الماتىدا جۋرناليستەر اراسىندا ءدىننىڭ وزەكتى ماسەلەلەرى بويىنشا ۇزدىك ماتەريالدار بايقاۋىنىڭ جەڭىمپازدارى ماراپاتتالدى. اعىمداعى جىلدىڭ 2 قاراشاسىندا، «Kazzhol Park Almaty» قوناق ۇيىندەگى «ەمبى» زالىندا جەڭىمپازداردى ماراپاتتاۋدىڭ سالتاناتتى ءراسىمى ءوتتى.

بايقاۋعا الماتى قالاسىندا جۇمىس ىستەيتىن جەرگىلىكتى جانە رەسپۋبليكالىق باق جۋرناليستەرى، ساراپشى-عالىمدار، تاۋەلسىز پۋبليتسيستەر مەن بلوگەرلەر قاتىستى. ۇسىنىلعان جۇمىستار ءدىني زاڭناما نورمالارىن ءتۇسىندىرۋ، كونفەسسياارالىق كەلىسىم مەن تولەرانتتىلىق، دەسترۋكتيۆتى اعىمداردىڭ اسەر ەتۋ قاۋپى، ءدىني ەكسترەميزم مەن تەرروريزمنىڭ الدىن الۋ جانە وعان قارسى كۇرەس سياقتى وزەكتى ماسەلەلەردى قامتيدى.

ءادىل قازىلار قۇرامىنا الماتى قالاسى ءدىن ىستەرى جونىندەگى باسقارماسى باسشىسىنىڭ ورىنباسارى ەرعالي كوشەكە، الماتى قالاسى «ءدىن ماسەلەلەرىن زەرتتەۋ ورتالىعى» كمم ديرەكتورى دۋلات يبراگيموۆ، ءال-فارابي اتىنداعى قازۇۋ ءدىنتانۋ جانە مادەنيەتتانۋ كافەدراسىنىڭ پروفەسسورى، فيلو.ع.د. ناعيما بايتەنوۆا، «Social Development Center» قوعامدىق قورىنىڭ اتقارۋشى ديرەكتورى ءبىرجان قازتۇرعانوۆ جانە جۋرناليست، راديو جۇرگىزۋشىسى، رەداكتور، پروديۋسەر جاندوس ەسەناليەۆ كىردى. ۇسىنىلعان 195 جۇمىستىڭ ىشىنەن 8 ۇزدىك جۇمىستى تاڭداپ الىندى.

جەڭىمپازدار:
1. «ەڭ ۇزدىك تەلەۆيزيا جانرى» نوميناتسياسىن - «حابار» تەلەكانالى كوررەسپوندەنتى امانتاەۆا ايگۋل.
2. «مەرزىمدى باسپاسوزدەگى قازاق تىلىندەگى ەڭ ۇزدىك پۋبليتسيستيكالىق ماقالا» نوميناتسياسىن - «ەگەمەن قازاقستان» رەسپۋبليكالىق گازەتىنىڭ ءجۋرناليسى بازاروۆ جولدىباي.
3. «مەرزىمدى باسپاسوزدەگى ورىس تىلىندەگى ەڭ ۇزدىك پۋبليتسيستيكالىق ماقالا» نوميناتسياسىن - «قازاق ءۇنى» ايماقتىق گازەتىنىڭ ءجۋرناليسى ەلدەس داستان.
4. «ينتەرنەت-رەسۋرستاعى قازاق تىلىندەگى ەڭ ۇزدىك ماقالا» نوميناتسياسىن - Azattyq Rýhy اقپاراتتىق اگەنتتىگىنىڭ ءجۋرناليسى كالەنوۆا ەلميرا.
5. «ينتەرنەت-رەسۋرستاعى ورىس تىلىندەگى ەڭ ۇزدىك ماقالا» نوميناتسياسىن - Qmonitor جەلىلىك باسىلىم شولۋشىسى يساباەۆا ساۋلە.
6. «ينتەرنەت جەلىسىندەگى ەڭ ۇزدىك بەينەروليك» نوميناتسياسىن – TAUNEWS جاڭالىقتار پورتالىنىڭ ءجۋرناليسى ساگيندىكوۆا شىنار.
7. «ەڭ بەلسەندى بلوگەر» نوميناتسياسىن – كاسەنعاليەۆ اسحات.
8. «ينتەرنەت-رەسۋرستاعى دەسترۋكتيۆتى جانە راديكالدى ءدىني ۇيىمدار يدەولوگياسىن ديسكرەديتاتسيالاۋعا باعىتتالعان قازاق جانە ورىس تىلدەرىندەگى ۇزدىك ماقالا» نوميناتسياسىن – «Exclusive» شولۋ-تالداۋ جۋرنالىنىڭ ءجۋرناليسى ابجان ماحامبەت يەلەندى.

سونىمەن قاتار، قاتىسۋشىلارعا 8 ىنتالاندىرۋ سىيلىقتارى تابىستالدى.
ءىس-شارانى الماتى قالاسى ءدىن ىستەرى جونىندەگى باسقارماسى مەن «Social Development Center» قوعامدىق قورى ۇيىمداستىردى.

Abai.kz