تۇركيا ۇلى ۇلتتىق جينالىسى توراعاسىنىڭ ورىنباسارى سيۋرەيا بيلگيچ جانە ازەربايجان رەسپۋبليكاسى ميللي مەدجليسىنىڭ ۆيتسە-سپيكەرى اديل اليەۆ بارشا قازاقستان حالقىن الدا كەلە جاتقان 1 جەلتوقسان تۇڭعىش پرەزيدەنت كۇنىمەن جانە قازاقستان تاۋەلسىزدىگىنىڭ 30 جىلدىعىمەن قۇتتىقتاپ، قازاقستان ەگەمەندىگىن العان وسى 30 جىل ۋاقىت ىشىندە ۇلكەن جەتىستىكتەرگە جەتكەنىن ايتتى.

س. بيلگيچ اتاپ وتكەندەي، قازاقستان قازىر ساياسي تۇراقتىلىققا قول جەتكىزدى. ەكونوميكاسى قارقىندى دامۋدا. قازاقستاننىڭ تولاعاي تابىستارىندا تۇڭعىش پرەزيدەنت ەلباسىنىڭ ءرولى ەرەكشە. وسىنىڭ بارلىعى ەلباسىنىڭ كورەگەن ساياساتىنىڭ ارقاسىندا جۇزەگە اسىپ وتىر.

تۇركيا ۆيتسە سپيكەرى ەكى ەلدىڭ پارلامەنت وكىلدەرى رەتىندە مەملەكەتتەر اراسىنداعى ىنتىماقتاستىقتى ودان ءارى بەلسەندى دامىتۋعا ىنتالى ەكەنىن جەتكىزدى.

ازەربايجان رەسپۋبليكاسى ميللي مەدجليسىنىڭ ۆيتسە-سپيكەرى اديل اليەۆتىڭ ايتۋىنشا، قازاقستاننىڭ تۇڭعىش پرەزيدەنتى نۇرسۇلتان نازارباەۆ بيلىك ەتكەن جىلدارى اۋقىمدى ەكونوميكالىق، ساياسي جانە الەۋمەتتىك رەفورمالار جۇزەگە اسىرىلىپ، ستراتەگيالىق پايىمدار، دانا ءارى سارابدال ساياسات قازاقستان ەكونوميكاسىن نىعايتۋعا جانە حالىقتىڭ تۇرمىس دەڭگەيىن ارتتىرۋعا سەپتىگىن تيگىزدى.

ەلدەرىمىز اراسىنداعى تاتۋ كورشىلىكتى، ءوزارا سەنىم مەن ستراتەگيالىق ارىپتەستىكتى دامىتۋدىڭ ۇزاق مەرزىمدى ستراتەگياسىن قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ پەن ازەربايجان حالقىنىڭ جالپىۇلتتىق كوشباسشىسى گەيدار اليەۆ جانە قازىردە ازەربايجان پرەزيدەنتى يلحام اليەۆ ەلدەر اراسىنداعى ستراتەگيالىق ارىپتەستىكتىڭ نەگىزىن قالادى.

ءبىزدىڭ قارىم-قاتىناستارىمىز جىل سايىن ساپالى جاڭا دەڭگەيگە كوتەرىلىپ، رەسمي ساپارلار، مەملەكەت باسشىلارى دەڭگەيىندەگى كەزدەسۋلەر مەن پارلامەنتارالىق قاتىناستار مۇنى تاعى دا راستاپ وتىر.

ا. اليەۆتىڭ پىكىرىنشە، ءازىربايجان مەن قازاقستان تمد شەڭبەرىندەگى قارىم-قاتىناستاردى بەلسەندى تۇردە دامىتىپ كەلەدى. ونىڭ ىشىندە، نۇرسۇلتان نازارباەۆتىڭ باستاماسىمەن قۇرىلعان تۇركپا ەرەكشە ءرول اتقارۋدا.
- نۇرسۇلتان نازارباەۆ ەكىجاقتى قارىم-قاتىناستاردى دامىتۋ مەن نىعايتۋعا زور ۇلەس قوسقان تۇلعا رەتىندە تاريحتا قالادى، - دەدى ازەربايجان پارلامەنتىنىڭ ۆيتسە-سپيكەرى.

Abai.kz