30 قاراشادا قازاقستان پرەزيدەنتى قاسىم-جومارت توقاەۆ دۇنيەجۇزىلىك ساۋدا ۇيىمىنىڭ (دسۇ) XII مينيسترلەر كونفەرەنتسياسىنا قاتىسۋ ءۇشىن جەنەۆاعا بارادى. بۇل تۋرالى سىرتقى ىستەر ءمينيسترى مۇحتار تىلەۋبەردى مالىمدەدى.

"30 قاراشادا وتەتىن مينيسترلەر كونفەرەنتسياسىنىڭ اشىلۋ سالتاناتىنا پرەزيدەنت مىندەتتى تۇردە بارادى", - دەدى ءسىم باسشىسى ۇكىمەت وتىرىسىندا.
ونىڭ ايتۋىنشا، مەملەكەت باسشىسى بۇۇ جانە دسۇ باسشىلىعىمەن كەزدەسەدى، سونداي-اق شۆەيتساريا پرەزيدەنتىمەن جانە ينۆەستورلارمەن كەلىسسوزدەر جۇرگىزەدى.

مينيسترلەر كونفەرەنتسياسى 30 قاراشا مەن 3 جەلتوقسان ارالىعىندا وتەدى. باستاپقىدا ول 2020 جىلى نۇر-سۇلتاندا وتەدى دەپ جوسپارلانعان، بىراق كوروناۆيرۋستىق پاندەمياعا بايلانىستى شارا كەيىنگە قالدىرىلدى.

Abai.kz