بريتانيا - 1908 جانە 1948 جىلدارداعى شارتاراپتىڭ ايدىك سپورت ساڭلاقتارى ەكى رەت كۇش سالاستىرعاننان كەيىن، اراعا 64 جىل سالىپ، بيىل، 2012 جىلى ححح جازعى وليمپيادا ويىندارىن ءۇشىنشى رەت وتكىزىپ وتىرعان جالعىز ەل. قاشاننان جاڭبىرلى قالا سانالاتىن لوندون 5,5 ملن. ادامنان اساتىن قوناقتارعا قۇشاعىن ايقارا اشىپ، جارقىن دا جىلى كۇندەرىمەن قۋانتىپ ەدى...

بىراق، قازاق ەلى قۇراماسىنىڭ قۋانىشى كوپكە سوزىلمادى. الدىمەن، قازاقستاننىڭ قايىقتا ءجۇزۋشى جالعىز سپورتشىسى رافايل ۆەرگويازوۆتىڭ بۇكىل جۇگى، سونىڭ ىشىندە قايىعى مەن بارلىق كەرەك-جاراعى ستامبۋل اۋەجايىندا ءىزىم-قايىم جوعالىپ كەتتى. جارىستار الدىنداعى ەڭ ماڭىزدى ءۇش كۇندە ۆەرگويازوۆ جات قايىقپەن جاتتىقتى...

ارتىنشا بۇكىلالەمدىك دوپينگكە قارسى اگەنتتىكتىڭ (ۆادا) پرەزيدەنتى دجون فەيحي وتكىزگەن ءباسپاسوز ءماسليحاتىنا بۇل وليمپيادانى بارىنشا تازا وتكىزۋگە كۇش سالعان ۇيىم ويىندار باستالۋعا التى اي قالعاندا تىيىم سالىنعان دارمەكتەر قولدانعاندارى ءۇشىن قولعا تۇسكەن الەمنىڭ اتاقتى 107 سپورتشىسىن جارىسقا جىبەرمەۋ جونىندە شەشىم قابىلداعاندىعىن مالىمدەدى.

بۇل قارا تىزىمگە قازاقستاننىڭ ازاماتتىعىن جاقىندا قابىلداعان اۋىر اتلەتتەر ارلي شونتەي مەن فارحاد حاركي دە ءىلىنىپ قالدى. ءسويتىپ، «لوندوندا قورجىنىمىزعا التىن سالار»، دەگەن ۇمىتتەگى ەكى جىگىتىمىز شارباقتىڭ سىرتىندا قالدى.

بريتانيا - 1908 جانە 1948 جىلدارداعى شارتاراپتىڭ ايدىك سپورت ساڭلاقتارى ەكى رەت كۇش سالاستىرعاننان كەيىن، اراعا 64 جىل سالىپ، بيىل، 2012 جىلى ححح جازعى وليمپيادا ويىندارىن ءۇشىنشى رەت وتكىزىپ وتىرعان جالعىز ەل. قاشاننان جاڭبىرلى قالا سانالاتىن لوندون 5,5 ملن. ادامنان اساتىن قوناقتارعا قۇشاعىن ايقارا اشىپ، جارقىن دا جىلى كۇندەرىمەن قۋانتىپ ەدى...

بىراق، قازاق ەلى قۇراماسىنىڭ قۋانىشى كوپكە سوزىلمادى. الدىمەن، قازاقستاننىڭ قايىقتا ءجۇزۋشى جالعىز سپورتشىسى رافايل ۆەرگويازوۆتىڭ بۇكىل جۇگى، سونىڭ ىشىندە قايىعى مەن بارلىق كەرەك-جاراعى ستامبۋل اۋەجايىندا ءىزىم-قايىم جوعالىپ كەتتى. جارىستار الدىنداعى ەڭ ماڭىزدى ءۇش كۇندە ۆەرگويازوۆ جات قايىقپەن جاتتىقتى...

ارتىنشا بۇكىلالەمدىك دوپينگكە قارسى اگەنتتىكتىڭ (ۆادا) پرەزيدەنتى دجون فەيحي وتكىزگەن ءباسپاسوز ءماسليحاتىنا بۇل وليمپيادانى بارىنشا تازا وتكىزۋگە كۇش سالعان ۇيىم ويىندار باستالۋعا التى اي قالعاندا تىيىم سالىنعان دارمەكتەر قولدانعاندارى ءۇشىن قولعا تۇسكەن الەمنىڭ اتاقتى 107 سپورتشىسىن جارىسقا جىبەرمەۋ جونىندە شەشىم قابىلداعاندىعىن مالىمدەدى.

بۇل قارا تىزىمگە قازاقستاننىڭ ازاماتتىعىن جاقىندا قابىلداعان اۋىر اتلەتتەر ارلي شونتەي مەن فارحاد حاركي دە ءىلىنىپ قالدى. ءسويتىپ، «لوندوندا قورجىنىمىزعا التىن سالار»، دەگەن ۇمىتتەگى ەكى جىگىتىمىز شارباقتىڭ سىرتىندا قالدى.

