كەشە عانا قازاقستان ۇكىمەتى رەسەيدىڭ "سبەر" كومپانياسىمەن مەملەكەتتىك باسقارۋدى تسيفرلىق ترانسفورماتسيالاۋ بويىنشا ىنتىماقتاستىق تۋرالى مەموراندۋمعا قول قويدى.

قۇجاتتا قازاقستان مەملەكەتتىك باسقارۋداعى تسيفرلاندىرۋدى، حالىققا قىزمەت كورسەتۋدى جىلدامداتۋ مەن ءتيىمدى ەتۋگە جول اشادى دەلىنگەن.

پلاتفورما "ۇلكەن دەرەكتەر" مەن جاساندى ينتەللەكت نەگىزىندە جاسالعان.
ۇلكەن دەرەكتەر (بولشيە داننىە) دەگەنىمىز - قازاقستاندىقتار تۋرالى تەرەڭ ماعلۇماتتار. مىسالى ازاماتتاردىڭ قارجىلىق احۋالى، وتباسىلىق جاعدايى، ءدىني سەنىمى، ميگراتسيا، مەكەنجايى، جۇمىس ورنى، دەنساۋلىعىنا بايلانىستى ت.ب. تولىپ جاتقان مالىمەتتەر.

مۇنداي اقپاراتتاردى وزگە ەلدىڭ كومپانياسىنىڭ قولىنا بەرە سالۋ، ۇلتتىق قاۋىپسىزدىككە تونگەن قاتەر دەپ ويلايمىن. ونىڭ ۇستىنە "سبەر" كومپانياسىنىڭ 51% اكتسياسى رەسەي ۇكىمەتىنە تيەسىلى.

مۇنداي "جوعارى رەسەيلىك تەحنولوگيادان" باس تارتۋعا نەگىز كوپ. بۇۇ ەلەكتروندىق ۇكىمەتتى دامىتۋ بويىنشا 2020 جىلى جۇرگىزگەن ەسەبىنە سۇيەنسەك قازاقستان 29 ورىندا، ال كورشىمىز 36 ورىنعا جايعاسقان.

ءيا، كوپ قارجى جۇمسالىپ، كوپ قاتەلىكتەر كەتسە دە ونلاين قىزمەت كورسەتۋدەن ىلگەرىلەۋمىز. حالىقتى اۋرەگە سالاتىن كوپ قۇجاتتار اينالىمنان الىنىپ، كۇشىن جويدى. بىردەبىر قۇجاتسىز، تەك سمارتفونمەن عانا جۇرۋگە از قالدىق. كولىكتى ساتىپ الۋ، نەكەگە تۇرۋ، جاڭا تۋعان نارسەتەنى تىركەۋگە دەيىن تسيفرلاندى. ال رەسەيدە ءالى دە كوپ قۇجات اينالىمدا.

مەموراندۋم دەگەن شارتتىق مىندەتتەمەلەرى بار قۇجات ەمەس. سوندىقتاندا تسيفرلىق دامۋ ءمينيسترى ب.مۋسين مىرزانىڭ قازاقستاندىقتار تۋرالى دەرەكتەردىڭ كورشى مەملەكەتكە بەرىلمەۋىنە جول بەرمەيدى دەپ ۇمىتتەنەمىن.

بۇل ءجاي عانا توقاەۆ مىرزانىڭ پۋتينگە جاساعان ء"بىز سەنىمەن بىرگەمىز" دەگەن ديپلوماتيالىق قادامى دەپ ۇعۋ كەرەك سياقتى. ايتپەگەندە بۇل وزگە مەملەكەتتىڭ ىشكى ىسىنە ارالاسۋ، سۋۆەرەنيتەتىنە قولۋ سۇعۋ بولار ەدى.

ابزال دوسىم

Abai.kz