الماتى. 11 شىلدە. قازتاگ- وڭتۇستىك قازاقستان وبلىسىنىڭ تۇركىستان قالاسىنىڭ ينفەكتسيالىق اۋرۋحاناسىنا ورانعاي اۋلىنىڭ 58 جاسار تۇرعىنى قىرىم قاندى بەزگەگىنە كۇدىكپەن جاتقىزىلدى.

تجم ناۋقاستىڭ جاعدايى وتە اۋىر ەكەنىن ايتادى.

«قازىرگى ۋاقىتتا ناۋقاسپەن ارالاسقان 10 ادام انىقتالىپ ولاردىڭ بارلىعى دارىگەرلىك باقىلاۋعا الىندى. كەسەل انىقتالعان وشاقتا زارارسىزداندىرۋ شارالارى جۇرگىزىلۋدە»، - دەلىنگەن حاباردا.

وسى اپتادا وقو-نىڭ باسقا ءبىر اۋدانىندا قىرىم قاندى بەزگەگىن جۇقتىرۋ فاكتىسى راستالدى.

رەسپۋبليكالىق داعدارىس ورتالىعىنا تۇسكەن اقپارات بويىنشا بايدىبەك اۋدانىنىڭ بىرلىك كەنتىنىڭ 26 جاسار تۇرعىنى كەسەلدى كەنەنىڭ شاعۋىنان جۇقتىرعان. وتكەن جەكسەنبىدە ناۋقاس شىمكەنتتەگى ينفەكتسيالىق اۋرۋحاناعا جاتقىزىلدى.

كونگو-قىرىم قاندى بەزگەگى (كەيدە ونى ورتاازيالىق بەزگەك دەپ تە اتايدى) – ۆيرۋستىق تابيعي-وشاقتالعان كەسەل. ونىڭ قوزدىرعىشتارى كەنەنىڭ شاعۋى ارقىلى بەرىلەدى. تارالعان جەرلەرى - رەسەيدىڭ وڭتۇستىگى مەن، بولگاريا، يۋگوسلاۆيا،ورتا ازيا، پاكىستان، قىتاي، افريكانىڭ كەيبىر ەلدەرى. ەڭ العاش بۇل كەسەلدىڭ ۆيرۋسى 1945 جىلى قىرىمدا انىقتالدى. ودان كەيىن 1956 جىلى كونگودا وسىنداي كەسەل انىقتالىپ، ونىڭ دا ۆيرۋسى قىرىمداعىداي بولعان سوڭ، بۇل كەسەل سودان بەرى كونگو-قىرىس گەمورروگيالىق بەزگەك دەپ اتالادى.

الماتى. 11 شىلدە. قازتاگ- وڭتۇستىك قازاقستان وبلىسىنىڭ تۇركىستان قالاسىنىڭ ينفەكتسيالىق اۋرۋحاناسىنا ورانعاي اۋلىنىڭ 58 جاسار تۇرعىنى قىرىم قاندى بەزگەگىنە كۇدىكپەن جاتقىزىلدى.

تجم ناۋقاستىڭ جاعدايى وتە اۋىر ەكەنىن ايتادى.

«قازىرگى ۋاقىتتا ناۋقاسپەن ارالاسقان 10 ادام انىقتالىپ ولاردىڭ بارلىعى دارىگەرلىك باقىلاۋعا الىندى. كەسەل انىقتالعان وشاقتا زارارسىزداندىرۋ شارالارى جۇرگىزىلۋدە»، - دەلىنگەن حاباردا.

وسى اپتادا وقو-نىڭ باسقا ءبىر اۋدانىندا قىرىم قاندى بەزگەگىن جۇقتىرۋ فاكتىسى راستالدى.

رەسپۋبليكالىق داعدارىس ورتالىعىنا تۇسكەن اقپارات بويىنشا بايدىبەك اۋدانىنىڭ بىرلىك كەنتىنىڭ 26 جاسار تۇرعىنى كەسەلدى كەنەنىڭ شاعۋىنان جۇقتىرعان. وتكەن جەكسەنبىدە ناۋقاس شىمكەنتتەگى ينفەكتسيالىق اۋرۋحاناعا جاتقىزىلدى.

كونگو-قىرىم قاندى بەزگەگى (كەيدە ونى ورتاازيالىق بەزگەك دەپ تە اتايدى) – ۆيرۋستىق تابيعي-وشاقتالعان كەسەل. ونىڭ قوزدىرعىشتارى كەنەنىڭ شاعۋى ارقىلى بەرىلەدى. تارالعان جەرلەرى - رەسەيدىڭ وڭتۇستىگى مەن، بولگاريا، يۋگوسلاۆيا،ورتا ازيا، پاكىستان، قىتاي، افريكانىڭ كەيبىر ەلدەرى. ەڭ العاش بۇل كەسەلدىڭ ۆيرۋسى 1945 جىلى قىرىمدا انىقتالدى. ودان كەيىن 1956 جىلى كونگودا وسىنداي كەسەل انىقتالىپ، ونىڭ دا ۆيرۋسى قىرىمداعىداي بولعان سوڭ، بۇل كەسەل سودان بەرى كونگو-قىرىس گەمورروگيالىق بەزگەك دەپ اتالادى.

كەسەلدىڭ ينكۋباتسيالىق مەرزىمى 14 كۇنگە دەيىن بارادى، بىراق كوبىندە 3-5 كۇن. ءوتۋى وتە تەز. ءبىرىنشى كەزەڭدە ادامنىڭ ىستىعى تسەلسيا بويىنشا 39-40 گرادۋستان اسىپ، باسى اۋرىپ، دەنەسى تۇرشىگىپ، كەيدە قالشىلداپ، بەتى مەن ادامنىڭ شىرىشتى قابىرشىقتارى قىزارادى. ادامنىڭ ءدىرمانى قۇرىپ، بۇلشىق ەتتەرى اۋرىپ، بۋىندارى قاقساپ، جۇرەگى اينىپ، قۇسادى. 2-4 كۇننەن كەيىن كەسەلدىڭ گەمورراگيالىق كەزەڭى باستالادى. ناۋقاستىڭ جاعدايى كۇرت ناشارلاپ، شىرىشتى قابىرشاقتارى مەن تەرىلەرىنىڭ كەيبىر جەرلەرى قانتالاپ، ءبورتىپ، قىزىل داقتانىپ كەتەدى. ادانمىڭ مۇرنىنان، تىستەرىنىڭ قىزىل ەتتەرىنەن، كەنە شاققان جەرلەردەڭ قان اعادى. ءىشى ءوتىپ، باۋىرى اۋرادى، سارى اۋرۋدىڭ بەلگىلەرىن بەرەدى. بۇل كەسەلدەن ادامداردىڭ ءولۋى 2-دەن 50 %-عا دەيىن بولادى.