بيىل قازاقستان تاۋەلسىزدىگىنە 30 جىل. دوڭگەلەك داتا. عاسىرلار بويى بىرەسە پاتشالىق رەسەيدىڭ، بىرەسە كەڭەستىك رەسەيدىڭ بودانىندا رۋحى جانشىلىپ، ۇلتتىق بەت-الپەتىنەن ءتۇپ-تۇگەل ايرىلۋدىڭ از-اق الدىنا جەتكەندە، قولدان اشارشىلىق ۇيىمداستىرىپ، رەپرەسسيا جۇرگىزىپ ميلليونداعان قازاقتى قاساقانا قىرىپ سالعان قاندى جۇيە، قىزىل كىسەننەن قۇتىلىپ شىققانىمىزعا تۇپ-تۋرالى 30 جىل. اقىلى ءبۇتىن، ەسى دۇرىس، ساناسى وياۋ ءاربىر قازاق ءۇشىن تاۋەلسىزدىك كۇنى – ەڭ قاسيەتتى، ەڭ ۇلىق كۇن! حوش!

وسى وتىز جىلدا قازاق قانداي بولدىق؟ جەتكەن جەتىستىكتەرىمىز نە، كەتكەن كەمشىلىكتەرىمىز نە؟ تاۋەلسىزدىكتىڭ ءار جىلىن قورىتىندىلاپ وتىرۋ مىندەت، كەرەك دەسەڭىز قاجەتتىلىك!

ءارىسىن ايتپاعاندا، 1991 جىلدان كۇنى بۇگىنگە دەيىن 13 مارتە ۇكىمەت باسشىسى اۋىسىپتى (1991 جىلدىڭ قازانىنا دەيىن ۇكىمەت باسقارعان ۇزاقباي قارامانوۆتى قوسا ايتقاندا).

ونىڭ ىشىندە سەرگەي تەرەششەنكو، كارىم ماسىموۆتەر 2 كەزەك ۇكىمەت تىزگىندەگەن. قازىر ۇكىمەت باسشىسى – 56 جاستاعى اسقار مامين. 2019 جىلدىڭ 25 اقپانىندا تاعايىندالدى. ارتىنشا پرەزيدەنت سايلاۋى ءوتىپ، بيلىك تىزگىنى قاسىم-جومارت كەمەلۇلى توقاەۆقا وتكەن ساتتە دە، ۇكىمەتتى مامين باسقارىپ قالا بەردى. مامين ۇكىمەتى ۇنەمى قيىندىقتار مەن كەلەڭسىزدىكتەرگە تاپ بولدى. وتىرىك ەسەپ پەن كوزالداۋشىلىق جاساۋعا ابدەن ماشىقتانعان مامين ۇكىمەتىنىڭ سانسىز ولقىلىقتارىنىڭ از بولىگىن الگىندە عانا ەگجەي-تەگجەيلى جازدىق.

«مامين ۇكىمەتى قاشان دوعارىسقا كەتەدى»، - دەپ سۇرادىق. ۇكىمەت پەن پارلامەنتتەگى ءداۋ دالىزدەردە جۋرناليستەردەن ۇركىپ قاشىپ، ءۇنسىز بەزەتىن ءماميننىڭ ءوزى توتەسىنەن قويىلعان ساۋالىمىزعا ءتىل قاتىپ، جاۋاپ بەرمەسە دە، ورىنباسارى ەرالى توعجانوۆ جاۋاپ بەردى. «ۇكىمەت ءوز ءىسىن اتقارىپ جاتىر. وتستاۆكاعا سەبەپ جوق»، - دەدى، شولاق كەسىپ. وعان دا ماقۇل دەدىك.

