وزبەكستان ولي ءماجليسى زاڭ شىعارۋ پالاتاسى توراعاسىنىڭ ورىنباسارى وديلجون توجيەۆ وزبەكستان رەسپۋبليكاسىنىڭ زاڭ شىعارۋ پالاتاسى قازاقستان رەسپۋبليكاسىنىڭ تۇڭعىش پرەزيدەنتى، ەلباسى نۇرسۇلتان ءابىشۇلى نازارباەۆقا وزبەك-قازاق قاتىناستارىن نىعايتۋعا جانە كوپجوسپارلى ىنتىماقتاستىقتى كەڭەيتۋگە قوسقان باعا جەتپەس جەكە ۇلەسى ءۇشىن زور العىس بىلدىرەدى.

مارتەبەلى مەيماننىڭ ايتۋىنشا، قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان حالىقارالىق پارلامەنتتىك كونفەرەنتسيا پارلامەنتارالىق بايلانىستاردى نىعايتۋ جانە پارلامەنتتىك ديپلوماتيانى دامىتۋ ماسەلەلەرى بويىنشا پىكىر الماسۋ ءۇشىن وتە پايدالى ديالوگ الاڭى بولىپ تابىلادى.

ا. تادجيەۆ اتاپ وتكەندەي، قازاقستاننىڭ مەملەكەتتىلىكتى نىعايتۋ، مىقتى ازاماتتىق قوعامدى قالىپتاستىرۋ، زاماناۋي جانە باسەكەگە قابىلەتتى ەكونوميكانى قالىپتاستىرۋ، ەلدىڭ حالىقارالىق ارەناداعى ءوسىپ كەلە جاتقان بەدەلى سياقتى وڭ جەتىستىكتەرى ەلباسى ەسىمىمەن بايلانىستى.

سونىمەن قاتار، وزبەكستان پارلامەنتىنىڭ ۆيتسە-سپيكەرى وزبەكستان رەسپۋبليكاسىنىڭ پرەزيدەنتى شاۆكات ميرومونوۆيچ ميرزياەۆتىڭ باستاماسىمەن 2018 جىلدان باستاپ ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋلەرى وتكىزىلەتىنىن، بۇل باستامانى نۇرسۇلتان ءابىشۇلى بىردەن قولداپ، قازاقستان استاناسىندا العاشقى سامميت وتكىزگەنى ەستە قالارلىق وقيعا ەكەنىن اتاپ ءوتىپ:

- ءبىزدىڭ پرەزيدەنتتەرىمىزدىڭ كۇش-جىگەرىنىڭ ارقاسىندا ورتالىق ازيادا سەنىمگە، ءوزارا تۇسىنىستىككە، دوستىق پەن ىنتىماقتاستىققا نەگىزدەلگەن جاڭا گەوساياسي احۋال جينالدى، - دەدى.

و. توجيەۆ ءبىز باۋىرلاس قازاقستانمەن دوستىق پەن تاتۋ كورشىلىكتى جوعارى باعالايمىز جانە جاقىن كورشىمىزبەن سىندارلى بايلانىستى نىعايتۋعا جانە جان-جاقتى ىنتىماقتاستىققا ۇمتىلاتىن بولامىز دەپ، قازاقستان ءۇشىن ماڭىزدى كۇن – رەسپۋبليكانىڭ تاۋەلسىزدىك كۇنىمەن قۇتتىقتاپ، حالىققا ودان ءارى ءوسىپ-وركەندەۋ مەن باق-بەرەكە تىلەدى.

Abai.kz