ازەربايجان استاناسى باكۋ قالاسىندا تۇركسوي حالىقارالىق تۇركى مادەنيەتى ۇيىمى ارنايى بەكىتكەن تۇركسوي-دىڭ باق سالاسىنداعى "حارى بۇلبۇل" حالىقارالىق سىيلىعىن ءباسپاسوز وكىلدەرىنە تاپسىرۋ ءراسىمى ءوتتى.

باكۋدىڭ جەتەكشى مادەني ورتالىقتارىنىڭ ءبىرى - مۋگاما حالىقارالىق ورتالىعىندا وتكەن ءىس-شارادا ازەربايجاننىڭ مادەنيەت ءمينيسترى انار كەريموۆ پەن تۇركسوي باس حاتشىسىنىڭ ورىنباسارى دوكتور بيلال چاكىجى ازەربايجان جەرىن ازات ەتۋ بويىنشا 44 كۇندىك وتان سوعىسى وقيعالارى تۋرالى بۇكىل الەمگە جاريا ەتكەن تۇركى الەمىنىڭ ءباسپاسوز وكىلدەرىنە ناگرادالار تابىس ەتتى.

ءىس-شارانىڭ اشىلۋىندا ءسوز سويلەگەن مينيستر انار كەرىموۆ 44 كۇندىك وتان سوعىسى كەزىندە وڭىردە جۇمىس ىستەگەن ءباسپاسوز وكىلدەرى ءوز ميسسياسىن ەڭ جوعارى دەڭگەيدە ورىنداعانىن جانە سول ءۇشىن ءوز ومىرلەرىن قيعانىن اتاپ ءوتتى. قاتىسۋشىلار قايتىس بولعاننان كەيىن تۇركسوي-دىڭ باق سالاسىنداعى حالىقارالىق سىيلىعىنا يە بولعان ازەربايجان مەملەكەتتىك اقپارات اگەنتتىگىنىڭ (ازەرتادج) ءتىلشىسى مەحەررەم يبراگيموۆ پەن ازەربايجان مەملەكەتتىك تەلەۆيزياسىنىڭ (AzTV) وپەراتورى سىرىم ءابىشوۆتى ءبىر مينۋت ۇنسىزدىكپەن ەسكە الدى.

ماراپاتتاۋ راسىمىندە سويلەگەن سوزىندە تۇركسوي باس حاتشىسىنىڭ ورىنباسارى، دوتسەنت بيلال چاكىجى تۇركى الەمى ءباسپاسوزىنىڭ وكىلدەرى باۋىرلاس ازەربايجان حالقىن قولداپ، وقيعالاردى جاريالاپ، جەڭىسكە جەتۋگە ەلەۋلى ۇلەس قوسقانىن ايتتى.

"مەن ازەربايجاننىڭ ەجەلگى جەرلەرىن وككۋپاتسيادان ازات ەتۋ پروتسەسىندە كورسەتكەن قولداۋىڭىز ءۇشىن تۇركسوي-عا العىس رەتىندە ءبىز قۇرمەتتى ءباسپاسوز وكىلدەرىنە بەرەتىن وسى ماراپاتتى قابىلداعاندارىڭىزدى قالايمىن", - دەپ اتاپ ءوتتى بيلال چاكىجى.

ءسوز سوزدەن كەيىن 7 ەلدەن كەلگەن 36 جۋرناليستكە "حارى بۇلبۇل" باق سالاسىنداعى تۇركسوي حالىقارالىق سىيلىعىن تاپسىرۋ ءراسىمى ءوتتى. اتالعان جوعارى ناگرادالارمەن: تۇركيادان كەلگەن فۋليا وزتۇرىك، بۇلەنت چۋلدجۋوعلۋ جانە ابدۋلكاريم ۋلاك، قازاقستاننان الماس شوراەۆ، ارمان سۇلەيمەنوۆ جانە نۇرگەلدى ۋسبانوۆ، قىرعىزستاننان مۇراتبەك جولۋكەەۆ، نينا نيچيپوروۆا، قۇباتبەك ايباشوۆ، وزبەكستاننان ابدۋۆالي سايبنازاروۆ جانە سۋنناتيللا ابدۋللاەۆ، حورۆاتيادان كەلگەن حاسان حايدار دياب، فرانتسيادان رەزا دەگاتي، ەلنۋر مۋسازادە، سونداي-اق ازەربايجاننان مەحەررەم يبراگيموۆ پەن سيراچ ابيشوۆ قايتىس بولعاننان كەيىن ماراپاتتالدى.

Abai.kz