بيىل تاۋەلسىزدىكتىڭ 30 جىلدىعى. وسىعان وراي «قر تاۋەلسىزدىگىنە 30 جىل» دەيتىن مەرەكەلىك مەدال ازىرلەنىپ جاتىر. وسىنداي دوڭگەلەك داتالاردا قاپ-قابىمەن مەرەكەلىك مەدالدەر ۇلەستىرۋ داستۇرگە اينالىپ ۇلگەرگەن. «قر تاۋەلسىزدىگىنىڭ 10 جىلدىعى»، «قر تاۋەلسىزدىگىنىڭ 20 جىلدىعى»، «قر تاۋەلسىزدىگىنىڭ 25 جىلدىعى» ت.ب.

ادامزات تاريحىندا ۇڭىلسەك، نەبىر اتاققۇمار، داڭققۇمار  ادامدار  بولعان. كەزىندە  كسرو-نى باسقارعان لەونيد برەجنەۆ وردەن-مەدال، اتاق-مانساپقا ولەردەي عاشىق بولعانىن جاقسى بىلەسىزدەر. كەۋدەسى تەمىر-تەرسەككە تولىپ جۇرەتىن برەجنەۆ وتىرىك ماقتاۋ، جالعان ماراپاتقا بالاشا قۋانىپ، ءماز بولادى ەكەن دەپ كۇلەتىنبىز. بۇگىندە سول  برەجنەۆتىڭ  ءوزىن  شاڭ  قاپتىرىپ  كەتەتىندەر پايدا بولدى. قايدا؟ ءبىزدىڭ ۇكىمەتتە!

اسقار مامين باسشىلىق ەتەتىن قازاقستان ۇكىمەتىندە قازىر 18 مينيستر، 2 ورىنباسار مەن ءبىر كەڭسە باسشىسى «ۇكىمەت قۇرامى» قاتارلى ساناقتا تۇر ەكەن. بۇل جيىرما ءبىر شەندىنىڭ  كەۋدەسىندەگى تەمىر القالارى سولتۇستىك كورەيانىڭ «ارداگەرلەرىنەن» ءبىر كەم ەمەس. ارقايسىسى وردەن تاققان. ارقايسىسى «ەرەن ەڭبەك سىڭىرگەن». كىل مىقتىلار. كىل دوكەيلەر. وزدەرىڭىز كورىڭىزدەر... مارحابات...

اسقار ۇزاقپايۇلى مامين

56 جاستا. 2019 جىلدىڭ اقپانىنان بەرى ۇكىمەت باسشىسى.

العان اتاق-ماراپاتتارى، وردەن-مەدالدەرى:

1998 جىل – «ەرەن ەڭبەگى ءۇشىن» مەدالى (قازاقستان),
2006 جىل – «قۇرمەت» وردەنى (قازاقستان),
2008 جىل – «استاناعا 10 جىل» مەرەكەلىك مەدالى (قازاقستان),
2010 جىل – «3 دارەجەلى اۋليە كنياز دانيلا موسكوۆسكي» وردەنى (رەسەي، وپش),
2011 جىل – «2 دارەجەلى بارىس» وردەنى (قازاقستان),
2011 جىل – «استانانىڭ قۇرمەتتى ازاماتى» اتاعى (قازاقستان),
2012 جىل – «قۇرمەتتى تەمىرجولشى» اتاعى (قازاقستان),
2013 جىل – «قۇرمەتتى قۇرىلىسشى» اتاعى (قازاقستان),
2013 جىل – «قۇرمەتتى لەگيون» وردەنى (فرانتسيا),
2013 جىل – «گراند-وفتسەر» كرەستى (لاتۆيا),
2014 جىل – «ازاماتتىق ەڭبەگى ءۇشىن ۇلكەن كرەست» وردەنى (يسپانيا),
2017 جىل – «دوستىق» وردەنى (وزبەكستان),
2018 جىل – «استاناعا 20 جىل» مەرەكەلىك مەدالى (قازاقستان),
2019 جىل – «ەاەو-نى دامىتۋعا قوسقان ۇلەسى ءۇشىن» مەدالى (ەاەو),
2020 جىل – «نۇرسۇلتان نازارباەۆ» وردەنى (قازاقستان),
2021 جىل – «دوستىق» وردەنى (رەسەي).

