13 قازان كۇنى، وسىدان ەكى كۇن بۇرىن Abai.kz اقپاراتتىق پورتالىندا «ءتىل جاناشىرىن كىم سوتتاماق، نەگە سوتتاماق؟» اتتى ماقالا جاريالاندى. وندا كەرەكۋدەگى قوعام بەلسەندىسى، مەملەكەتتىك ءتىلدىڭ جاناشىرى رۋزا بەيسەنبايتەگىنىڭ ۇستىنەن ءىس قوزعالىپ، پوليتسيا قاماۋعا العانى، كەيىن بوساتقانى جانە سول كۇنى سوت وتەتىنى تۋرالى ەگجەي-تەگجەيلى جازىلعان.

ءبىز ابىلقايىر سقاقوۆ باسقاراتىن پاۆلودار وبلىستىق اكىمدىگىن، پاۆلودار قالالىق اكىمدىگى مەن وبلىستىق كوشى-قون پوليتسياسىن اتاپ، وبلىستا مەملەكەتتىك ءتىلدى دامىتۋ بارىسىندا نە ىستەلىپ جاتقانىن بىلمەك بولدىق. «كورىنگەننەن ءجابىر كورىپ جۇرگەن رۋزاعا نەگە كومەك قولىن سوزبايدى؟ جوق، الدە ولارعا مەملەكەتتىك ءتىلدىڭ قاجەتى جوق پا؟» دەپ سۇرادىق.

بۇگىن پورتالىمىزدىڭ ەلەكتروندى پوشتاسىنا پاۆلودار وبلىسىنىڭ مادەنيەت، تىلدەردى دامىتۋ جانە ارحيۆ ءىسى باسقارماسى ءۇشبۋ حات جولداپ، اتالعان ماسەلەگە قاتىستى تۇسىنىكتەمە جازىپ جىبەرىپتى. Abai.kz - ەركىن اقپارات الاڭى. ءبىز پاۆلودار وبلىسىنىڭ مادەنيەت، تىلدەردى دامىتۋ جانە ارحيۆ ءىسى باسقارماسىنىڭ جاۋاپ حاتىن قاز قالپىندا وقىرمان تالقىسىنا ۇسىنامىز.

جاۋاپ حات

پاۆلودار وبلىسىنىڭ مادەنيەت، تىلدەردى دامىتۋ جانە ارحيۆ ءىسى باسقارماسى اعىمداعى جىلى 13 قازاندا «Abai.kz» اقپاراتتىق پورتالىندا «ءتىل جاناشىرىن كىم سوتتاماق، نەگە سوتتاماق؟» تاقىرىبىندا شىققان ماقالاعا كەلەسىدەي تۇسىنىكتەمە بەرەدى.

8 قازاندا پاۆلودار قالاسىنىڭ كوشى-قون پوليتسيا بولىمىندە قوعام بەلسەندىسى رۋزا بەيسەنبايتەگىمەن بولعان ماسەلە بويىنشا پاۆلودار وبلىسىنىڭ مادەنيەت، تىلدەردى دامىتۋ جانە ارحيۆ ءىسى باسقارماسى وسى مەكەمە ۇجىمىمەن كەزدەسۋ وتكىزدى.

كەزدەسۋ بارىسىندا قر «قازاقستان رەسپۋبليكاسىنداعى ءتىل تۋرالى» زاڭىنىڭ نەگىزگى تالاپتارىن ساقتاۋ قاجەتتىلىگى جونىندە ءتۇسىندىرۋ جۇمىستارى جۇرگىزىلدى. سونىمەن قاتار، قر «قازاقستان رەسپۋبليكاسىنداعى ءتىل تۋرالى» زاڭىنىڭ 21-بابىنا سايكەس بارلىق كورنەكى اكپاراتتاردى زاڭعا سايكەس ورنالاستىرۋ، مەكەمەنىڭ بارلىق ىشكى قۇجات اينالىمىن ەكى تىلدە جۇرگىزۋ قاجەتتىلىگى جانە ءبولىم قىزمەتكەرلەرىنە جىل سايىن ۇيىمداستىرىلاتىن تەگىن قازاق ءتىلى كۋرستارىنا جازىلۋعا كەڭەس بەرىلدى. وسى مەكەمەدەگى كورنەكى اقپاراتتار ەكى ءتىلدى رەسىمدەلگەنى انىقتالدى.

