حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعى گلازگو قالاسىندا وتكەن كليمات ءسامميتى بارىسىندا «كليماتتى ساقتاۋ ءۇشىن كۇرەستەگى وڭىرلىك بىرلىك» ورتالىق ازيالىق كونفەرەنتسياسىن وتكىزدى.

ونىڭ بارىسىندا قازاقستان باستاماشىلىق ەتكەن «جاسىل كوپىر» سەرىكتەستىك باعدارلاماسىنىڭ حارتياسىنا تاعى ءبىر ەل – تاجىكستان قوسىلدى.

تاجىكستاننىڭ قورشاعان ورتانى قورعاۋ كوميتەتىنىڭ باسشىسى شەراليزودا باحودۋر: «كليماتتىق ماقساتتارعا قول جەتكىزۋ ءۇشىن ءبىز «جاسىل كوپىر» باعدارلاماسىنىڭ حارتياسىنا قول قويىپ وتىرمىز. بۇل بىزگە العا قويعان ماقساتتارىمىزعا جانە ءوڭىردىڭ كليماتتىق وزگەرىستەرمەن كۇرەسۋ جونىندەگى بىرلەسكەن ارەكەتىنە جاقىنداۋعا مۇمكىندىك بەرەدى»، - دەپ مالىمدەدى.

«جاسىل كوپىر» باعدارلاماسىنىڭ يدەياسىن ەلباسى ن.نازارباەۆ استانا III ەكونوميكالىق فورۋمىندا ۇسىنعان. بۇل قازاقستان ۇيىمداستىراتىن ەلدەردىڭ جاسىل ەكونوميكاعا كوشۋى جونىندەگى حالىقارالىق ەكولوگيالىق باستاما.

قر ەكولوگيالىق ۇيىمدارى قاۋىمداستىعىنىڭ توراعاسى ءاليا نازارباەۆا تاريحي كونفەرەنتسيا بارىسىندا: «باعدارلامانى بۇۇ باس اسسامبلەياسى ماقۇلدادى جانە بۇۇ دۇنيەجۇزىلىك سامميتىندە جاسىل ەكونوميكاعا كوشۋ جونىندەگى وڭىرارالىق قوزعالىس مارتەبەسىنە يە بولدى. حارتياعا 10-نان استام ەل قوسىلدى. بۇگىن تاجىكستان دا قاتارعا قوسىلۋدا. ءبىزدىڭ ەلدەرىمىز كليماتتى ساقتاپ، تابىستى كۇرەس جۇرگىزۋ ءۇشىن بۇكىل ءوڭىردىڭ، سونداي-اق حالىقارالىق ينستيتۋتتاردىڭ كۇش-جىگەرىن بىرىكتىرۋ قاجەتتىگىن تۇسىنەدى. بۇل ءوڭىردىڭ تۇراقتى دامۋى ءۇشىن ومىرلىك ماڭىزدى ماسەلە»، - دەدى.

COP26 الاڭىندا وتكەن كونفەرەنتسيا ورتالىق ازيا وڭىرلىك ەكولوگيالىق ورتالىعى مەن قر ەكولوگيا، گەولوگيا جانە تابيعي رەسۋرستار مينيسترلىگىنىڭ قولداۋىمەن حجتيجو ۇيىمداستىرىلدى. وعان مينيستر سەرىكقالي برەكەشەۆ، ورتالىق ازيا ەلدەرىنىڭ مەملەكەتتىك ورگاندارىنىڭ وكىلدەرى جانە قازاقستاننىڭ ەكولوگيالىق ۇيىمدارى قاۋىمداستىعىنىڭ كوشباسشىلارى قاتىستى.

سوڭعى ونجىلدىقتا ءبىزدىڭ ءوڭىر وا-نىڭ بارلىق ەلدەرىنە اسەر ەتەتىن، مۇقيات تالداۋدى، كەلىسىلگەن ءىس-قيمىلداردى جانە حالىقارالىق ساراپتامانى تالاپ ەتەتىن ەكولوگيالىق پروبلەمالاردىڭ وسۋىمەن بەتپە-بەت كەلەدى.

Abai.kz