قازاقستاننىڭ دەنساۋلىق ساقتاۋ مينيسترلىگى Hewlett-Packard (HP) جابدىقتارىن تەحنيكالىق قامتاماسىز ەتۋگە 1,2 ملرد. جۇمسايدى. 

«تاپسىرىس بەرۋشى - «قازاقستان رەسپۋبليكاسى دەنساۋلىق ساقتاۋ مينيسترلىگى» مەملەكەتتىك مەكەمەسى; اتاۋى - باعدارلامالىق - اپپاراتتىق كەشەندى باسقارۋ جانە قىزمەت كورسەتۋ بويىنشا قىزمەتتەر; قوسىمشا مۇمكىندىك - HP جابدىقتى قولداۋ قىزمەتتەرى; جوسپارلانعان سوما - T1 213 660 714.29»، - دەلىنگەن مەملەكەتتىك ساتىپ الۋ پورتالىندا جاريالانعان لوتتىڭ سيپاتتاماسىندا.

بايقاۋعا قاتىسۋعا وتىنىمدەردى الدىن الا قابىلداۋ 28 قازان مەن 12 قاراشا ارالىعىندا وتەدى.

«ماقساتى: قازاقستان رەسپۋبليكاسى دەنساۋلىق ساقتاۋ مينيسترلىگىنىڭ جابدىقتار مەن ينفوكوممۋنيكاتسيالىق جۇيەلەردىڭ ىستەن شىعۋىنا بايلانىستى شىعىنداردى ازايتۋ. مىندەتتەرى: ىستەن شىققان جابدىقتى اۋىستىرۋ / جوندەۋ بويىنشا قىزمەتتى ۇيىمداستىرۋ; جابدىقتىڭ باعدارلامالىق جاساقتاماسىن جاڭارتۋ مۇمكىندىگىن ۇيىمداستىرۋ», - دەلىنگەن لوتتىڭ تەحنيكالىق سيپاتتاماسىندا.

Abai.kz