كوروناۆيۋرس پاندەمياسىمەن كۇرەس بويىنشا ازاماتتىق شتاب «ۆاكتسيناتسيا «جاقتايتىندار مەن داتتايتىندار» اتتى الەۋمەتتىك ساۋالناما ناتيجەسىمەن ءبولىستى.

كوروناۆيرۋس پاندەمياسىنا قارسى «ەل ءۇشىن ەگىلەمىن» ازاماتتىق شتاب وكىلدەرى قازاقستاننىڭ بارلىق ءوڭىرى مەن رەسپۋبليكالىق ماڭىزى بار قالالار بويىنشا 18 جاستان اسقان 2 559 رەسپوندەنتتەن تاۋەلسىز الەۋمەتتىك ساۋالناما الدى.

بۇل زەرتتەۋ ەل تۇرعىندارىنىڭ باسىم بولىگى، اتاپ ايتقاندا، ساۋالناماعا قاتىسقان 65,6%-ىنىڭ كوروناۆيرۋس ينفەكتسياسىمەن اۋىرماعانىن دالەلدەي الادى. دەگەنمەن 3%-ى COVID-19 جۇقتىرىپ، گوسپيتاليزاتسيالانعان (پتر تەستىلەۋ كەزىندە ۆيرۋس انىقتالعان), ال رەسپوندەنتتەردىڭ 21,4%-ىندا ۆيرۋس بەلگىلەرى بولعان، الايدا، ولار پتر تەستىن تاپسىرماعان. بۇل كەيبىر ازاماتتاردىڭ الەۋمەتتىك جاۋاپكەرشىلىگى جوقتىعىنان حابار بەرەدى. زاڭگەر، نۇر-سۇلتان قالاسىنداعى زاڭگەرلەر وداعى فيليالىنىڭ توراعاسى، ازاماتتىق شتاب مۇشەسى سەرىك بەركامالوۆ دەنساۋلىق ساقتاۋ مينيسترلىگى وكىلدەرىن ساۋالناما ناتيجەسىمەن تانىستىرۋ كەزىندە زەرتتەۋ سۇرالعانداردىڭ جالپى ەكپە مەن COVID-19-عا قارسى ۆاكتسيناعا دەگەن كوزقاراسىنداعى ايىرماشىلىقتى بايقاۋعا مۇمكىندىك بەرگەنىن اتاپ ءوتتى. مىسالعا، ساۋالناماعا قاتىسقانداردىڭ 11,9%-ى جالپى ەكپەگە قارسى بولسا، ال 24,2 پايىزى COVID-19 ۆاكتسيناسىنا قارسىلىق تانىتقان. سۇرالعانداردىڭ 69,6 پايىزى جالپى ەكپەگە، ال 58,5 پايىزى COVID-19-عا قارسى ۆاكتسينانى قولداعان. جالپى ۆاكتسيناتسياعا رەسپوندەنتتەردىڭ  18,5 پايىزى، ال COVID-19-عا قارسى ەكپەگە 17,4 پايىز بەيتاراپ پىكىر بىلدىرگەن. وسىلايشا، قازاقستاندا ۆاكتسيناتسيانى ناسيحاتتاۋ جانە قولداۋ بويىنشا قوعامدىق قوزعالىستىڭ جاريالاعان تۇرعىنداردىڭ 75 پايىزىن ەگۋ تۋرالى ماقساتى قولجەتىمدى ەكەنىن بايقاۋعا بولادى. وڭىرلەر بويىنشا ايتاتىن بولساق، COVID-19-عا قارسى ۆاكتسيناعا قارسىلىق تانىتقاندار سانى بويىنشا سولتۇستىك قازاقستان (46%), اتىراۋ (37,8%) جانە الماتى وبلىسى (35,2 پايىز) الدا. كوروناۆيرۋسقا قارسى ۆاكتسينانى قولداۋشىلار بويىنشا تۇركىستان وبلىسى (7,1%), باتىس قازاقستان وبلىسى (10,8 %) جانە جامبىل وبلىسى (11,8%) كوش باستاپ تۇر. وسىلايشا، تۇركىستان وبلىسى ۆاكتسيناتسيالاۋ بويىنشا العا شىعىپ، كوروناۆيرۋس ينفەكتسياسى بويىنشا «جاسىل» ايماققا اۋىستى.

ساۋالناما ناتيجەسى بويىنشا، قر دسم الداعى ۋاقىتتا COVID-19-عا قارسى ۆاكتسيناعا سەنىم تومەن ايماقتاردا اقپاراتتىق جۇمىستى قالىپقا كەلتىرۋگە دايىن.

جۇرگىزىلگەن ساۋالنامادان شىققان ماڭىزدى ناتيجە – COVID-19-عا قارسى ۆاكتسينا قاۋىپسىز. تەك 2 پايىز رەسپوندەنت ۆاكتسينانىڭ دەنساۋلىققا ۇزاق جاناما اسەرى بارىن اتاپ وتكەن (3 كۇننەن اسپايتىن ۋاقىت).  الەۋمەتتىك ساۋالناما ناتيجەسىمەن باق وكىلدەرىن تولىعىراق ازاماتتىق شتاب مۇشەسى سەرىك بەركامال تانىستىرا الادى.

قوسىمشا اقپارات:

2021 جىلدىڭ 3 تامىزى كۇنى قازاقستانداعى كوروناۆيرۋس پاندەمياسىمەن كۇرەس بويىنشا «ەل ءۇشىن ەگىلەمىن» ازاماتتىق شتابى قۇرىلدى.

ازاماتتىق شتابتىڭ ماقساتى – COVID-19- عا قاتىستى بارىنشا شىنايى اقپارات تاراتىپ، ازاماتتاردى ۆاكتسينا الۋعا ۇگىتتەۋ.

ۇيىمداستىرۋشلار ەلىمىزدى قالىپتى، كوۆيدكە دەيىنگى ومىرگە قايتارۋدى ماقسات ەتىپ وتىر. ال بۇل ۇجىمدىق يممۋنيتەتتى قالىپتاستىرىپ، حالىقتىڭ 70-80 پايىزىن ەگۋ ارقىلى عانا كوروناۆيرۋسپەن اۋىرعاندار مەن كوز جۇمعاندار سانىن ازايتقان كەزدە عانا مۇمكىن بولماق.

حالىققا شىنايى ۆاكتسينا تۋرالى اقپارات تاراتۋعا قول ۇشىن بەرمەك بەلسەندىلەر اراسىندا ۆياچەسلاۆ لوكشين، جىبەك جولداسوۆا، رافايل روزەنسون، دينارا ءساتجان، راحىم وشاقباەۆ، اسەل قاراۋلوۆا، سايدا تاۋكەلەۆا، مايرا يزمايلوۆا سياقتى تاعى باسقا بەلگىلى مەديتسينا ماماندارى، كاسىپكەرلەر، ازاماتتىق قوعام بەلسەندىلەرى، قوعام قايراتكەرلەرى مەن ساراپشىلار بار. باستاماشىل توپقا 200-دەن استام جوعارى كاسىبي ماماندار كىردى. ولار ءوز بىلىمدەرىن، كاسىبي تاجىريبەلەرىن جانە باسقا دا رەسۋرستارىن ەلدى ۆاكتسيناعا قاتىستى حاوستان شىعارۋ ءۇشىن جۇمساۋعا دايىن.

Abai.kz