ءاليحان اسحانۇلى سمايىلوۆ

48 جاستا. 2019 جىلدىڭ اقپانىنان بەرى ۇكىمەت باسشىسىنىڭ ءبىرىنشى ورىنباسارى.

العان اتاق-ماراپاتتارى، وردەن-مەدالدەرى:

«قر تاۋەلسىزدىگىنە 10 جىل» مەدالى (قازاقستان),
«قر كونستيتۋتسياسىنا 10 جىل» مەدالى (قازاقستان),
«استاناعا 10 جىل» مەدالى (قازاقستان),
«استاناعا 20 جىل» مەدالى (قازاقستان),
«قر تاۋەلسىزدىگىنە 20 جىل» مەدالى (قازاقستان),
«قر تاۋەلسىزدىگىنە 25 جىل» مەدالى (قازاقستان),
«قر كونستيتۋتسياسىنا 25 جىل» مەرەكەلىك مەدالى (قازاقستان),
«پاراسات» وردەنى (قازاقستان، 2020 جىل),
«ەرەن ەڭبەگى ءۇشىن» مەدالى (قازاقستان),
«ەاەو-نى دامىتۋعا قوسقان ۇلەسى ءۇشىن 2 دارەجەلى» مەدالى (ەاەو).

رومان ۆاسيلەۆيچ سكليار

50-دە. 2019 جىلدىڭ قىركۇيەگىنەن بەرى ۇكىمەت باسشىسىنىڭ ورىنباسارى.

العان اتاق-ماراپاتتارى، وردەن-مەدالدەرى:

2008 جىل – «استاناعا 10 جىل» مەدالى (قازاقستان),
2010 جىل – «قۇرمەت» وردەنى (قازاقستان),
2011 جىل – «قر تاۋەلسىزدىگىنە 20 جىل» مەدالى (قازاقستان),
2017 جىل – «پاراسات» وردەنى (قازاقستان).

ەرالى لۇقپانۇلى توعجانوۆ

58-دە. 2020 جىلدىڭ اقپانىنان بەرى ۇكىمەت باسشىسىنىڭ ورىنباسارى.

العان اتاق-ماراپاتتارى، وردەن-مەدالدەرى:

2001 جىل – «قر تاۋەلسىزدىگىنە 10 جىل» مەدالى (قازاقستان),
2007 جىل – «ەرەن ەڭبەگى ءۇشىن» مەدالى (قازاقستان),
2011 جىل – «قر تاۋەلسىزدىگىنە 20 جىل» مەدالى (قازاقستان),
2018 جىل – «پاراسات» وردەنى (قازاقستان),
؟ – «2 دارەجەلى دوستىق» وردەنى (قازاقستان),
«استاناعا 20 جىل» مەدالى (قازاقستان).

مۇحتار بەسكەنۇلى تىلەۋبەردى

53-تە. 2019 جىلدىڭ قىركۇيەگىنەن بەرى قر سىرتقى ىستەر ءمينيسترى. قر ۇكىمەت باسشىسىنىڭ ورىنباسارى.

العان اتاق-ماراپاتتارى، وردەن-مەدالدەرى:

«استاناعا 10 جىل» مەدالى (قازاقستان),
«استاناعا 20 جىل» مەدالى (قازاقستان),
«قر كونستيتۋتسياسىنا 20 جىل» مەدالى (قازاقستان),
«قر تاۋەلسىزدىگىنە 20 جىل» مەدالى (قازاقستان),
«قر تاۋەلسىزدىگىنە 25 جىل» مەدالى (قازاقستان),
«ەرەن ەڭبەگى ءۇشىن» مەدالى (قازاقستان),
«پاراسات» وردەنى (قازاقستان).

عالىمجان تەلمانۇلى قويشىباەۆ

53-تە. 2019 جىلدىڭ ناۋرىزىنان بەرى قر پرەمەر-ءمينيسترى كەڭسەسىنىڭ باسشىسى.

