رەسەي - فەدەراتسيالىق مەملەكەت. بىراق پۋتين كەلگەلى مەملەكەت قۇرىلىمى ۋنيتارلىق سيپات الىپ بارا جاتىر. سونىڭ ءبىر كورىنىسى رەتىندە ءتيىستى زاڭ جوباسى ازىرلەندى. وندا فەدەراتسيا قۇرامىنداعى سۋبەكتىلەردىڭ باسشىلارىنىڭ اتاۋىن وزگەرتىپ، "پرەزيدەنت" دەگەن لاۋازىمنان باس تارتتىرۋ تۋرالى ماڭىزدى باپ بار. بۇل تالاپ، ەڭ الدىمەن، ۇلتتىق نەگىزدە قۇرىلعان رەسپۋبليكالار مەن وكرۋگتەرگە قارسى باعىتتالعانى ايتپاسا دا تۇسىنىكتى.

كرەمل دە قۋ عوي، ايتقانىنا كونگەن پرەزيدەنتتەرگە بيلىكتەگى مەرزىمىن "نولدەپ", قايتادان ەكى مەرزىم جىلى ورنىندا وتىرۋىنا رۇقسات بەرگەن. ياعني، قىزمەتتە قالىپ، وتىرا بەرگىڭ كەلسە، "پرەزيدەنت" اتاۋىنان باس تارت.
تاتار اعايىن كەشە مىنەز تانىتتى! رەسپۋبليكا پارلامەنتى كرەملدەن كەلگەن زاڭ جوباسىن قولداۋدان باس تارتتى. مىنەز!

ارينە، ماسكەۋ ءوز رايىنان قايتا قويماس، دىتتەگەنىنە جەتۋ ءۇشىن ءارتۇرلى ايلا-ءتاسىل مەن قۇيتىرقى امالدارعا بارار. وسى رەتتە تاتار ەلىنىڭ ساياسي ەليتاسىنىڭ دا باعاسى بەلگىلى بوپ قالارى انىق.
سوندىقتان تاتار اعايىنعا اماندىق پەن شىدامدىق، ەڭ باستىسى، ۇلتتىق بىرلىك تىلەيىك!

ال ماسكەۋگە فورمالدى تۇردە تاۋەلسىز ءبىز بولساق، ونىڭ جەتەگىندە ءالى ءجۇرمىز...

ءامىرجان قوسانوۆ

Abai.kz