قوعام بەلسەندىسى رۋزا بەيسەنبايتەگىن پوليتسيا قىزمەتكەرلەرى قاماۋعا الدى دەگەن اقپارات تەرىس تارالعانىن حابارلايمىز. سەبەبى رۋزا بەيسەنبايتەگىن تەك وسى اتالعان ماسەلە بويىنشا 12 قازانىندا ساعات 13.30-دا ونلاين سوتقا قاتىسۋ ءۇشىن پاۆلودار قالاسىنىڭ وڭتۇستىك پوليتسيا بولىمىنە جەتكىزىلگەن. ادۆوكاتتىڭ ءوتىنىشى بويىنشا بۇل سوت وتىرىسى 13 قازانعا ساعات 17.00-گە اۋىستىرىلعان. الايدا سوت وتىرىسى 13 قازاندا وتكىزىلمەي، كەيىنگە شەگەرىلدى.

جالپى وڭىرىمىزدەگى تiل ساياساتى ءجانe ocى بaعىتتaعى وزگe جۇمىcتap قر «قازاقستان رەسپۋبليكاسىنداعى ءتىل تۋرالى» زاڭى مەن قر ءتىل ساياساتىن ىسكە اسىرۋدىڭ 2020-2025 جىلدارعا ارنالعان مەملەكەتتىك باعدارلاماسىنا سايكەس جۇزەگە اسىرىلۋدا. اتالعان مەملەكەتتىك باعدارلامانىڭ باعىتتارى بويىنشا ءبىرتالاي شارالار كەشەنى جۇزەگە اسىرىلدى. جالپى وبلىس بويىنشا 2021 جىلدىڭ باسىنان بۇگىنگى كۇنگە دەيىن 4159 ادام مەملەكەتتىك تىلگە وقىتىلدى.

بيىلعى جىلى قول جەتىمدى قازاق ءتىلى جوباسى اياسىندا كوپشىلىك ورىنداردا «QR-قازاق ءتىلى» كودتارى ورناتىلدى. جوبا ارقىلى قازاق ءتىلىن ۇيرەنۋگە نيەت بىلدىرگەن وبلىس تۇرعىندارى جاڭا فورماتتا مەملەكەتتىك ءتىلدى تەگىن وقىپ، مەڭگەرۋگە مۇمكىندىك الادى. وسىعان قوسا قازاق ءتىلىن ۇيرەنۋ ءۇشىن «Ana tili» موبيلدىك قوسىمشاسى قولدانىلۋدا.

سونىمەن قاتار حالىقارالىق «قازاق ءتىلى» قوعامىنىڭ وبلىستىق فيليالى مەن پاۆلودار وبلىسىنىڭ كاسىپكەرلەر پالاتاسى اراسىنداعى ءوزارا ىنتىماقتاستىق تۋرالى مەموراندۋمعا قول قويىلدى. اتالعان مەموراندۋمنىڭ ماقساتى ەل بىرلىگىنىڭ نەگىزگى فاكتورى رەتىندە مەملەكەتتىك ءتىلدى دامىتۋ جانە ونىڭ قولدانىس اياسىن كەڭەيتۋ بويىنشا تاراپتاردىڭ اراسىنداعى ىنتىماقتاستىقتى جەتىلدىرۋ جانە وسى باعىتتا بىرلەسكەن ءىس-قيمىل جاساۋ تەتىكتەرىن انىقتاۋ بولىپ تابىلادى. وسىعان بايلانىستى مەموراندۋم نەگىزىندە وبلىستىق كاسىپكەرلەر پالاتاسىنىڭ بازاسىندا شاعىن جانە ورتا بيزنەس وكىلدەرىنە ارنالعان ادىستەمەلىك كومەك كورسەتۋ بويىنشا فرونت-وفيس كابينەتىن اشۋ جوسپارلانۋدا. سونىمەن قاتار قالامىزداعى ءىرى ساۋدا ورتالىقتارىنىڭ قىزمەتشىلەرىنە ارنالعان قازاق ءتىلى سىنىپتارى دا جۇمىس جاسايتىن بولادى.

پاۆلودار وبلىسىنىڭ مادەنيەت،
تىلدەردى دامىتۋ جانە ارحيۆ ءىسى باسقارماسى

Abai.kz