شىندىعىندا باسەكەنىڭ مەيلىنشە ءادىل دە تازا بولعانى لازىم عوي، دەگەنمەن، مۇنداي ساتسىزدىكتەر كوڭىلىمىزگە قاياۋ تۇسىرگەنىمەن، جىگەرىمىزدى جاسىتپاۋعا ءتيىس. قازاق توپىراعىنىڭ نانىن جەپ، سۋىن ىشكەن باسقا دا جۇيرىكتەرىمىز از ەمەس. ايتالىق، الەكساندر ۆينوكۋروۆ، يليا يلين، ءزۇلفيا چينشانلو، سۆەتلانا پودوبەدوۆا، مايا مانەزا، ولگا رىپاكوۆا، سەرىك ساپيەۆ، دانيار ەلەۋسىنوۆ، ادىلبەك نيازىمبەتوۆ، ماكسيم راكوۆ، نۇرماحان تىناليەۆ، دارحان باياحمەتوۆ، المات كەبىسباەۆ جانە ت.ب.

اتامىز قازاق ەجەلدەن: «باسى - قاتتى بولسا، اياعى - ءتاتتى بولادى» دەگەن، راسىندا، وليمپيادانىڭ العاشقى كۇنى-اق ءبىزدىڭ ۆەلوشاباندوزىمىز الەكساندر ۆينوكۋروۆ قۇرامانىڭ قورجىنىنا تۇڭعىش التىندى سالىپ ۇلگەردى.

ءا دەگەنشە، اسپاناستى ەلىنەن قازاق توپىراعىنا قونىس اۋدارعان دوڭگەلەك ءجۇزدى، جولبارىس جۇرەكتى 19 جاسار دۇنگەن ارۋى ءزۇلفيا چينشانلو قازاقتىڭ مەرەيىن تاعى ءبىر تاسىتتى...

ءسىرا، الگى دۇنگەن قىزى تۋرالى ادەمى ءاندى قازاقتىڭ اقماڭداي جىگىتتەرى بەكەر شىرقاماسا كەرەك. كوپ ۇزاماي 27 جاستاعى تاعى ءبىر دۇنگەننىڭ سۇيكىمدى قىزى مايا مانەزا 63 سالماق دارەجەسىندە شىعىپ، زىلتەمىردىڭ 245 كەلىسىن باعىندىرىپ، رەسەيلىك قارسىلاسىنان التىن جۇلدەنى جۇلىپ الدى. 2008 جىلعى وليمپياداعا جاراقاتىنا بايلانىستى بارا الماعان ماياجان وتكەننىڭ ەسەسىن ەكى ەسە قايتاردى.

وليمپيادانىڭ جەتىنشى كۇنىندە قازاق ەلىندەگى ورىس قىزى، اۋىر اتلەتشى سۆەتلانا پودوبەدوۆا 75 كەلى سالماق دارەجەسىندە زىلتەمىردى ۇرشىقشا ءۇيىرىپ، قازاق توپىراعىنا 4-ءشى التىندى الىپ بەردى...

سودان سىر بويىنىڭ ساڭلاعى، الەمدەگى ەڭ اتىشۋلى اۋىر اتلەتشىلەردىڭ بىرەگەيى، بەيجىڭ وليمپياداسىنىڭ جەڭىمپازى يليا يلين ەكىنشى مارتە وليمپيادا چەمپيونى اتانۋىمەن قويماي، 11 جىلدان بەرى تاپجىلماعان الەمدىك رەكوردتى جاڭارتتى.

تامىلجىعان تامىزدىڭ بەسىنشى جۇلدىزى قازاقستاندىق جەڭىل اتلەت ولگا رىپاكوۆا ءۇش قارعىپ سەكىرۋ سايىسىندا قارسىلاستارىنان قارا ءۇزىپ، لوندون وليمپياداسىنىڭ التىن مەدالىن جەڭىپ الىپ، چەمپيون اتاندى. ءسويتىپ، قازاق ەلىنىڭ قورجىنىنا التىنشى التىن قوسىلدى. ەڭسەمىز بيىك، ەشكىمنەن كەمشىن ەمەسپىز. كوڭىل كوتەرىڭكى، قۋانىش كول-كوسىر...

تەك، كوڭىلدە ءبىر تۇيتكىل بار. ونى ايتپاسقا تاعى بولمايدى. قادىم زاماننان اتا-بابالارىمىز «اۋرۋىن جاسىرعان - ولەدى» دەگەن، الەكساندر مەن ءزۇلفيانى، مايا مەن سۆەتلانانى جاتسىنعانىمىز ەمەس، دەگەنمەن، ءبىزدىڭ سپورتتىڭ ماڭايىنداعى شەنەۋنىكتەر جەردىڭ قوجايىنى، ەلدىڭ يەسى - قازاقتاردىڭ ىشىنەن نەگە ساشالار مەن زۋليالاردى، مايالار مەن سۆەتالاردى جاس كەزىنەن، كەشەندى تۇردە دايىندامايدى؟ الدە، شەتتەن شاقىرىپ، جاتقا جالتاڭداپ، قازاق گيبريدىنىڭ گۋىلىمەن ماڭگىلىك دالاقتاپ، جۇرە بەرمەك پە؟..

سپورت - نامىستىڭ ءىسى، رۋحتىڭ كۇشى. الەمدىك ارەنالاردا قازاق ەلىنىڭ بايراعى جەلبىرەپ، ءانۇرانى شىرقالعاندا، قازاقتىڭ قارادومالاق بالاسى جارقىراپ تۇرسا، ءھام جاراسىمدى ەمەس پە؟!

«اباي-اقپارات»