بيىلعى جىلعى ەل پرەزيدەنتى قاسىم-جومارت كەمەلۇلى توقاەۆتىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋى 1 قىركۇيەك «ءبىلىم كۇنى» مەرەكەسىمەن قاتار كەلدى.

قازاق حالقىنىڭ ءاربىر ازاماتىنىڭ كوكەيىندە جۇرگەن ماسەلەنى شەشۋ جولىنا ارنالعان جاڭا جولداۋ، ەل دامۋى مەن حالقىمىزدىڭ ومىرىندە ءبىرشاما تىڭ باستامالاردىڭ بولاتىنىن كورسەتىپ بەرگەندەي. ەلىمىز جىل سايىن ۇلكەن ۇمىتپەن كۇتەتىن ەل پرەزيدەنتىنىڭ جولداۋى ءاربىر ازاماتتىڭ ەرەكشە نازارىن اۋدارتاتىنى بەلگىلى.  ساپالى ءبىلىم بەرۋ ارقىلى ساپالى ادام قالىپتاستىرامىز. سوندىقتان پرەزيدەنتتىڭ ءبىلىم سالاسىنا ايرىقشا كوڭىل ءبولۋى كوللەدجىمىز ءۇشىن اسا ماڭىزدى.

تاعى ءبىر ەرەكشە اتاپ وتەتىن جاعداي – پەداگوگتاردىڭ بىلىكتىلىگىن ارتتىرۋعا بايلانىستى. «پەداگوگ مارتەبەسى تۋرالى» زاڭ جوباسى تالقىلانعان كەزدە ۇستازدار مەن سالالىق كاسىپوداق بىلىكتىلىكتى ارتتىرۋدىڭ مەرزىمىن قىسقارتۋ تۋرالى ماسەلە كوتەرگەن بولاتىن. ەندى، مىنە، پرەزيدەنت جولداۋىندا وسىعان نازار اۋدارىلىپ، ۇستازداردىڭ بىلىكتىلىگىن ارتتىرۋدى بەس جىلدا ەمەس، 3 جىلدا ءبىر رەت اقىسىز نەگىزدە قولعا الۋدى جۇكتەدى. بىلىكتى ۇستاز ءبىلىمدى ۇرپاق تاربيەلەيتىنىن ەسكەرسەك، بۇل باستاما دا زامان تالابىنا ساي جاسالعان يگى قادامداردىڭ ءبىرى دەر ەدىم.

جولداۋ بارىسىندا پرەزيدەنتتىڭ 2022 جىلعى قاڭتاردىڭ 1-ىنەن باستاپ ەڭ تومەن جالاقى مولشەرىن 42 500 تەڭگەدەن 60000 تەڭگەگە ءوسىرۋدى تاپسىرعانى تاعى ءبىر جاعىمدى جاڭالىق بولدى. بۇل حالىقتىڭ ءال-اۋقاتىن ارتتىرۋ باعىتاندا مەملەكەت تاراپىنان جاسالىپ جاتقان الەۋمەتتىك قولداۋلاردىڭ ءبىرى دەپ بىلەمىز. جولداۋ جۇكتەگەن مىندەتتەر جۇيەلى جۇزەگە اسىپ، الەۋمەتتىڭ الەۋەتىن ارتتىرۋ جولىنداعى جاقسى باستامالار جالعاسىن تابا بەرسىن دەيمىن. سونىمەن قاتار، قازاقستان ازاماتى رەتىندە ارقايسىمىزدىڭ دا پرەزيدەنتىمىزدىڭ العا قويعان مىندەتتەرىن بىرىگىپ جۇزەگە اسىرۋ ءبىزدىڭ باستى تالابىمىز دەپ سانايمىن.

اينۇر تاسۋباەۆا، امبك ديرەكتورىنىڭ ورىنباسارى

Abai.kz