العان اتاق-ماراپاتتارى، وردەن-مەدالدەرى:

«قر كونستيتۋتسيتياسىنا 10 جىل» مەدالى (قازاقستان),
«استاناعا 10 جىل» مەدالى (قازاقستان),
«قر تاۋەلسىزدىگىنە 10 جىل» مەدالى (قازاقستان),
«قۇرمەت» وردەنى (قازاقستان),
«پاراسات» وردەنى (قازاقستان),
«قۇرمەت كرەستى» وردەنى (لاتۆيا).

مۇرات كارىبايۇلى بەكتانوۆ

56-دا. 2021 جىلدىڭ تامىزىنان بەرى قر قورعانىس ءمينيسترى.

العان اتاق-ماراپاتتارى، وردەن-مەدالدەرى:

«استاناعا 10 جىل» مەدالى (قازاقستان),
«قر كونستيتۋتسياسىنا 10 جىل» مەدالى (قازاقستان),
«قر قارۋلى كۇشتەرىنە 10 جىل» مەدالى (قازاقستان),
«قر تاۋەلسىزدىگىنە 10 جىل» مەدالى (قازاقستان),
«قر تاۋەلسىزدىگىنە 20 جىل» مەدالى (قازاقستان),
«استانا» مەدالى (قازاقستان),
«ءمىنسىز قىزمەتى ءۇشىن» مەدالى (قازاقستان),
«ءمىنسىز قىزمەتى ءۇشىن» مەدالى (قازاقستان),
«حالىقارالىق اسكەري دوستىقتى دامىتقانى ءۇشىن» مەدالى (قازاقستان),
«2 دارەجەلى داڭق» وردەنى (قازاقستان).

ەرلان زامانبەكۇلى تۇرعىمباەۆ

59-دا. 2019 جىلدىڭ اقپانىنان بەرى قر ىشكى ىستەر ءمينيسترى.

العان اتاق-ماراپاتتارى، وردەن-مەدالدەرى:

ءى جانە II دارەجەلى «داڭق» وردەنىنىڭ تولىق كاۆالەرى،
ءىى دارەجەلى «ايبىن» وردەنىمەن،
ءى دارەجەلى «قايسار» بەلگىسىمەن،
«ەۋرازيالىق ەكونوميكالىق وداقتىڭ دامۋىنا قوسقان ۇلەسى ءۇشىن» مەدالىمەن، مەرەيتويلىق جانە ۆەدومستۆولىق مەدالدارمەن ناگراتتالعان.
قازاقستان رەسپۋبليكاسى ىشكى ىستەر مينيسترلىگىنىڭ ەڭبەك سىڭىرگەن قىزمەتكەرى.

ايدا عالىمقىزى بالاەۆا

47-دە. 2020 جىلدىڭ مامىرىنان بەرى قر اقپارات جانە قوعامدىق دامۋ ءمينيسترى.

العان اتاق-ماراپاتتارى، وردەن-مەدالدەرى:

2010 جىل – «قۇرمەت» وردەنى (قازاقستان),
2016 جىل – «پاراسات» وردەنى (قازاقستان),
ودان بولەك قازاقستاننىڭ مەرەكەلىك مەدالدارى.

ەربول شىرىقپايۇلى قاراشوكەەۆ

44-تە. 2021 جىلدىڭ قىركۇيەگىنەن باستاپ قر اۋىل شارۋاشىلىق ءمينيسترى.

العان اتاق-ماراپاتتارى، وردەن-مەدالدەرى تۋرالى دەرەكتەر جوق.

مارات باقىتجانۇلى بەكەتاەۆ

44-تە. 2016-2019 جىلدار ارالىعىندا جانە 2021 جىلدىڭ قاڭتارىنان بەرى قر ادىلەت ءمينيسترى.

