الماتى وبلىسىندا تاعى ءبىر جەل ەلەكترستانتسياسى سالىنادى. قۋاتتىلىعى 50 مۆت بولاتىن نىسان سايالى سارقان اۋدانىندا تۇرعىزىلادى دەپ حابارلايدى اۋدان اكىمدىگىنىڭ ءباسپاسوز قىزمەتى.

لەپسى وڭىرىندە سالىنىپ جاتقان جەس-سى نەگىزىنەن جەكە قاراجات ەسەبىنەن جۇزەگە اسىرىلىپ جاتقان اۋدانداعى ەڭ ءىرى جوبا.

جاۋاپتى «ۆەس اباي – 2» جشس. اقپارلارىنشا، قۇرىلىسى كەزەڭ-كەزەڭىمەن جوسپارلانعان ەلەكترستانتسيا 2019 جىلى باستالىپ، 2022 جىلدىڭ سوڭىنا دەيىن اياقتالادى.

الدىمەن كەڭ جازىققا جول سالىنىپ. بۇگىنگى كۇنى جۇمىستارى قارقىن العان مۇنىمەن قوسا قوندىرعىلاردىڭ نەگىزىن قۇيىپ باستالىپتى. قۇرىلىس ايماعىندا 100-گە جۋىق ازامات جۇمىس ىستەۋدە.

«مۇنداي ەلەكتر قۋاتىن وڭدەيتىن ستانتسيا قاپشاعاي قالاسىندا بار بولسا، ەندى اۋدانىمىزدىڭ لەپسى ايماعىندا بولماق. بىراق قۋاتتىلىعى جاعىنان باسىم تۇسەدى. ياعني، جىلىنا مۇندا 50 مۆت توق كوزى وڭدىرىلەدى. جىل سوڭىنا دەيىن 6 قوندىرعى ورناتىلىپ، ىسكە قوسىلۋ جوسپارلانىپ وتىر»، - دەپ ءبولىستى اۋدان اكىمى تالعات قاناتۇلى.

لەپسى اۋىلىنان 80 كم قاشىقتىقتا ورنالاسقان ستانتسيا كەڭ جازىقتا ورنالاسقان جەلدى ايماق. جەلدىڭ وتىندە ورنالاسقان جايپاڭ مەكەن بولعاندىقتان بۇنداي جارىق قۋاتىن وڭدەيتىن مۇنارالار ءۇشىن تاپتىرماس جەر.

بيىكتىگى 100 مەتر، اينالعىش قاناتتارى 70 مەتر بولاتىن مۇنارانىڭ سانى 16 بولادى. ولاردىڭ بىرەۋىنىڭ ءوزى 3,2 مۆت وڭدەۋگە قاۋقارلى.

وسىنداي ءىرى ءارى ءتيىمدى جوبالاردىڭ ارقاسىندا اۋدانعا ينۆەستيتسيا تارتىلىپ، جاڭا جۇمىس ورىندارى اشىلىپ ءوڭىرىمىزدىڭ ودان ءارى دامۋىنا ءوز سەپتىگىن تيگىزەدى دەگەن ءسوز.

ايتا كەتەيىك، جەل ەلەكترستانتسياسىنىڭ سالىنۋ جۇمىستارىنا جەكە قاراجات ەسەبىنەن 19 ملرد.تەڭگە ينۆەستيتسيا تارتىلعان.

Abai.kz