دەنساۋلىق ساقتاۋ ءبىرىنشى ۆيتسە-ءمينيسترى مارات شورانوۆ Pfizer ۆاكتسيناسىن جەتكىزۋ 8-14 قاراشا ارالىعىندا جۇزەگە اسىرىلاتىنىن ايتتى.

"بۇعان دەيىن جاريالانعان كەلىسىم-شارتتىق مىندەتتەمەلەرگە سايكەس، ەكى ميلليون ادامعا ەكى ميلليونعا جۋىق ۆاكتسينا كەلەدى، بۇل ءتورت ميلليونعا جۋىق ۆاكتسينا دەگەن ءسوز", - دەدى شورانوۆ ۇكىمەت وتىرىسىنان كەيىن جۋرناليستەردىڭ سۇراقتارىنا جاۋاپ بەرە وتىرىپ. ونىڭ ايتۋىنشا، ۆاكتسينانى ايماقتارعا تاراتۋ جۇمىستارى جۇرگىزىلەتىن بولادى.

ء"ار وڭىرگە ۆاكتسينالار تاراتىلادى. حالىقتىڭ سانىنا قاراي جەتكىزىلەدى", - دەپ قوستى ول. قازاقستاندا Pfizer ۆاكتسيناسىن 12 جاستان اسقان بالالاردى ولاردىڭ اتا-انالارىنىڭ جانە زاڭدى وكىلدەرىنىڭ، سونداي-اق جۇكتى جانە بالا ەمىزەتىن ايەلدەردىڭ ەرىكتى كەلىسىمىمەن ەگۋدى جوسپارلاپ وتىر.

قىركۇيەك ايىندا Pfizer ۆاكتسيناسى قازاقستاندا ۋاقىتشا تىركەۋدەن ءوتتى، ال قازان ايىندا ەلىمىزدىڭ باس مەملەكەتتىك سانيتارلىق دارىگەرى ەردان قياسوۆ وسى ۆاكتسينامەن ەگۋ ناۋقانىن باستاۋ تۋرالى قاۋلىعا قول قويدى. قازاقستان Pfizer پرەپاراتىنىڭ 4 ميلليون دوزاسىن جەتكىزۋگە كەلىسىمشارتقا وتىردى.

Abai.kz