تۇركىمەنستان Bayraktar دروندارىن كورسەتتى
تۇركىمەنستان پرەزيدەنتى ەل تاۋەلسىزدىگىنىڭ 30 جىلدىعىنا وراي اسكەري شەرۋ وتكىزدى. شەرۋ بارىسىندا ورتالىق ازيا ەلدەرىنىڭ ىشىندە العاش بولىپ تۇركىمەنستان Bayraktar TB2 سوققى جاساۋشى دروندارىن كورسەتتى.
تاۋەلسىزدىك مەرەيتويىن اتاپ ءوتۋ تاۋەلسىزدىك مونۋمەنتىنە گۇل شوقتارىن قويۋمەن باستالدى. ال اسكەري شەرۋ جاقىندا عانا اشىلعان كوپەتداگ ەتەگىندەگى الاڭدا ءوتتى. اسكەري شەرۋ 3 ساعاتقا سوزىلىپ، وندا م-346 جانە A-29 Super Tuسano ۇشاقتارى دا اۋەدەن كورىندى. تۇركيا ەلىنىڭ ءونىمى سانالاتىن Bayraktar TB2 سوققى جاساۋشى دروندارى دا شەرۋدىڭ ءسانىن كەلتىردى.
Abai.kz
