بىلىكتى ۇستازدارىمەن ماقتانا الاتىن د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتى «ۇلتتىق يننوۆاتسيالىق قور» اكتسيونەرلىك قوعامىنىڭ 72 ميلليون تەڭگەدەن اساتىن ءتورت بىردەي عىلىمي گرانتىن جەڭىپ الدى. «التاي» تەحنوپاركىندە ينكۋباتسياعا قابىلدانعان بەس جوبانى قارجىلاندىرۋ 28 ميلليون تەڭگەنى قۇراپ وتىر. ينكۋباتسيادان وتكەن جوبالار تەحنوپارك بازاسىندا شاعىن يننوۆاتسيالىق كاسىپورىندار قۇرۋ جولىمەن جۇزەگە اسىرىلاتىن بولادى. بۇل - «ۇلتتىق يننوۆاتسيالىق قور» اق-نىڭ مىندەتتى شارتى.

«ۇلتتىق يننوۆاتسيالىق قور» اق-نىڭ بىرنەشە ساراپتاماسىنان كەيىن ەكولوگيالىق تازا اۋىلشارۋاشىلىعى ونىمدەرىن شىعارۋ ءۇشىن جاڭارتىلاتىن قۋات كوزدەرىن پايدالانۋعا ارنالعان قۇرىلعىلار بولاشاعى بار ماڭىزدى جوبالار دەپ تانىلدى. بۇل - اۋىزسۋدى تازارتۋعا ارنالعان تۇرمىستىق جاڭا سۇزگىلەر، سونداي-اق، جارىقديودتى تەحنولوگيالار نەگىزىندەگى ونەركاسىپ جانە اكىمشىلىك عيماراتتاردىڭ كەشەندى ەنەرگيا ۇنەمدەۋ جۇيەسى. سونىمەن قاتار قۇرىلىس قۇرىلعىلارىن مونتاجداۋ كەزىندە جىلجىتۋعا ءتوزىمدى جانە جىلجىتۋعا بولاتىن قوسىلىستاردى زەرتتەۋ جوباسى دا بار.

عىلىمي اتاق الدى

ەلوردادان قۋانىشتى حابار كەلىپ جەتتى. تەحنيكا عىلىمدارىنىڭ كانديداتى، «سۋ-اۋا باسسەينى مەن جىلۋ-گازبەن قامتۋدى ءتيىمدى پايدالانۋ» كافەدراسىنىڭ دوتسەنتى كولپاكوۆا ۆالەنتينا پاۆلوۆناعا تەحنيكا عىلىمدارىنىڭ دوكتورى عىلىمي اتاعى بەرىلدى.

بىلىكتى ۇستازدارىمەن ماقتانا الاتىن د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتى «ۇلتتىق يننوۆاتسيالىق قور» اكتسيونەرلىك قوعامىنىڭ 72 ميلليون تەڭگەدەن اساتىن ءتورت بىردەي عىلىمي گرانتىن جەڭىپ الدى. «التاي» تەحنوپاركىندە ينكۋباتسياعا قابىلدانعان بەس جوبانى قارجىلاندىرۋ 28 ميلليون تەڭگەنى قۇراپ وتىر. ينكۋباتسيادان وتكەن جوبالار تەحنوپارك بازاسىندا شاعىن يننوۆاتسيالىق كاسىپورىندار قۇرۋ جولىمەن جۇزەگە اسىرىلاتىن بولادى. بۇل - «ۇلتتىق يننوۆاتسيالىق قور» اق-نىڭ مىندەتتى شارتى.

«ۇلتتىق يننوۆاتسيالىق قور» اق-نىڭ بىرنەشە ساراپتاماسىنان كەيىن ەكولوگيالىق تازا اۋىلشارۋاشىلىعى ونىمدەرىن شىعارۋ ءۇشىن جاڭارتىلاتىن قۋات كوزدەرىن پايدالانۋعا ارنالعان قۇرىلعىلار بولاشاعى بار ماڭىزدى جوبالار دەپ تانىلدى. بۇل - اۋىزسۋدى تازارتۋعا ارنالعان تۇرمىستىق جاڭا سۇزگىلەر، سونداي-اق، جارىقديودتى تەحنولوگيالار نەگىزىندەگى ونەركاسىپ جانە اكىمشىلىك عيماراتتاردىڭ كەشەندى ەنەرگيا ۇنەمدەۋ جۇيەسى. سونىمەن قاتار قۇرىلىس قۇرىلعىلارىن مونتاجداۋ كەزىندە جىلجىتۋعا ءتوزىمدى جانە جىلجىتۋعا بولاتىن قوسىلىستاردى زەرتتەۋ جوباسى دا بار.