العان اتاق-ماراپاتتارى، وردەن-مەدالدەرى:

2011 جىلى – «قۇرمەت» وردەنى (قازاقستان),
2017 جىلى – «پاراسات» وردەنى (قازاقستان),
2018 جىلى – «استاناعا 20 جىل» مەدالى (قازاقستان),
2020 جىل – «پارلامەنتارالىق ارىپتەستىكتى دامىتۋعا قوسقان ۇلەسى ءۇشىن» مەدالى (تمد، پا).

اسحات قاناتۇلى ايماعامبەتوۆ

39-دا. 2019 جىلدىڭ ماۋسىمىنان بەرى قر ءبىلىم جانە عىلىم ءمينيسترى.

العان اتاق-ماراپاتتارى، وردەن-مەدالدەرى تۋرالى اقپارات جوق.

الەكسەي ۆلاديميروۆيچ تسوي

44-تە. 2020 جىلدىڭ ماۋسىمىنان بەرى قر دەنساۋلىق ساقتاۋ ءمينيسترى.

العان اتاق-ماراپاتتارى، وردەن-مەدالدەرى:

2019 جىل – «ەاەو-نى دامىتۋعا قوسقان ۇلەسى ءۇشىن» مەدالى (ەاەو).

سەرىك جامبىلۇلى شاپكەنوۆ

42-دە. 2021 جىلدىڭ قاڭتارىنان بەرى قر ەڭبەك جانە حالىقتى الەۋمەتتىك قولداۋ ءمينيسترى.

العان اتاق-ماراپاتتارى، وردەن-مەدالدەرى:

«قۇرمەت» وردەنى (قازاقستان).

بەيبىت باكىرۇلى اتامقۇلوۆ

57-دە. 2019 جىلدىڭ قىركۇيەگىنەن بەرى قر يندۋستريا جانە ينفراقۇرىلىمدىق دامۋ ءمينيسترى.

العان اتاق-ماراپاتتارى، وردەن-مەدالدەرى:

2008 جىل – «استاناعا 10 جىل» مەدالى (قازاقستان),
2011 جىل – «قر تاۋەلسىزدىگىنە 20 جىل» مەدالى (قازاقستان),
2013 جىل – «قۇرمەت» وردەنى (قازاقستان),
2015 جىل – «قر كونستيتۋتسياسىنا 20 جىل» مەدالى (قازاقستان),
2016 جىل – «قر تاۋەلسىزدىگىنە 25 جىل» مەدالى (قازاقستان),
2018 جىل – «استاناعا 20 جىل» مەدالى (قازاقستان),
2018 جىل – «پاراسات» وردەنى (قازاقستان),
2020 جىل – «1 دارەجەلى ديپلوماتيالىق ەڭبەگى ءۇشىن» وردەنى (وڭتۇستىك كورەيا).

ەرۇلان كەنجەبەكۇلى جاماۋباەۆ

47-دە. 2020 جىلدىڭ مامىرىنان بەرى قر قارجى ءمينيسترى.

العان اتاق-ماراپاتتارى، وردەن-مەدالدەرى:

«قۇرمەت» وردەنى (قازاقستان),
«قر ۇلتتىق بانكىنىڭ قۇرمەتتى قىزمەتكەرى» اتاعى (قازاقستان),
«قر تاۋەلسىزدىگىنە 20 جىل» مەدالى (قازاقستان),
«تەڭگەگە 20 جىل» مەدالى (قازاقستان),
«استاناعا 20 جىل» مەدالى (قازاقستان),
«ەرەن ەڭبەگى ءۇشىن» مەدالى (قازاقستان),
«ەاەو-نى دامىتۋعا قوسقان ۇلەسى ءۇشىن» مەدالى (ەاەو).

اقتوتى راحمەتوللاقىزى رايىمقۇلوۆا

57-دە. 2019 جىلدىڭ ماۋسىمىنان بەرى قر مادەنيەت جانە سپورت ءمينيسترى.

