بيىلعى 2021 جىلدا ءوز مارەسىنە جەتۋگە جاقىن. ۇلتتىق كەلبەتىمىزدى الەم ەلدەرىنە ەكونوميكامىز تانىتاتىنى جاسىرىن ەمەس. ەلىمىزدىڭ سىرتقى ساۋداسى مەن ىشكى ىسكەرلىك مۇمكىندىكتەرى كورنوۆيرۋس كەزىندە تۇبەگەيلى وزگەرىسكە ءتۇسىپ، جاڭا باعىت-باعدارلارلار ءوز ومىرشەڭدىگىن تانىتتى.

وسى ەل ەكونوميكاسىندا ورىن العان تۇبەگەيلى وزگەرىس بارىسىندا 17 مىڭ كومپانيا ءوز قىزمەتىن توقتاتقاندىعىن ۇلتتىق ستاتكوم ءمالىم ەتتى. بۇل وتكەن 2020 جىلعا قاراعاندا 35,5%-عا كوپ بولىپ وتىر. ەندى قاي سالالاردا قانشا  كومپانيا ءوز قىزمەتىن توقتاتقاندىعىن تىزبەكتەي كەتەتىن بولساق: ساۋدا مەن ماشينا جوندەۋ – 6082, قۇرىلىس – 2178, كاسىبي، عىلىم مەن تەحنيكالىق ءىس-ارەكەت –1138, وڭدەۋ سالاسى – 793, قارجى مەن ساقتاندىرۋ – 664, كولىك پەن جۇك ساقتاۋ – 662, اۋىل، ورمان جانە بالىق شارۋاشىلىعى – 641, اكىمشىلىك، قوسالقى قىزمەت كورسەتۋ –598, اقپارات جانە بايلانىس – 451, جىلجىمايتىن مۇلىك – 438, ءبىلىم بەرۋ – 437, تاماقتانۋ جانە قوناق ءۇي قىزمەتى – 291, ونەر مەن كوڭىل كوتەرۋ – 236, سۋمەن قامتۋ، قالدىقتاردى وڭدەۋ –117, كەن وڭدەۋ كاسىپورىندارى –  113, مەملەكەتتىك باسقارۋ مەن ارنايى قىزمەت كورسەتۋ – 87, ەلەكتر، گازبەن قامتاماسىز ەتۋ – 56 جانە وزگە بيزنەس سالاسى بويىنشا –2034 كومپانيا ءوز قىزمەتتەرىن توقتاتتى. بىراق ءبارى جابىلىپ جاتىر ەكەن دەپ سارىۋايىمعا سالىنۋدىڭ ەش كەرەگى جوق. قۇرىلىس سالاسى بويىنشا – 43%، كەن وڭدەۋ سالاسىندا – 33,5%، قارجى مەن ساقتاندىرۋ سالاسى بويىنشا – 57,3% ءوسىم بارلىعى كوڭىلدى كونشىتەدى.

ۇلتتىق ستاتكوم 2021 جىلعى قازاق ەكسپورتىندا 11 ەلمەن ساۋدا تاۋار اينالىسى ميللياردتان اسقانىن ءمالىم ەتتى. انىعىن ايتساق، يسپانياعا تاۋار ەكسپورتتاۋىمىز  83,8% ءوسىپ، قاڭتار-تامىزدا $1,1 ملرد-عا جەتتى.  تاپ وسىنداي ءتيىمدى ساۋدا-ساتىق نيدەرلاندىمەن – 46,3%، رەسەيمەن – 42,5%، وزبەكستانمەن –37,6% جانە وڭتۇستىك كورەيامەن – 36,1%-عا وسكەن. ەسەسىنە قىتاي مەن ۇندىستانمەن بيزنەس ارالاس-قۇرالاستىق كەمي تۇسكەن.

قازاق ەلىنىڭ ەكسپورتى 2021 جىلدىڭ قاڭتار-تامىز ايلارى ارالىعىندا  $37,4 ملرد-دى قۇراپ، وتكەن جىلعا قاراعاندا 16%-عا ارتىپ وتىر.

ءابىل-سەرىك الىاكبار

Abai.kz