ءوزبەكستاندا جەكسەنبى كءۇءنى ءوتكەن پرەزيدەنت سايلاۋىندا قازىرگى مەملەكەت باسشىسى شاۆكات ميرزياەۆ جەڭىسكە جەتتى. ورتالىق سايلاۋ كوميسسياسى مءالىمدەگەندەي, پرەزيدەنت سايلاۋشىلاردىڭ 80,1% داۋىسىن العان.

رەسمي مالىمەتكە سايكەس، "حالىقتىق دەموكراتيالىق پارتيادان" ماكسۋدا ۆاريسوۆا 6,6%، "ۇلتتىق جاڭعىرۋ پارتياسىنىڭ" ليدەرى اليشەر كوديروۆ 5,5%، "ەكولوگيالىق پارتيادان" نازرۋللو وبلومۋرادوۆ 4,1%، "ادىلەت" پارتياسىنان باحرام ابدۋحاليموۆ 3,4% العان.

وزبەكستانداعى پرەزيدەنت سايلاۋىنا سايلاۋشىلاردىڭ 80 پايىزدان استامى كەلىپ، داۋىس بەرگەن.

وزبەكستان بيلىگى وپپوزيالىق ءۇش پارتيانىڭ تىركەلۋىنە، پرەزيدەنت سايلاۋىنا كانديداتىن ۇسىنۋىنا رۇقسات بەرمەدى.

وزبەكستان 1991 جىلى تاۋەلسىزدىك العالى التىنشى رەت پرەزيدەنت سايلاۋىن وتكىزىپ وتىر.

ميرزياۆ پرەزيدەنتتىك العاشقى مەرزىمى اياقتالۋعا جاقىنداعاندا وزبەكستاندى 27 جىل ۇزدىكسىز باسقارىپ، 2016 جىلى قايتىس بولعان يسلام كاريموۆتىڭ اۆتوريتارلىق ادەتتەرىنە ورالىپ جاتىر دەگەن پىكىرلەردى جوققا شىعارۋعا تىرىسقان.

ورتالىق سايلاۋ كوميسسياسىنىڭ جەكسەنبى، كەشكى ساعات 20-داعى مالىمەتىنە قاراعاندا پرەزيدەنت سايلاۋىنا 16 ميلليوننان استام ادام داۋىس بەرگەن. سايلاۋشىلار تىزىمىندە بارلىعى 20 ميلليونعا جۋىق ادام بار.

Abai.kz