بۇگىن «ازاماتتىق باستامالاردى قولداۋ ورتالىعى» كوممەرتسيالىق ەمەس اكتسيونەرلىك قوعامىنىڭ باسقارما توراعاسى ليما دياس الماتى قالاسىنا جۇمىس ساپارىمەن كەلدى. ول جۇمىس ساپارى اياسىندا گرانتتىق جوبالاردى ىسكە اسىرۋ بويىنشا ارىپتەس ۇەۇ وكىلدەرىمەن، سونىڭ ىشىندە «جاستار ءۇنى» رەسپۋبليكالىق قوعامدىق بىرلەستىگىمەن كەزدەستى.

قازىرگى ۋاقىتتا «ازاماتتىق باستامالاردى قولداۋ ورتالىعىنىڭ» قولداۋىمەن «جاستار ءۇنى» رەسپۋبليكالىق قوعامدىق بىرلەستىگى «قارجىلىق ساۋاتتىلىق وتباسىندا باستالادى» ونلاين جوباسىن جۇزەگە اسىرىپ وتىر
كەزدەسۋ بارىسىندا ازاماتتىق باستامالاردى قولداۋ ورتالىعىنىڭ باسقارما توراعاسى ليما دياس حالىقتىڭ قارجى ماسەلەلەرى بويىنشا ساۋاتتىلىعىن ارتتىرۋعا، قىلمىستىق جازاسىن وتەگەن جاستاردى وڭالتۋعا، حالىقتىڭ الەۋمەتتىك وسال توپتارىنان شىققان ازاماتتاردى جۇمىسقا ورنالاستىرۋعا، الەۋمەتتىك كاسىپكەرلىكتى ناسيحاتتاۋعا باعىتتالعان بىرقاتار جوبالاردى ىسكە اسىرۋ بارىسىمەن تانىستى. سونداي-اق، جوبانى جۇزەگە اسىرۋ بارىسىندا كەزدەسكەن قيىندىقتار مەن ونى شەشۋ جولدارى قاراستىرىلىپ، ودان ءارى ىنتىماقتاستىقتىڭ پەرسپەكتيۆالار تالقىلاندى.
شىندىعىندا، الەۋمەتتىك جوبالار – قوعام ءۇشىن ماڭىزدى ءارى وزەكتى ماسەلەلەردى شەشۋگە ارنالعان، وراسان زور ەڭبەكتى قاجەت ەتەتىن قىزمەت. ال بەلگىلەنگەن مىندەتتەر مەن ماقساتتارعا قول جەتكىزۋ ءۇشىن بەلگىلى، ياعني ماقساتتى اۋديتوريانىڭ بولۋى لازىم. سوندىقتان دا «جاستار ءۇنى» رەسپۋبليكالىق قوعامدىق بىرلەستىگى حالىقتى قارجىلاي ساۋاتتىلىققا ۇيرەتۋ ماقساتىندا بيزنەس-ترەنەرلەردى تارتا وتىرىپ، جاس جانە كوپ بالالى وتباسىلار ءۇشىن كاسىپكەرلىك داعدىلارىن دامىتۋ، وتباسىلىق بيۋدجەتتى دۇرىس ءبولۋ تۋرالى كۋرستار ۇيىمداستىرىپ وتىر.

بۇل تۇستا، «جاستار ءۇنى» رەسپۋبليكالىق قوعامدىق بىرلەستىگى ءۇشىن ازاماتتىق باستامالاردى قولداۋ ورتالىعىمەن بىرلەسە وتىرىپ، الەۋمەتتىك جوبالاردى ىسكە اسىرۋ ۇلكەن جاۋاپكەرشىلىك.

Abai.kz