قازاقستاندىقتاردى اقىلى نەگىزدە ەگۋ ءۇشىن Pfizer ۆاكتسيناسى ۇسىنىلادى. ۇكىمەت وتىرىسىندا دەنساۋلىق ساقتاۋ ءمينيسترى الەكسەي تسوي وسىنداي ۇسىنىس جاسادى. 

الەكسەي تسوي قازاقستان 379 مىڭ دوزا كولەمىندەگى Pfizer ۆاكتسيناسىنىڭ ءبىرىنشى پارتياسىن العانىن ەسكە سالدى. ەكىنشى پارتيانى جەتكىزۋ 20 قاراشاعا جوسپارلانعان. ونىڭ ايتۋىنشا، وسى ۋاقىتقا دەيىن جامبىل، قاراعاندى، قىزىلوردا، تۇركىستان وبلىستارىندا، سونداي-اق الماتى، نۇر-سۇلتان جانە شىمكەنت قالالارىندا اتالمىش پرەپاراتپەن ەكپە ەگۋ باستالدى.

"بۇگىنگى تاڭدا 1313 بالاعا، 247 جۇكتى جانە بالا ەمىزەتىن ايەلدەرگە ەكپە ەگىلدى. قازاقستان رەسپۋبليكاسى اۋماعىندا كوروناۆيرۋستىق ينفەكتسيانىڭ تارالۋىن بولدىرماۋ جونىندەگى ماب تاپسىرماسىنا سايكەس حالىقتى قالاۋى بويىنشا ۆاكتسيناتسيالاۋ ءۇشىن CVI-عا قارسى Pfizer ۆاكتسيناسىن كوممەرتسيالىق نارىقتا ساتۋ مۇمكىندىگى تۋرالى ۇكىمەت قاۋلىسىنىڭ جوباسى ازىرلەندى. قولداۋىڭىزدى وتىنەمىن", - دەدى تسوي.

بۇل ۇسىنىستى پرەمەر-مينيستر قولدادى.

Abai.kz