«مەنىڭ ناماز وقىعىم كەلەدى» دەگەن اق قۇبا ورىس قىزىنىڭ سوزىنە ءبارىمىز اڭتارىلىپ قالدىق. مۇسىلمان كيىمىن كيىپ، نامازعا ساقاداي سايلانىپ، مەشىتكە قادام باسقان قىزىمىزعا قاراپ، «نيەتىڭدى اللا قابىل ەتسىن، جۇرە عوي» دەگەنىمىزگە «مەنىڭ ۇلتىم ورىس، مەشىتكە كىرۋىمە بولا ما؟» دەپ، سۇرادى. «قاسيەتتى دىنىنە جۇرەگىن بۇرعان قاي پەندەنىڭ بولسىن جاراتقان اللانىڭ ءوزى الدىنان ەسىك اشادى. نيەتىڭە قاراي جەتەكتەپ، وسى جەرگە اكەلگەن اللا. سوندىقتان، كىرە بەر» دەگەنىمىزگە كۇلىم قاققان گورباتەنكو يۋليا الەكساندرقىزى (سۋرەتتە) سوڭىمىزدان ەرە باستادى. اتا تەگىندە اكەسىنىڭ اناسى ياعني اجەسى قازاق ەكەن. مۇمكىن سول بابا رۋحى وسى نەمەرەسىنە جەتكەنى بولۋى كەرەك. ەش قىسىلماستان «مەنىڭ يسلام ءدىنىن قابىلداعانىما جارتى جىلداي ۋاقىت ءوتتى. ەندى نامازعا جىعىلىپ، قۇران وقۋعا تالپىنىپ ءجۇرمىن. العاشىندا انام بىرەر كۇندەي قارسى بولعان، كەيىننەن كەلىسىمىن بەردى. نيەتىڭنەن قايتپاساڭ بولعانى، سەبەبى ءدىن ادامعا ويىنشىق ەمەس، سەنىمىڭە مىقتى بول دەگەنى بار. ءبۋحاريدىڭ ساحيح حاديستەرىن وقىدىم. يسلام ءدىنىنىڭ كوپتەگەن زاڭدىلىقتارىمەن تانىستىم» دەگەن باياندى اڭگىمەسىنەن كەيىن دىنگە كەلۋ جولى مەن وعان دەگەن سۇيىسپەنشىلىگىن بىلدىرگەن يۋليا وزىنە مۇسىلمان ەسىمىن قابىلداعانىن جاسىرمادى. يننايا ياعني اراب ەسىمى «قامقورلىق» دەگەن ماعىنانى بىلدىرەدى. «جولىڭدا قانداي قيىندىقتار بار؟» دەگەن ساۋال قويدىق. «سەنەسىزدەر مە، ەشقانداي.

«مەنىڭ ناماز وقىعىم كەلەدى» دەگەن اق قۇبا ورىس قىزىنىڭ سوزىنە ءبارىمىز اڭتارىلىپ قالدىق. مۇسىلمان كيىمىن كيىپ، نامازعا ساقاداي سايلانىپ، مەشىتكە قادام باسقان قىزىمىزعا قاراپ، «نيەتىڭدى اللا قابىل ەتسىن، جۇرە عوي» دەگەنىمىزگە «مەنىڭ ۇلتىم ورىس، مەشىتكە كىرۋىمە بولا ما؟» دەپ، سۇرادى. «قاسيەتتى دىنىنە جۇرەگىن بۇرعان قاي پەندەنىڭ بولسىن جاراتقان اللانىڭ ءوزى الدىنان ەسىك اشادى. نيەتىڭە قاراي جەتەكتەپ، وسى جەرگە اكەلگەن اللا. سوندىقتان، كىرە بەر» دەگەنىمىزگە كۇلىم قاققان گورباتەنكو يۋليا الەكساندرقىزى (سۋرەتتە) سوڭىمىزدان ەرە باستادى. اتا تەگىندە اكەسىنىڭ اناسى ياعني اجەسى قازاق ەكەن. مۇمكىن سول بابا رۋحى وسى نەمەرەسىنە جەتكەنى بولۋى كەرەك. ەش قىسىلماستان «مەنىڭ يسلام ءدىنىن قابىلداعانىما جارتى جىلداي ۋاقىت ءوتتى. ەندى نامازعا جىعىلىپ، قۇران وقۋعا تالپىنىپ ءجۇرمىن. العاشىندا انام بىرەر كۇندەي قارسى بولعان، كەيىننەن كەلىسىمىن بەردى. نيەتىڭنەن قايتپاساڭ بولعانى، سەبەبى ءدىن ادامعا ويىنشىق ەمەس، سەنىمىڭە مىقتى بول دەگەنى بار. ءبۋحاريدىڭ ساحيح حاديستەرىن وقىدىم. يسلام ءدىنىنىڭ كوپتەگەن زاڭدىلىقتارىمەن تانىستىم» دەگەن باياندى اڭگىمەسىنەن كەيىن دىنگە كەلۋ جولى مەن وعان دەگەن سۇيىسپەنشىلىگىن بىلدىرگەن يۋليا وزىنە مۇسىلمان ەسىمىن قابىلداعانىن جاسىرمادى. يننايا ياعني اراب ەسىمى «قامقورلىق» دەگەن ماعىنانى بىلدىرەدى. «جولىڭدا قانداي قيىندىقتار بار؟» دەگەن ساۋال قويدىق. «سەنەسىزدەر مە، ەشقانداي. يسلام ءدىنى جايلى قانشا رەت كىتاپتان وقىسام دا، مۇسىلمان اراسىندا بولىپ، ونى سوندا عانا تولىقتاي تاني باستادىم. ءبىر - بىرىنە دەگەن ىزگى ءىلتيپات، تانىماستان حال - جاعداي سۇراسۋ، قۇشاق جايا اماندىق تىلەۋدىڭ ءوزى مەن ءۇشىن ەڭ قاجەتتى قۇندىلىق. يسلام مەنى وسىلايشا قارسى الادى دەگەن ويىم بولعان ەمەس. ينشااللا، ەندىگى جەردە مەشىتكە كەلىپ، وندا قۇران وقۋدى پارىزىما اينالدىرامىن. مەنىڭ ويىمشا، مۇنى يسلام ءدىنىنىڭ ءلاززاتى دەپ بىلەمىن» دەدى. كەيىنگى كەزدەردە وزگە ۇلتتىڭ قىزدارىنان دىنىمىزگە قادام باسىپ جاتقاندارى راس. ءتىلىن كاليماعا كەلتىرىپ، ءدىني كىتاپتارعا قىزىعۋشىلىق تانىتىپ جۇرگەندەر دە بارشىلىق. ال سولاردىڭ اراسىندا مەشىتىمىزگە جەتكەن يننايا قاسيەتى جۇما نامازىنا ۇزبەي كەلىپ ءجۇر. جاقىن جەردە ورنالاسقان كىشىگىرىم دۇكەندەگى ساتۋشى قىزمەتىن ءبىر ۋاق ءۇزىپ، ازاننىڭ ۇنىنە ىلەسكەن قىزىمىزدى «دىنىمىزگە حوش كەلدىڭ، يننايا!» دەگەن تىلەكپەن ءاردايىم قارسى الامىز.

وسكەمەن ورتالىق مەشىتىنىڭ ءباسپاسوز قىزمەتى.

«اباي-اقپارات»