العان اتاق-ماراپاتتارى، وردەن-مەدالدەرى:

«قازاقستاننىڭ ەڭبەك سىڭىرگەن قايراتكەرى» اتاعى (قازاقستان),
«قر كونستيتۋتسياسىنا 25 جىل» مەدالى (قازاقستان),
«استاناعا 20 جىل» مەدالى (قازاقستان),
«قر تاۋەلسىزدىگىنە 25 جىل» مەدالى (قازاقستان),
«اسسامبلەياعا 20 جىل» مەدالى (قازاقستان),
«قر كونستيتۋتسياسىنا 20 جىل» مەدالى (قازاقستان),
«قر تاۋەلسىزدىگىنە 20 جىل» مەدالى (قازاقستان),
«قۇرمەت» وردەنى (قازاقستان).

باقىت تۇرلىحانۇلى سۇلتانوۆ

49-دا. قر ساۋدا جانە ينتەگراتسيا ءمينيسترى.

العان اتاق-ماراپاتتارى، وردەن-مەدالدەرى:

2006 جىل – «قۇرمەت» وردەنى (قازاقستان),
2006 جىل – «قر پارلامەنتىنە 10 جىل» مەدالى (قازاقستان),
2008 جىل – «استاناعا 10 جىل» مەدالى (قازاقستان),
2011 جىل – «قر تاۋەلسىزدىگىنە 20 جىل» مەدالى (قازاقستان),
2012 جىل – «پاراسات» وردەنى (قازاقستان),
2014 جىل – «قر قارجى سالاسىنىڭ ۇزدىگى» اتاعى (قازاقستان),
2015 جىل – «قر كونستيتۋتسياسىنا 20 جىل» مەدالى (قازاقستان),
2018 جىل – «استاناعا 20 جىل» مەدالى (قازاقستان).

يۋري ۆيكتوروۆيچ يلين

53-تە. 2020 جىلدىڭ قىركۇيەگىنەن بەرى قر توتەنشە جاڭدايلار ءمينيسترى.

العان اتاق-ماراپاتتارى، وردەن-مەدالدەرى:

«اسسامبلەياعا 20 جىل» مەدالى (قازاقستان),
«قر كونستيتۋتسياسىنا 25 جىل» مەدالى (قازاقستان),
«توتەنشە جاعدايلاردىن الدىن الۋدا جانە جويۋدا ۋزدىق شىققانى ءۇشىن» مەدالى (قازاقستان),
«قر پوليتسياسىنا 25 جىل» مەدالى (قازاقستان),
«قر ۇلتتىق قاۋىپسىزدىك قىزمەتىنە 25 جىل» مەدالى (قازاقستان),
«قۇقىق ءتارتىبىن قامتاماسىز ەتۋگە قوسقان ۇلەسى ءۇشىن» مەدالى (قازاقستان),
«ءمىنسىز قىزمەتى ءۇشىن» مەدالى (قازاقستان),
«قر قارۋلى كۇشتەرىنە 10 جىل» مەدالى (قازاقستان),
«استاناعا 10 جىل» مەدالى (قازاقستان),
«استاناعا 20 جىل» مەدالى (قازاقستان),
«قر كونستيتۋتسياسىنا 10 جىل» مەدالى (قازاقستان),
«قر تاۋەلسىزدىگىنە 25 جىل» مەدالى (قازاقستان),
«قۇرمەت» وردەنى (قازاقستان).

اسەت ارمانۇلى ەرعاليەۆ

35-تە. 2021 جىلدىڭ قاڭتارىنان بەرى قر ۇلتتىق ەكونوميكا ءمينيسترى.

العان اتاق-ماراپاتتارى، وردەن-مەدالدەرى:

«ەرەن ەڭبەگى ءۇشىن» مەدالى (قازاقستان).

باعدات باتىربەكۇلى مۋسين

38-دە. 2020 جىلدىڭ قىركۇيەگىنەن بەرى قر تسيفرلىق دامۋ، يننوۆاتسيا جانە اەروعارىش ونەركاسىبى ءمينيسترى.

