س.سەيفۋللين اتىنداعى الماتى وبلىستىق امبەباپ كىتاپحاناسى مەن  «Janr» جەتىسۋ ادەبي كلۋبى جازۋشى سايىن مۇراتبەكوۆتىڭ 85 جىلدىق مەرەيتويىنا ارنالعان «جۋسان ءيىسى» ادەبي بايقاۋىن جاريالادى، دەپ حابارلايدى Abai.kz اقپاراتتىق پورتالى. 

اتالمىش «جۋسان ءيىسى» اتتى ادەبي بايقاۋىن وتكىزۋگە الماتى وبلىسى ەسكەلدى اۋدانى اكىمدىگى قولداۋ بىلدىرگەن. Abai.kz اقپاراتتىق پورتالى بايقاۋ ەرەجەلەرىن وقىرمان نازارىنا ۇسىنادى.

1.جالپى ەرەجەلەر

قازاق ادەبيەتىنىڭ كورنەكتى وكىلى، جازۋشى سايىن مۇراتبەكوۆتىڭ 85 جىلدىعىنا وراي، س.سەيفۋللين اتىنداعى الماتى وبلىستىق امبەباپ كىتاپحاناسى مەن  «Janr» جەتىسۋ ادەبي كلۋبى الماتى وبلىسى ەسكەلدى اۋدانى اكىمدىگىنىڭ قولداۋىمەن  «جۋسان ءيىسى» اتتى ادەبي بايقاۋ  وتكىزەدى.

2. بايقاۋدىڭ ماقساتى:

1) قازاق ادەبيەتىنە وشپەس ءىز قالدىرعان قالامگەردى ەسكە الۋ;

2) جازۋشىنىڭ شىعارماشىلىعىن ناسيحاتتاۋ;

3) جاس قالامگەرلەردىڭ شەبەرلىگى مەن شىعارماشىلىق قابىلەتىن شىڭداۋ ءارى ولاردى ىنتالاندىرۋ;

4) ادەبي پروتسەسكە سەرپىن بەرۋ.

3. بايقاۋدىڭ شارتتارى:

1. بايقاۋ ءبىر نوميناتسيا (اڭگىمە جانرى) بويىنشا وتەدى.

2. بايقاۋعا 18 جاستان اسقان بارلىق اۆتورلار قاتىسا الادى.

3. بايقاۋ ەركىن تاقىرىپتا وتەدى. بىراق ادەپسىز سوزدەرى بار، تاربيەلىك قۇندىلىعى تومەن، باسقا ءبىر ادامنىڭ، ۇلتتىڭ ار-وجدانىنا نۇقسان كەلتىرەتىن شىعارمالار جىبەرىلمەيدى.

4. بايقاۋعا بۇرىن بايگىگە ءتۇسىپ، جۇلدە العان شىعارمالار مەن گازەت-جۋرنالداردا جاريالانعان اڭگىمەلەر قاتىستىرىلمايدى.

5. شىعارمانىڭ كولەمى 30 (ا4 نۇسقاسىندا، 14 شريفت، Times New Roman ءشريفى) بەتتەن اسپاۋى شارت.

6. اۆتور بايقاۋعا جىبەرگەن شىعارماسىنا اۆتورلىق قۇقىقتىڭ بار ەكەنىنە كەپىلدىك بەرەدى. ءارى شىعارمالارىنىڭ باق ، جيناقتاردا، عالامتوردا، الەۋمەتتىك جەلىدە جاريالاۋىنا رۇقسات بەرەدى. ۇيىمداستىرۋشىعا قانداي دا ءبىر قارجىلىق تالاپتاردى قويۋدان باس تارتادى.

7. شىعارمالار قازىلار القاسىنىڭ ساراپتاۋىنان وتەدى. جازۋشىنىڭ ستيلىنە، شىعارمانىڭ كوركەمدىك ەرەكشەلىگى مەن مازمۇنىنا باسا ءمان بەرىلەدى.

8. شىعارمالار 2021 جىلدىڭ 15 قازانىنان باستاپ، قاراشا ايىنىڭ 15 جۇلدىزىنا دەيىن قابىلدانادى. بايقاۋدىڭ قورتىندىسى جەڭىمپازدارعا ارنايى حابارلانىپ، الەۋمەتتىك جەلىدە جاريالانادى.

9. بايقاۋعا ۇسىنىلاتىن شىعارمالار oqy_zaly@mail.ru ەلەكتروندى پوچتاسى ارقىلى قابىلدانادى. ءبىر اۆتور ءبىر شىعارما ۇسىنۋعا قۇقىلى. اۆتور بايگىگە قوسقان شىعارماسىمەن بىرگە ءوزى تۋرالى تولىق مالىمەت بەرۋى كەرەك.

ء(اتىجونى، قىزمەتى، تۇرعىلىقتى مەكەنجايى، بايلانىس تەلەفونى).

10. بايقاۋ جەڭىمپازى مەن جۇلدەگەرلەرى ارنايى ديپلومدار مەن اقشالاي سىيلىققا يە بولادى. ولار ماراپاتتاۋ سالتاناتىنا كەلىپ-كەتۋ شىعىندارىن ءوز موينىنا الادى.

11. بايقاۋدا بارلىعى ءۇش ورىنعا جۇلدە تىگىلەدى. قوسىمشا ىنتالاندىرۋ سىيلىقتارى تاعايىندالادى.

1-ورىن.  300 000 تگ

2-ورىن.  200 000 تگ

3-ورىن.  150 000 تگ

12. بايقاۋدىڭ جەڭىمپازى مەن جۇلدەگەرلەرى تۋرالى اقپارات كىتاپحانانىڭ ينتەرنەت رەسۋرستارىندا ورنالاستىرىلادى.

Abai.kz