ءبىلىم سالاسىنىڭ تامىرىنا ءنار ءبىتتى. بويىنا قان جۇگىردى. وقۋ ورداسىنىڭ جۇرەگى بولعان ۇستازدار مەن وقۋشىلار قايتادان تابىستى. مەرەكەلىك فانفارلار شىرقالىپ، بارلىق سىنىپتار قاتارعا تۇرعىزىلۋدا. وسىلايشا تالدىقورعان قالاسىنداعى اباي اتىنداعى №1 مەكتەپ-گيمنازياسىندا ءبىلىم كۇنىنە ارنالعان سالتاناتتى جيىن باستالدى.

ۇزاق قاشىقتىقتان وقىتۋدان كەيىن دەمالىپ، وقۋشىلار مەكتەپ اۋلاسىنا قايتا جينالدى. بالالار سىنىپتاستارىمەن جانە سۇيىكتى مۇعالىمدەرىمەن كوپتەن كۇتكەن كەزدەسۋگە قۋاندى.

ءبىرىنشى قىركۇيەك ءبىرىنشى سىنىپ وقۋشىلارى ءۇشىن ەرەكشە كۇن، ولار العاش رەت جاڭا ءبىلىم الەمىنە ەنەدى. اباي اتىنداعى №1 مەكتەپ-گيمنازياسىنىڭ ەسىگى كۇردەلى جوندەۋدەن كەيىن قايتا اشىلدى، بيىل مەكتەپ ءوز وقۋشىلارىن 48-ءشى رەت قارسى الدى. ءبىرىنشى سىنىپقا №1 مەكتەپكە 174 بالا قابىلداندى، ولارمەن بىرگە بيىل العاش رەت وبلىسىمىزدىڭ 50 مىڭعا جۋىق ءبىرىنشى سىنىپ وقۋشىلارى پارتاعا وتىرادى.

مەكتەپ-گيمنازياسىنىڭ ديرەكتورى سامعات دولاەۆ اتا-انالاردى، وقۋشىلار مەن پەداگوگيكالىق ۇجىمدى كوپتەن كۇتكەن وقيعامەن قۇتتىقتادى.
"بۇگىن ءبىلىم كۇنى، جاڭا وقۋ جىلىنىڭ باستالۋى. وقۋشىلار مەن مۇعالىمدەرگە جاڭا وقۋ جىلى بارلىعىنا جەمىستى جانە ءبىلىم مەن جەتىستىكتەرگە باي بولسىن دەپ تىلەيمىن! ابايدىڭ 175 جىلدىق مەرەيتويى اياسىندا وتكەن جىلى مەكتەپكە كۇردەلى جوندەۋ جۇمىستارى باستالدى. ناۋرىزدا ءبىز جوندەۋ جۇمىستارىن تولىعىمەن اياقتاۋىمىز كەرەك ەدى. بىراق ءار ءتۇرلى سەبەپتەرمەن جوندەۋ جۇمىستارى مەرزىمىنەن كەش اياقتالدى. دەسەدە، ءبىلىم كۇنىنە ۇلگەردىك. مۇعالىمدەر دە، اتا - انالار دا ريزا", - دەدى مەكتەپ ديرەكتورى قۇتتىقتاۋ سوزىندە.

ايتا كەتەيىك، الماتى وبلىسىندا جاڭا جانە ساپالى جابدىقتالعان مەكتەپتەردىڭ قۇرىلىسى جالعاسۋدا. بۇل ماسەلەدە اۋىلدىق جەرلەرگە ەرەكشە كوڭىل بولىنەدى. وبلىس بويىنشا بارلىعى التى جاڭا مەكتەپ قولدانىسقا بەرىلدى.

ءبىلىم كۇنى ءبىرىنشى قىركۇيەك كۇنى الماتى وبلىسىنىڭ ىلە اۋدانىنى قاروي اۋىلىندا 900 ورىنعا ەسەپتەلگەن، بورالداي كەنتىندە 300 بالاعا ارنالعان جانە قوسوزەك اۋىلىندا 600 ورىندىق ءۇش جاڭا مەكتەپ سالتاناتتى تۇردە ەسىگىن ايقارا اشتى.

سونداي-اق، پانفيلوۆ اۋدانى اققۇدىق اۋىلىنىڭ وقۋشىلارى ءۇشىن 120 ورىندىق جاڭا مەكتەپتە قوڭىراۋ سوعىلدى. مەكتەپ 2736,84 شارشى مەتر اۋماقتى الىپ جاتىر. وقۋ ورنىندا 28 وقىتۋشى جۇمىس ىستەيتىن بولادى.
قاراساي اۋدانىنىڭ باتان اۋىلىنداعى 450 ورىندىق جاڭا وقۋ ورنىنىڭ ءىشىى بالالرعا تولدى.

ەسكەلدى اۋدانىنىڭ اباي اۋىلىنداعى 25 بالاعا ارنالعان مەكتەپكە دەيىنگى شاعىن ورتالىعى بار 180 ورىندىق ورتا مەكتەپتىڭ قۇرىلىس جۇمىستارى اياقتالدى. جاڭا وقۋ ورنىندا سپورتزال، اسحانا جانە تەحنيكانىڭ سوڭعى نۇسقاسى بويىنشا جابدىقتالعان ونداعان كابينەت بار. جاڭا وقۋ ورنىنىڭ قۇرىلىسىنا وبلىستىق بيۋدجەتتەن ءبىر ميللياردتان استام تەڭگە ءبولىندى. "تالاس-قۇرىلىس" مەردىگەرلىك ۇيىمى نىساندى مەرزىمىندە اياقتاپ، ونى جەرگىلىكتى اۋىل تۇرعىندارىنىڭ قۋانىشىنا وراي پايدالانۋعا بەردى. مەكتەپ عيماراتى جەرتولە، ەكى قابات جانە 9 بلوكتان تۇرادى.

2021 جىلدىڭ سوڭىنا دەيىن 2700 ورىندىق تاعى 3 مەكتەپتىڭ قۇرىلىسى اياقتالۋى ءتيىس. بۇگىنگى تاڭدا ولاردىڭ قۇرىلىسى ىلە اۋدانىنىڭ جاپەك باتىر اۋىلىندا، قاراساي اۋدانىنىڭ ۇشتەرەك اۋىلىندا جانە تالعار قالاسىندا جۇرگىزىلۋدە.

بيىلعى جىلى كۇردەلى جوندەۋ 19 مەكتەپتە جۇرگىزىلىپ جاتقانىن اتاپ ءوتۋ ماڭىزدى. وقۋ جىلى باستالعانعا دەيىن 9 مەكتەپكە كۇردەلى جوندەۋ جۇمىستارىن اياقتاۋ جوسپارلانۋدا. 2021 جىلدىڭ سوڭىنا دەيىن وبلىستىڭ تاعى 9 مەكتەبىنە كۇردەلى جوندەۋ جۇرگىزۋ جوسپارلانعان.

ايتا كەتەيىك، الداعى وقۋ جىلى قاتاڭ سانيتارلىق-ەپيدەميولوگيالىق تالاپتارمەن وتەدى. ۆيرۋستىڭ بالالار اراسىندا تارالۋىن بولدىرماۋ ءۇشىن بارلىق مەكتەپتەر قاۋىپسىزدىك شارالارىن ۇستانادى. الماتى وبلىسى ءبىلىم باسقارماسىنىڭ مالىمەتىنشە، 52 مىڭنان استام مۇعالىم كوروناۆيرۋسقا قارسى ۆاكتسينا العان.

Abai.kz