العان اتاق-ماراپاتتارى، وردەن-مەدالدەرى:

«ەرەن ەڭبەگى ءۇشىن» مەدالى (قازاقستان),
«قر تاۋەلسىزدىگىنە 20 جىل» مەدالى (قازقستان).

سەرىكقالي امانعاليۇلى برەكەشەۆ

49-دا. 2021 جىلدىڭ قىركۇيەگىنەن بەرى قر ەكولوگيا، گەولوگيا جانە تابيعي رەسۋرستار ءمينيسترى.

العان اتاق-ماراپاتتارى، وردەن-مەدالدەرى:

«ەاەو-نى دامىتۋعا قوسقان ۇلەسى ءۇشىن» مەدالى (ەاەو).

ماعزۇم ماراتۇلى مىرزاعاليەۆ

43-تە. 2021 جىلدىڭ قىركۇيەگىنەن بەرى قر ەنەرگەتيكا ءمينيسترى.

العان اتاق-ماراپاتتارى، وردەن-مەدالدەرى:

2014 جىل – «ەرەن ەڭبەگى ءۇشىن» مەدالى (قازاقستان),
2015 جىل – «2 دارەجەلى ەاەو-نى دامىتۋعا قوسقان ۇلەسى ءۇشىن» مەدالى (ەاەو),
2016 جىل – «قر تاۋەلسىزدىگىنە 25 جىل» مەدالى (قازاقستان),
2019 جىل – «1 دارەجەلى ەاەو-نى دامىتۋعا قوسقان ۇلەسى ءۇشىن» مەدالى (ەاەو).

ءتۇيىن: ءبىزدىڭ بيلىكتىڭ قازىرگى ساياسي سيلۋەتى وسى مىنە.

جوعارىدا ايتتىق. بۇل جولى دا سول ءداستۇر، سول سالت بويىنشا 30 جىلدىقتىڭ تەمىر اسپاسى دايارلانىپتى. ونى كىمدەر الادى؟ قۇجاتتا انىقتاپ جازىلعان: «مەرەكەلىك مەدالمەن قازاقستان رەسپۋبليكاسى مەملەكەتتىلىگىنىڭ قالىپتاسۋىنا، ەگەمەندىگىنىڭ نىعايۋى مەن الەۋمەتتىك-ەكونوميكالىق دامۋىنا ەلەۋلى ۇلەس قوسقان قازاقستان ازاماتتارى جانە شەتەل ازاماتتارى ناگرادتالادى». ءجون-اق! وتىز جىلدا ەل دامۋىنا ۇلەس قوسقان ەل ازاماتتارىنىڭ ەتكەن ەڭبەكتەرىن ەلەپ جاتسا قۇبا-قۇپ! الايدا، كوبىنە وسى ءبىر بولماشى مەدالدىڭ ءوزى اتاقۇمار، اتقۇمار ادامداردىڭ ۇساق ساۋداسىنا ءتۇسىپ كەتەتىنى وكىنتەدى.ال بۇل ماراپاتقا لايىق پا، جوق پا، ول جاعى ماراپاتتى ۇلەستىرۋشىلەردى دە، وعان ىنتا-شىنتاسىمەن ۇمتىلعانداردى دا ويلاندىرا قويۋى ەكىتالاي...

ەڭ قىزىعى جاڭاعى وتىز جىلدىقتىڭ مەدالىن العاشقىلاردىڭ ءبىرى بولىپ الاتىن دا جوعارىداعى ءماميننىڭ «قاھارماندار» وتريادى بولاتىنى داۋسىز. ال تاۋەلسىزدىكتىڭ 30 جىلدىعى دەگەن قاسيەتتى داتا اتاققۇمارلىق اۋرۋى اسقىنعان قازاقستان بيلىگىندەگى از توپ ءۇشىن كەۋدەلەرىنە القا تاعۋدىڭ تاعى ءبىر مۇمكىندىگى عانا سەكىلدى كورىنەدى.

نۇرگەلدى ابدىعانيۇلى

Abai.kz