دەنساۋلىق ساقتاۋ ءمينيسترى الەكسەي تسوي قازاقستاندا اقىلى ۆاكتسيناتسيا قۇنى قانشا تۇراتىنىن ايتتى.

"مەن ول جاعىن ايتا المايمىن، ويتكەنى بۇل كوممەرتسيالىق سەگمەنت قوي. بىراق جالپى العاندا، ۆاكتسينالار تىم قىمبات ەمەس، ارزان. مىسالى، ءتۇرلى ۆاكتسينالاردى الىپ قاراستىراتىن بولساق، وندا ولاردىڭ باعالارى ءارتۇرلى شەكتە اۋىتقيدى – 2 مىڭنان 5 مىڭ تەڭگەگە دەيىن. سوندىقتان باعا بەلگىلەۋ ساتىپ الۋ باعاسىنا بايلانىستى", – دەدى دەنساۋلىق ساقتاۋ مينيسترلىگىنىڭ باسشىسى ۇكىمەت وتىرىسىندا.

ونىڭ ايتۋىنشا، كەلەسى جىلدان باستاپ نارىققا شىعارىلاتىن ۆاكتسينالاردىڭ قوسىمشا پۋلىن ىسكە قوسۋ ءۇشىن نەگىزگى ديستريبيۋتورلار بۇل ماسەلە بويىنشا اقپاراتتاندىرىلىپ، جۇمىس ىستەپ جاتىر.

Abai.kz