اسكەري پروكۋراتۋرا «ارقانكەرگەن» وقيعاسىنا بايلانىستى جاڭا دەرەكتەردى جاريا ەتتى. «ازاتتىق» راديوسى باس اسكەري پروكۋرور ەرعالي مەرزادينوۆتىڭ سوزىنە سىلتەمە جاساي وتىرىپ: «چەلاح قىلمىس جاساعان كەزدە سىبايلاسى بولماعان. قىلمىسقا ىشكى قاقتىعىس، ەسىنىڭ تۇسىندىرۋگە كەلمەيتىن كۇيدە بولۋى سەبەپ بولعان» دەپ جازادى. ءارى «ۆلاديسلاۆ چەلاحتىڭ اناسى سۆەتلانا ۆاششەنكو ازاتتىق راديوسىنا 9 ماۋسىمدا قاماۋدا جاتقان بالاسىمەن كەزدەسكەندە ۇلىنىڭ وزىنە «14 سەرىگىن ولتىرمەگەنىن ايتتى» دەگەن ەدى»، دەپ حابارلايدى.
ال، ۇقك توراعاسىنىڭ ورىنباسارى نۇرجان مىرزاليەۆ پرەزيدەنت نازارباەۆتىڭ اتىنا ءوزىن قىزمەتىنەن بوساتۋ جونىندە راپورت جازعانى ءمالىم بولدى.
جانە دە «jaqsy.kz» سايتى «"جاۋىز" چەلاحتىڭ جاسىرىنىپ جۇرگەندە تۇسىرگەن فوتولارى» دەگەن تاقىرىپپەن بىرنەشە فوتوسۋرەت (سۋرەتتە) جاريالادى. اتالعان سايت: «بۇگىن باس پروكۋراتۋرا ۆلاديسلاۆ چەلاحتىڭ ىسىنە بايلانىستى جاڭا دەرەكتەردى جاريا ەتتى. مىسالى، سونىڭ ءبىرى - ونىڭ ۇڭگىردە، جىقپىلدا جاسىرىنىپ، بوي تاسالاپ جۇرگەندە، ۇيالى تەلەفونمەن تۇسىرگەن فوتولارى. بىراق، فوتونىڭ ساپالارى وتە جوعارى، ارقايسىسى 4,5 - 5 مب شاماسىندا بولدى. سوعان قاراپ، ولاردىڭ سوتكامەن تۇسىرىلگەنىنە ءسال دە بولسا، كۇمان بار....»، دەپ جازادى.

اسكەري پروكۋراتۋرا «ارقانكەرگەن» وقيعاسىنا بايلانىستى جاڭا دەرەكتەردى جاريا ەتتى. «ازاتتىق» راديوسى باس اسكەري پروكۋرور ەرعالي مەرزادينوۆتىڭ سوزىنە سىلتەمە جاساي وتىرىپ: «چەلاح قىلمىس جاساعان كەزدە سىبايلاسى بولماعان. قىلمىسقا ىشكى قاقتىعىس، ەسىنىڭ تۇسىندىرۋگە كەلمەيتىن كۇيدە بولۋى سەبەپ بولعان» دەپ جازادى. ءارى «ۆلاديسلاۆ چەلاحتىڭ اناسى سۆەتلانا ۆاششەنكو ازاتتىق راديوسىنا 9 ماۋسىمدا قاماۋدا جاتقان بالاسىمەن كەزدەسكەندە ۇلىنىڭ وزىنە «14 سەرىگىن ولتىرمەگەنىن ايتتى» دەگەن ەدى»، دەپ حابارلايدى.
ال، ۇقك توراعاسىنىڭ ورىنباسارى نۇرجان مىرزاليەۆ پرەزيدەنت نازارباەۆتىڭ اتىنا ءوزىن قىزمەتىنەن بوساتۋ جونىندە راپورت جازعانى ءمالىم بولدى.
جانە دە «jaqsy.kz» سايتى «"جاۋىز" چەلاحتىڭ جاسىرىنىپ جۇرگەندە تۇسىرگەن فوتولارى» دەگەن تاقىرىپپەن بىرنەشە فوتوسۋرەت (سۋرەتتە) جاريالادى. اتالعان سايت: «بۇگىن باس پروكۋراتۋرا ۆلاديسلاۆ چەلاحتىڭ ىسىنە بايلانىستى جاڭا دەرەكتەردى جاريا ەتتى. مىسالى، سونىڭ ءبىرى - ونىڭ ۇڭگىردە، جىقپىلدا جاسىرىنىپ، بوي تاسالاپ جۇرگەندە، ۇيالى تەلەفونمەن تۇسىرگەن فوتولارى. بىراق، فوتونىڭ ساپالارى وتە جوعارى، ارقايسىسى 4,5 - 5 مب شاماسىندا بولدى. سوعان قاراپ، ولاردىڭ سوتكامەن تۇسىرىلگەنىنە ءسال دە بولسا، كۇمان بار....»، دەپ جازادى.
«ارقانكەرگەن» وقيعاسىنىڭ  ءبىر كۇندىك اقپاراتتار لەگى وسىنداي. ال، ەل ىشىندە بۇل وقيعاعا سىرتقى كۇشتەردىڭ، سونىڭ ىشىندە رەسەيدىڭ قاتىسى بار دەگەن جورامال جەلدەي ەسىپ تۇر. الايدا، رەسمي ورىندار وقيعانىڭ سەبەبىن ىشكى قاقتىعىستان ىزدەپ وتىر.
«اباي-اقپارات»