مۇنداي اقپارات ورتالىق اسكەري گوسپيتالدان تاراپ جاتىر. وندا پرەزيدەنت جانساقتاۋ بولىمىندە جاتىر. بۇل حاباردى دۇيسەنبى كۇنى چەحيا پارلامەنتى جوعارعى پالاتاسىنىڭ (سەنات) توراعاسى ميلوش ۆىسترچيل دا ايتتى. ول پرەزيدەنت مىندەتىن باسقا باسشىلارعا بەرۋدەن باسقا امال جوق دەدى.

سەنات توراعاسى چەحيا كونستيتۋتسياسىنا سايكەس، پرەزيدەنت وكىلەتتىگىن ۋاقىتشا باسقا ادامعا وتكىزۋ ماسەلەسى قارالاتىنىن مالىمدەدى.

الايدا پرەزيدەنت زەماننىڭ جاقتاستارى، ول اۋرۋىنا قاراماستان قىزمەتىن اتقارا الادى دەپ، ونىڭ ساياسي قارسىلاستارىن سىناپ جاتىر.

ميلوش زەماننىڭ ءوزى ءبىر ايدان استام ۋاقىت كوپشىلىك الدىنا شىقپادى. مالىمەتكە قاراعاندا، ول پارلامەنت سايلاۋىنان كەيىن-اق اۋرۋحاناعا تۇسكەن. سايلاۋدا ونىڭ وداقتاسى، پرەمەر-مينيستر اندرەي بابيش جەڭىلگەن بولاتىن. ال جاڭا پرەمەر-ءمينيستردى پرەزيدەنت تاعايىنداۋى كەرەك.

پرەزيدەنت وكىلەتتىگىن وزگە ادامعا بەرۋ ءۇشىن پارلامەنت داۋىس بەرۋى ءتيىس.

زەماننىڭ دياگنوزى ءدال ايتىلماي جاتىر. زاڭعا سايكەس، ونى ناۋقاستىڭ ءوزى جاريالاۋى ءتيىس. بىراق بىرقاتار باسىلىمدار دەرەككوزىنە سىلتەمە جاساپ، 77 جاستاعى پرەزيدەنتتىڭ باۋىر ەنتسەفالوپاتياسىمەن اۋىراتىنىن حابارلاپ جاتىر. بۇل كەسەل بىردەن مي قىزمەتىن ىستەن شىعاراتىن كورىنەدى.

Abai.kz