ازاماتتىق باستامالاردى قولداۋ ورتالىعىنىڭ قولداۋىمەن «جاستار ءۇنى» رەسپۋبليكالىق قوعامدىق بىرلەستىگى «قارجىلىق ساۋاتتىلىق وتباسىندا باستالادى» ونلاين جوباسىن جۇزەگە اسىرىپ كەلەدى.

جوبانىڭ ماقساتى - بيزنەس-ترەنەرلەردى تارتا وتىرىپ، جاس جانە كوپ بالالى وتباسىلار ءۇشىن كاسىپكەرلىك داعدىلارىن دامىتۋ، كاسىپكەرلىكتى جۇرگىزۋ، كوشباسشىلىق داعدىلاردى دامىتۋ جونىندە، وتباسىلىق بيۋدجەتتى دۇرىس ءبولۋ تۋرالى كۋرستار ۇيىمداستىرۋ جانە وتكىزۋ بولاتىن.

قازىرگى ۋاقىتتا جوبا اياسىندا حالىقتى قارجىلىق ساۋاتتىلىققا وقىتۋ باعدارلاماسىنىڭ پودكاسىن قۇرىلدى. قارجىلىق ساۋاتتىلىققا وقىتۋ بويىنشا قاتىسۋشىلاردى تىركەۋ ساۋالناماسىن جۇرگىزىلىپ، Zoom پلاتفورماسى ارقىلى ونلاين كۋرس ءوتىپ جاتىر. بۇگىندە قارجىلىق ساۋاتتىلىق ساباعىنا 2000-عا جۋىق ادام قاتىسۋدا.

ودان وزگە بالالاردى اقشاعا ۇقىپتى قاراۋعا تاربيەلەۋ قاعيداتتارىن وقىتۋ بويىنشا بەينە ساباق ازىرلەنىپ، اقشانى ۇستاۋ، ادال تابۋ جانە ءتيىمدى جۇمساۋ جولدارىن تالقىلاۋ بويىنشا وقۋشىلارمەن ونلاين كەزدەسۋ ۇيىمداستىرىلىپ جاتىر. سونىمەن قاتار، «اتامەكەن» قر كاسىپكەرلەرىنىڭ ۇلتتىق پالاتاسىمەن بىرلەسە وتىرىپ، بيزنەس-ترەنەرلەردى تارتىپ، جاس جانە كوپ بالالى وتباسىلاردى كاسىپكەرلىك داعدىلارعا باۋليتىن بەينەروليكتەر تۇسىرىلۋدە.

Abai.kz