ءماجىلىس توراعاسى نۇرلان نىعماتۋلين تۇڭعىش پرەزيدەنت كۇنىنە ارنالعان «ەلباسى.تاۋەلسىزدىك.پارلامەنت» اتتى حالىقارالىق كونفەرەنتسيادا ءسوز سويلەپ، قازاقستاننىڭ تۇڭعىش پرەزيدەنتى، ەلباسى نۇرسۇلتان نازارباەۆتىڭ ستراتەگياسىنىڭ ناتيجەسىندە قازاقستان ايتارلىقتاي جەتىستىكتەرگە قول جەتكىزگەنىن اتاپ ءوتتى.

قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان كونفەرەنتسيا بيىل ەلىمىزدىڭ تاۋەلسىزدىگىنىڭ 30 جىلدىعى اياسىندا وتۋدە.
پارلامەنت ءماجىلىسى جىل سايىن ءداستۇرلى تۇردە تۇڭعىش پرەزيدەنت كۇنىنە وراي ۇيىمداستىراتىن فورۋمعا ءازىربايجان، تۇركيا، وزبەكستان، رەسەي، سلوۆاكيا پارلامەنتتەرىنىڭ باسشىلارى، ەۋروپالىق پارلامەنت، تۇركپا پارلامەنت وكىلدەرى، ءماجىلىس جانە سەنات دەپۋتاتتارى، مەملەكەتتىك ورگانداردىڭ، حالىقارالىق جانە ۇكىمەتتىك ەمەس ۇيىمداردىڭ وكىلدەرى مەن ساراپشىلار قاۋىمداستىعى قاتىستى.

كونفەرەنتسيانى العىسوزبەن اشقان ءماجىلىس توراعاسى بيىل تاۋەلسىز قازاقستاننىڭ قۇرىلعانىنا 30 جىل تولاتىنىن، بۇل حالىق ءۇشىن تاعى ءبىر تاريحي بەلەس ەكەنىن، ەلىمىز باعىندىرعان ءاربىر جەڭىس، تىكەلەي ەلباسىنىڭ اتىمەن بايلانىستى ەكەنىن اتاپ ءوتتى.

سونىمەن قاتار، پالاتا سپيكەرى تۇڭعىش پرەزيدەنتىمىزدىڭ «الدىمەن ەكونوميكا، ودان كەيىن ساياسات»، – دەگەن ۇستانىمىنىڭ ارقاسىندا ەلىمىز قيىندىقتاردى جەڭىپ، وسى كەزەڭدە قوس پالاتالى كاسىبي پارلامەنت ەلباسىنىڭ جانە پرەزيدەنتتىڭ زاڭنامالىق تىرەگى بولعانىن ايتتى.
- بيىل ەل تاۋەلسىزدىگىنىڭ 30 جىلدىعىمەن قاتار، قازاقستان پارلامەنتىنىڭ قۇرىلعانىنا دا 25 جىل تولدى. پارلامەنت وسى جىلدىڭ ىشىندە، ەلباسىمىز نۇرسۇلتان ءابىشۇلى نازارباەۆتىڭ ماڭىزدى باستامالارىن زاڭ دەڭگەيىندە قولداپ، بارلىق رەفورمالاردى قاجەتتى، ساپالى زاڭدارمەن قامتاماسىز ەتتى. بۇل جۇمىس قازىرگى ۋاقىتتا مەملەكەت باسشىسى قاسىم-جومارت توقاەۆتىڭ العا قويعان مىندەتتەرىن ورىنداۋ ماقساتىندا ءتيىمدى جالعاسىپ كەلەدى. بۇگىندە پارلامەنتتەن شىققان ءاربىر قۇجات حالقىمىزدىڭ، ەلىمىزدىڭ ەكونوميكالىق، الەۋمەتتىك، ساياسي، مادەني دامۋىنىڭ زاڭنامالىق تىرەگىنە اينالدى دەۋگە بولادى، - دەدى ءماجىلىس توراعاسى.

نۇرلان نىعماتۋلين بۇگىندە كونستيتۋتسيالىق رەفورما ناتيجەسىندە پارلامەنتتىڭ وكىلەتتىگى كۇشەيتىلگەنىن اتاپ ءوتىپ، وتكەن جىلى مەملەكەت باسشىسىنىڭ باستاماسىمەن پارلامەنتتىك وپپوزيتسيا ينستيتۋتى ەنگىزىلىپ، ساياسي باسەكەلەستىكتى كۇشەيتۋ ءۇشىن «ساياسي پارتيالار تۋرالى»،«سايلاۋ تۋرالى»، «پارلامەنت جانە ونىڭ دەپۋتاتتارىنىڭ مارتەبەسى تۋرالى» زاڭدارعا ءتيىستى وزگەرىستەر ەنگىزىلگەنىن اتاپ ءوتتى.

- وسىنىڭ بارلىعى زاڭ شىعارۋ قىزمەتىنە جاڭا سەرپىن بەرىپ، كاسىبي پارلامەنتتىڭ بەدەلىن ارتتىردى. قازىرگى ۋاقىتتا ءبىزدىڭ زاڭ شىعارۋشى ورگان بارلىق ارىپتەس مەملەكەتتەردىڭ پارلامەنتتەرىمەن تىعىز قارىم-قاتىناس ورناتىپ، حالىقارالىق ۇيىمدارمەن تۇراقتى بايلانىس جاساپ كەلەدى، - دەدى پالاتا توراعاسى.

نۇرلان نىعماتۋلين پارلامەنت حالىقارالىق قوعامداستىقتا ەرەكشە ورنى بار بارلىق حالىقارالىق جانە وڭىرلىك پارلامەنتتىك قۇرىلىمداردىڭ بەلسەندى قاتىسۋشىسى ەكەنىن العا تارتىپ، قازاقستاندىق دەپۋتاتتار دەلەگاتسياسى پارلامەنتارالىق وداق، تمد پاا، ەقىۇ جانە ەۋروپا كەڭەسى پارلامەنتتىك اسسامبلەيالارى، ۇقشۇ جانە ناتو، يسلام ىنتىماقتاستىعى ۇيىمىنىڭ پارلامەنتتىك وداعى، ازيا پارلامەنتتىك اسسامبلەياسى، تۇركپا سياقتى بەلدى حالىقارالىق ۇيىمدار قىزمەتىنە بەلسەندى قاتىساتىنىنا توقتالدى.

وتىرىستا ءماجىلىس توراعاسى بۇگىندە مەملەكەت باسشىسى قاسىم-جومارت كەمەلۇلى توقاەۆ ەلباسىنىڭ باعىتىن جالعاستىرا وتىرىپ، ساياسي رەفورمالارىن ىسكە اسىرىپ، قازاقستان قوعامى ءومىرىنىڭ بارلىق سالالارىن جاڭعىرتۋ ءۇشىن بىرقاتار ماڭىزدى باستامالار ۇسىنىپ وتىرعانىن ايتتى.

Abai.kz