عىلىمي اتاق الدى

ەلوردادان قۋانىشتى حابار كەلىپ جەتتى. تەحنيكا عىلىمدارىنىڭ كانديداتى، «سۋ-اۋا باسسەينى مەن جىلۋ-گازبەن قامتۋدى ءتيىمدى پايدالانۋ» كافەدراسىنىڭ دوتسەنتى كولپاكوۆا ۆالەنتينا پاۆلوۆناعا تەحنيكا عىلىمدارىنىڭ دوكتورى عىلىمي اتاعى بەرىلدى.

د.سەرىكباەۆ اتىنداعى شقمتۋ ۇجىمى ۆالەنتينا پاۆلوۆنانىڭ بۇل تابىسىنا اسا قۋانىشتى. ۆ.كولپاكوۆا - اعىن سۋلاردى تازارتۋ سالاسىنداعى بەلگىلى عالىم. ونىڭ زەرتتەۋلەرى «تمك» اق، بۇقتىرما تسەمەنت كومپانياسى، مالەەۆ زىريان كەن-بايىتۋ كومبيناتى سياقتى وڭىرىمىزدەگى ءىرى كاسىپورىندارعا ەنگىزىلگەن.

اۆتوكولىك سىيلادى

جۋىقتا وسكەمەن قۇرىلىس-جول ينستيتۋتى - شىعىس قازاقستان تەحنيكالىق ۋنيۆەرسيتەتى - د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ تۇلەكتەرى وزدەرى ماماندىق الىپ شىققان جوعارى وقۋ ورنىنا كەرەمەت سىيلىق جاسادى. ولاردىڭ بارلىعى بىرىگىپ، وزدەرى تامامداعان ءبىلىم ورداسىنا اۆتوكولىك تارتۋ ەتتى.

بۇل-ۋنيۆەرسيتەت تاريحىنداعى تۇلەكتەردىڭ العاشقى سىيلىعى ەمەس، ارينە. ويتكەنى، ءار جىلدارداعى تۇلەكتەر ءبىرىنشى اۆتوكولىكتى جوعارى وقۋ ورنىنىڭ ەلۋ جىلدىق مەرەيتويىندا سىيعا تارتقان ەدى. «كازاحاۆتودور» رمك باسشىلارى 1,5 ميلليون تەڭگەنىڭ زەرتحانالىق قۇرال-جابدىقتارىن الىپ بەرسە، الماتىدا ەڭبەك ەتىپ جۇرگەن تۇلەكتەر «پروستور» دەمالىس بازاسىندا ءۇي سالۋ ءۇشىن ۋنيۆەرسيتەتتىڭ شوتىنا ميلليون تەڭگە اۋداردى. «وسكەمەن تمك» اق حيميا، مەتاللۋرگيا جانە كەن بايىتۋ كافەدراسىنا ارناپ 500 مىڭ تەڭگەنىڭ زەرتحانالىق قوندىرعىلارىن سىيلادى. مۇنداي مىسالداردى كوپتەپ كەلتىرۋگە بولادى.

وسكەمەن قۇرىلىس-جول ينستيتۋتى - شىعىس قازاقستان تەحنيكالىق ۋنيۆەرسيتەتى - د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ تۇلەكتەرىنىڭ «التىن بەسىك» اسسوتسياتسياسى بەلسەندى جۇمىس جۇرگىزىپ وتىر. ولار قازىرگى ستۋدەنتتەردىڭ بىرقاتار الەۋمەتتىك ماسەلەلەرىن شەشۋگە دە جۇمىلا اتسالىسادى. ول، ارينە، ماتەريالدىق كومەك كورسەتۋمەن عانا شەكتەلمەيدى. ماسەلەن، وزدەرى باسشىلىق ەتەتىن كاسىپورىندار مەن فيرمالاردا ستۋدەنتتەردى تاجىريبەدەن وتكىزىپ، جاس مامانداردى جۇمىسقا ورنالاستىرۋى الدەقايدا ماڭىزدى.

عابدۋل ءماۋىتحانوۆ.

شىعىس قازاقستان وبلىستىق «ديدار» گازەتىنەن الىندى