سازگەر عوي. ءبارىنىڭ سول اندەردى ورىنداعىسى كەلەدى. حالقىمىزدىڭ سۇيىكتى انشىلەرى ر.رىمباەۆا، م.ءىلياسوۆا، ر.ستامعازيەۆ، ە.شۇكىمان، ت.قۇرمانعاليەۆ، ج.ىسقاقوۆا، ا.جوراباەۆا، ا.الىپقايىر، ن.تۇرلىبەكوۆ، ب.قوجا، ق.بەردىباي سەكىلدى تاعى دا باسقا ونەر جۇلدىزدارى ونەر كورسەتەدى. ەرەكەڭنىڭ ارۋاعى ومىردە، ونەردە بىرگە جۇرگەن جولداستارىنىڭ وسىنداي شارالارعا ءبىر كىسىدەي ات سالىسىپ، جۇگىرىپ جاتقانىنا ءبىر اۋناپ ءتۇسىپ جاتقان شىعار. جولداس، قالامداس، نيەتتەس باۋىرلارىنا دا ۇلكەن ريزاشىلىق بىلدىرەمىز.
- بيلەتتەر ساتىلىپ جاتىر ما؟
- ەرەكەڭ ومىردە اشىق-جارقىن، جومارت جىگىت ەدى عوي. ەشكىمنەن جاقسىلىعىن ايامايتىن. ەندى، سول مىنەزىنىڭ جاقسىلىعىن ىنىلەرى ءبىز كورىپ جاتىرمىز. اقشالاي بولسىن، باسقالاي بولسىن جاردەمدەسىپ جاتقاندار از ەمەس. بيلەت ساتىلمايدى، كەلەم دەۋشىلەرگە ەسىك اشىق. بارلىقتارىڭىزدى سول جەردەن كۇتەمىز.
- كەش ءساتتى ءوتسىن!
ەسبول نۇراحمەت
«اباي-اقپارات»
