قايعىلى وقيعا جالپاقتوبە اۋىلىندا بولعان. جەرگىلىكتى اقپارات قۇرالدارىنىڭ حابارلاۋىنشا، 2004 جىلى تۋعان ءجاسوسپىرىم داۋىلدان بۇلىنگەن شاتىردى جوندەۋ ءۇشىن ءۇي توبەسىنە كوتەرىلگەن. جەل ونى جەرگە قۇلاتىپ، ءجاسوسپىرىم جەدەل جاردەم كەلەم دەگەنشە قايتىس بولدى.

دەنساۋلىق ساقتاۋ باسقارماسىنىڭ مالىمەتىنشە، داۋىلدان زارداپ شەككەن 53 ادام مەديتسينالىق كومەككە جۇگىنگەن. ون شاقتى ادام اۋرۋحاناعا جاتقىزىلعان.

"ولاردىڭ دەنى تەرەزەلەردىڭ، اعاشتاردىڭ، قاقپالاردىڭ سىنۋىنان زارداپ شەككەن. ناۋقاستاردىڭ باسى، اياق-قولى زاقىمدانعان", - دەپ حابارلادى باسقارما.

17 قاراشادا تۇندە جامبىل وبلىسىندا داۋىل بولدى. توتەنشە جاعدايلار جونىندەگى دەپارتامەنت مالىمەتىنشە، جەلدىڭ جىلدامدىعى سەكۋندىنا 32 مەترگە جەتكەن. داۋىلدان وبلىس ورتالىعى مەن اۋىلداردا ينفراقۇرىلىم ءبۇلىندى.

Abai.kz