اۋرۋ ادامداردا كوروناۆيرۋسقا قارسى يممۋنيتەت تۇراقسىز بولىپ قالادى، ال ۆاكتسيناتسيالانباعان ادامدار ينفەكتسيانى تەز جۇقتىرۋى مۇمكىن. بۇل تۋرالى الماتى قالاسىنىڭ №8 ەمحاناسىنىڭ باس دارىگەرى فاريدا اعىباەۆا حابارلادى. 

ۆيرۋستى قايتا جۇقتىرۋعا ۆيرۋستىڭ جاڭا نۇسقالارىنىڭ پايدا بولۋى، ءوز قاۋىپسىزدىگىنە نەمقۇرايلى كوزقاراس، باستاپقى ينفەكتسيا كەزىندە يممۋندىق جاۋاپتىڭ السىزدىگى جانە قالپىنا كەلگەننەن كەيىن IgG انتيدەنەلەرىنىڭ جەتكىلىكسىز مولشەرى ىقپال ەتەدى.

سونىمەن قاتار، الماتى قالالىق دەنساۋلىق ساقتاۋ باسقارماسى ۆاكتسيناتسيالانعان ادامداردىڭ باسىم كوپشىلىگى ينفەكتسيانى جەڭىل تۇردە جۇقتىراتىنىن حابارلادى. قايتا جۇقتىرۋ جاعدايلارى كوپ ەمەس، ويتكەنى ءبارى ەكىنشى رەت اۋىرمايدى. ساراپشىلار مەن امەريكاندىق ۆيرۋسولوگتاردىڭ ايتۋىنشا، باس دارىگەر ايتقانداي، COVID-19-نى جەڭگەن ناۋقاستاردىڭ ءۇش توبى بار: كۇشتى، ءالسىز جانە ورتاشا. ال ەل بويىنشا ۆيرۋستى ەكىنشى مارتە جۇقتىرۋ فاكتىلەرىنەن الماتى قالاسى كوش باسىندا.

Abai.kz