پرەزيدەنت قاسىم-جومارت توقاەۆ ەنەرگەتيكا ءمينيسترى ماعزۇم مىرزاعاليەۆتى قابىلدادى. كەزدەسۋ بارىسىندا مەملەكەت باسشىسى ەلىمىزدەگى جانار-جاعار ماي قورىنىڭ بىردەن ازايىپ كەتۋىنە جول بەرمەۋ قاجەت ەكەنىن اتاپ ءوتىپ، ىشكى نارىقتاعى جاعدايدى وسىنداي كەلەڭسىزدىككە اكەپ سوقتىرعان ۆەدومستۆولاردىڭ جۇمىسىن سىنعا الدى.

پرەزيدەنت ونەركاسىپ پەن حالىقتى ەلەكتر ەنەرگياسىمەن ۇزدىكسىز قامتاماسىز ەتۋ، سونداي-اق قوسىمشا ءوندىرىس قۋاتى كوزدەرىن قۇرۋ قاجەت ەكەنىنە نازار اۋداردى.

ەنەرگەتيكا ءمينيسترى پرەزيدەنتكە تاپشىلىقتىڭ ورنىن تولتىرۋ ءۇشىن قابىلدانعان شۇعىل شارالار تۋرالى باياندادى. وسىعان بايلانىستى اتىراۋ مۇناي وڭدەۋ زاۋىتىنداعى جوندەۋ جۇمىستارى 2022 جىلعا شەگەرىلگەن. بۇدان بولەك رەسەيدىڭ ەنەرگەتيكا مينيسترلىگىمەن كەلىسسوزدەر جۇرگىزىلىپ جاتىر. سونىڭ ناتيجەسىندە شامامەن 150 مىڭ توننا ديزەل وتىنى كورشى ەلدەن يمپورتتالدى. ماعزۇم مىرزاعاليەۆتىڭ ايتۋىنشا، قازىرگى ۋاقىتتا جاعداي تۇراقتالىپ كەلەدى.

سونىمەن قاتار مينيستر مەملەكەت باسشىسىنا قازاقستاننىڭ ەلەكتر ەنەرگەتيكاسى سالاسىن دامىتۋدىڭ 2035 جىلعا دەيىنگى بولجامدى تەڭگەرىمى جونىندە ايتتى. الداعى ونجىلدىقتا ەلەكتر ەنەرگياسىن تۇتىنۋ كورسەتكىشى جىل سايىن وسەدى دەپ كۇتىلۋدە. وسىعان بايلانىستى جاڭارتىلاتىن ەنەرگيا كوزدەرىنىڭ، سونداي-اق گاز جانە گيدروەلەكتر ستانتسيالارى ەسەبىنەن ءوندىرىس كولەمىن ۇلعايتۋ جوسپارلانىپ وتىر.

مەملەكەت باسشىسىنا تسيفرلىق ماينينگ سالاسىن باقىلاۋ ءۇشىن قابىلدانىپ جاتقان شارالار تانىستىرىلدى. بۇل ءوز قىزمەتىن تىركەۋسىز اتقاراتىن سۋبەكتىلەرگە قاتىستى. مينيستر «سۇر» ماينەرلەر شامامەن 1200 مۆت-قا دەيىن ەلەكتر ەنەرگياسىن تۇتىناتىنىن جانە ولاردى انىقتاۋ جۇمىستارى جالعاسىپ جاتقانىن اتاپ ءوتتى.

قاسىم-جومارت توقاەۆ ۇكىمەتكە، قاجەت بولعان جاعدايدا، باسقا دا قۇزىرلى ورگانداردى تارتا وتىرىپ، اتالعان جۇمىستاردى جىلدامداتۋدى، سونداي-اق ماينينگتى زاڭنامالىق تۇرعىدان رەتتەۋ ماسەلەسىن كەيىنگە قالدىرماۋدى تاپسىردى. بۇل رەتتە «اق» ماينەرلەر ءوز قىزمەتىن قوسىمشا شەكتەۋلەرسىز جالعاستىرادى.

مەملەكەت باسشىسى ىشكى نارىقتى ساپالى جانار-جاعار مايمەن جانە ۇزدىكسىز ەلەكتر ەنەرگياسىمەن قامتاماسىز ەتۋ ءۇشىن قازاقستاننىڭ رەسۋرسى مول ەكەنىن ايتتى. پرەزيدەنت ەنەرگەتيكا مينيسترىنە جۇكتەلگەن مىندەتتەردى شەشۋ ءۇشىن ءتيىستى شارالاردى قابىلداۋ قاجەتتىگىن تاپسىردى.

Abai.kz