ەلىمىزدە جەمقورلىق فاكتىلەرىنە قاتىستى ءىرى وپەراتسيا باستالدى. ءتىنتۋ مەن قاماۋعا الۋ نۇر-سۇلتان، شىمكەنت قالالارى مەن تۇركىستان، شىعىس قازاقستان، باتىس قازاقستان، اقمولا جانە اقتوبە وبلىستارىندا جۇرگىزىلىپ جاتىر. 

سىبايلاس جەمقورلىققا قارسى قىزمەت اۋىل شارۋاشىلىعىن سۋبسيديالاۋعا بولىنگەن قارجىنى جىمقىرۋ ءىسى بويىنشا ارنايى وپەراتسيا جۇرگىزىلگەنىن مالىمدەدى. نۇر-سۇلتان، شىمكەنت قالالارى مەن تۇركىستان، شىعىس قازاقستان، باتىس قازاقستان، اقمولا جانە اقتوبە وبلىستارىندا ءتىنتۋ مەن قاماۋعا الۋ جۇرگىزىلىپ جاتىر.

"بارلىعى اۋىل شارۋاشىلىعىنا بولىنگەن سۋبسيديانى جىمقىرۋعا بايلانىستى ۇستالدى", - دەپ حابارلادى سىبايلاس جەمقورلىققا قارسى قىزمەت. اگەنتتىك تولىعىراق قوسىمشا حابارلايتىنىن جەتكىزدى.

قازاقستاندىق باق-تىڭ اقپاراتى بويىنشا، اتالعان قىلمىس ارقىلى مەملەكەتكە ميللياردتاعان شىعىن كەلگەن. پرەزيدەنت ءوز جولداۋىندا ميللياردتاعان قارجىنىڭ جەلگە ۇشقانىن ايتقان ەدى. ال بيىل ەلىمىزدە مىڭداعان مال قۇرعاقشىلىق سالدارىنان قىرىلىپ قالدى. بۇنىڭ بارلىعى اۋىل شارۋاشىلىق سالاسىنداعى ولقىلىقتاردى انىق كورسەتتى.

Abai.kz