پاندەميا جاعدايىنداعى مەملەكەتتىڭ دامۋىنىڭ جاڭا باعىتتارىن ايقىندايتىن ۇلتتىق جوبالار قۇندى بولىپ تابىلادى.

سوندىقتان ۇلتتىق مۇددەلەردى قامتاماسىز ەتۋ، ەلدىڭ قورعانىس قابىلەتى، مەملەكەتتىك جانە قوعامدىق قاۋىپسىزدىك، ازاماتتاردىڭ ءال-اۋقاتىنىڭ ارتۋى، ەكونوميكالىق ءوسىم، عىلىم، تەحنولوگيا جانە ءبىلىم، دەنساۋلىق ساقتاۋ ءىسى، مادەنيەت، ەكولوگيا جانە تابيعاتتى ءتيىمدى پايدالانۋ ستراتەگيالىق ۇلتتىق باسىمدىقتاردى ىسكە اسىرۋ ارقىلى جۇزەگە اسىرىلادى.

وسى ورايدا، 2021 جىلى 1 قىركۇيەكتەگى پرەزيدەنت جولداۋىندا: «ءبىز ورتا مەرزىمدى ەكونوميكالىق ساياساتىمىزدى ايقىنداپ، مەملەكەتتىك باستامالاردى رەتتەۋ ءۇشىن 2025 جىلعا دەيىنگى دامۋدىڭ ۇلتتىق جوسپارىن جانە مەملەكەتتىك جوسپارلاۋدىڭ جاڭا جۇيەسىن قابىلدادىق. ۇلتتىق جوبالار بەكىتىلەتىن بولادى»، دەپ ايقىندالىپ وتىر.

قوعام مۇشەلەرىنىڭ قاجەتتىلىگىن مەملەكەتتىڭ قامتاماسىز ەتۋى جانە ۇلتتى ىشكى، سىرتقى قاۋىپتەردەن قورعاۋدى كوزدەگەن جولداۋدىڭ وزەگىن ادام، ۇلت، حالىق دەنساۋلىعى، ۇلتتىق مۇددە قۇرايدى. رەسپۋبليكاداعى قازىرگى ساياسي-ەكونوميكالىق دامۋدىڭ باستى فاكتورى - ءومىر ساپاسىنىڭ، الەۋمەتتىك-ەكونوميكالىق مۇمكىندىكتەردىڭ، ءومىر ءسۇرۋ سالتى مەن ءوزىن-ءوزى جۇزەگە اسىرۋ الەۋەتىنىڭ ايىرماشىلىعىنان تۋىندايدى. بۇل ماسەلە ساياسي جاعدايعا، دامۋدىڭ تۇراقتىلىعى مەن حالىقتىڭ قاۋىپسىزدىگىنە ۇلكەن ىقپالىن تيگىزەتىن فاكتور.

جولداۋداعى باستى نازار ەلدىڭ ەكونوميكالىق جاعدايىن ارتتىرۋعا باعىتتالعان. مەملەكەت باسشىسى «پاندەميادان كەيىنگى كەزەڭدەگى ەكونوميكالىق دامۋ»، «وڭىرلىك ساياساتتى جەتىلدىرۋ»، «ەڭبەك نارىعىندا ءتيىمدى ەكوجۇيە قالىپتاستىرۋ» باعىتتارىندا ماڭىزدى شارالار ۇسىنىپ وتىر.

نۇربيكە بەكسۇلتانقىزى، جۋرناليست

Abai.kz