قازاقستانداعى ماۋسىمارالىق كەزەڭدە تۇراقتاندىرۋ قورلارىندا كارتوپ، ءسابىز، قىرىققابات پەن پيازدىڭ بەس ايلىق قورى جيناقتالماق. بۇل تۋرالى ۇكىمەت وتىرىسىندا قر اۋىل شارۋاشىلىعى ءبىرىنشى ۆيتسە-ءمينيسترى ايداربەك ساپاروۆ ايتتى.

ساپاروۆ ينفلياتسياعا قارسى شارالار كەشەنىنىڭ جوباسىندا اۋىل شارۋاشىلىعى مينيسترلىگىنە 11 جەدەل جانە 8 ورتا مەرزىمدى شارالاردى ورىنداۋ جۇكتەلگەنىن اتاپ ءوتتى. اتاپ ايتقاندا، اۋىل شارۋاشىلىعى ونىمدەرىن ءوندىرۋ ءۇشىن داقىلداردىڭ القاپتارىن، كوكونىستەردى ساقتاۋ سىيىمدىلىقتارىن ۇلعايتۋ بويىنشا شارالار قابىلداۋ ىسكە اسقان. ونىڭ ايتۋىنشا، شيكىزات بازاسىن دامىتۋ ءۇشىن "ازىق-تۇلىك كەلىسىم شارت كورپوراتسياسى" نەگىزىندە استىقتىڭ تۇراقتى مال ازىقتىق قورىن قالىپتاستىرۋدى كوزدەيتىن، جەم ءوندىرىسىن دامىتۋدىڭ "جول كارتاسى" ازىرلەنەتىن بولادى.  سونداي-اق ۋاقىتشا ساندىق شەكتەۋلەر ەنگىزۋ، ياعني كۆوتالار نەمەسە ءىرى جانە استىق جەمىن ەكسپورتتاۋعا تىيىم سالۋ دا نەگىزگى مىندەتتەردىڭ ءبىرى بولىپ وتىر.

باسقارما باسشىسى ەسەپتەۋلەر بويىنشا رەسپۋبليكادا كارتوپ پەن كوكونىس ساتىپ الۋ كولەمى 229 مىڭ توننانى، قاراقۇمىق - 17,6 مىڭ توننانى جانە كۇنباعىس مايى - 28,5 مىڭ توننانى قۇرايتىنىن قوسا ايتتى.

Abai.kz