قازاقستاندىقتار ءۇشىن اۋە رەيستەرى قىمباتتاپ بارادى. اۋە قىزمەتتەرىنىڭ باعاسى ءبىر جىلدا 9%-عا ءوستى.

وڭىرلىك تۇرعىدا تۇركىستان وبلىسىنىڭ تۇرعىندارى باعانىڭ ءوسۋىن ەڭ كوپ سەزىندى، باعا جىلدىق ديناميكا بويىنشا 30%-عا وسكەن. سونىمەن قاتار ماڭعىستاۋ مەن قىزىلوردا وبلىستارىندا بيلەت قۇنى شارىقتاپ كەتكەن.

17 ايماقتىڭ ىشىندە (14 وبلىس پەن ءۇش قالا) تەك سولتۇستىك قازاقستان وبلىسىندا عانا باعا وتكەن جىلدىڭ قازان ايىنداعى دەڭگەيىندە قالىپ وتىر. باعانىڭ تومەندەۋى تاعى ءۇش وبلىستا بايقالادى: پاۆلوداردا (12,7%-عا), باتىس قازاقستاندا (15,3%-عا) جانە اقمولادا (22,5%-عا) تۇسكەن.

ساراپشىلاردىڭ باعالاۋىنشا، 2021 جىلدىڭ قاڭتار-قىركۇيەك ايلارىندا اۋە كومپانيالارىنىڭ كىرىسى ءبىر جىلدا بىردەن ەكى ەسەگە جۋىق وسكەنىن كورسەتىپ، 265,7 ملرد تەڭگەگە جەتكەن. كىرىستەردىڭ نەگىزگى بولىگى – 252,6 ملرد تەڭگە ءداستۇرلى تۇردە جولاۋشىلار تاسىمالى ارقىلى الىنسا، قالعان 13,1 ملرد تەڭگە جۇك تاسىمالىنان تۇسكەن.

Abai.kz