قىتايدىڭ جۇقپالى اۋرۋلاردى باقىلاۋ جانە قاداعالاۋ ورتالىعىنىڭ باسشىسى گاو فۋ حالىقارالىق عىلىمي فورۋمدا ادامزاتتىڭ بولاشاقتا اسا قاۋىپتى ۆيرۋس تۇرلەرىمەن مىندەتتى تۇردە جولىعاتىنىن مالىمدەدى. سوندىقتان ادامزاتتى جاڭا قاۋىپپەن بىرلەسە كۇرەسۋگە شاقىردى. 

"الەم تەك قانا كوروناۆيرۋسپەن ەمەس، سونىمەن قاتار ينفودەميامەن دە اۋىراتىن بولادى. ياعني شىنايى جانە جالعان اقپاراتتى اجىراتۋ قيىن اقپاراتتىق كەڭىستىك قالىپتاسۋدا. بۇل كوپتەگەن ماسەلەنى شەشۋگە كەدەرگى بولماق. ادامزاتتىڭ بولاشاعى ءۇشىن ماسەلەلەردى بىرلەسە شەشكەنىمىز دۇرىس. بولاشاقتا قاۋىپتى جاڭا ۆيرۋستار بولادى. قازىر ونى شارتتى تۇردە "ۆيرۋس ح" دەپ اتايىق", - دەدى ول.

ول سونىمەن بىرگە كوروناۆيرۋستىڭ اقپاراتتىق كەڭىستىكتە ساياسي قۇرالعا اينالىپ كەتكەنىن دە ايتا كەتتى.

Abai.kz