حامەنوۆا پارا الدى دەگەن كۇدىكپەن ۇستالعانىنا كوپ ادام قۋانا جازسا ەندى ءبىرى ونى مۇسىركەپ جاتىر، ال نۇرپارتيالىقتار، ولاردىڭ جاعىمپاز رۋپورلارى ءتىلىن جۇتىپ قويعانداي.

1.حامەنوۆانىڭ قامالعانىنا حالىق قۋانعانى ونىڭ جيىركەنىشتى جاعىمپازدىقتىڭ "سيمۆولىنا" اينالعانىنان ەدى..
2. اسىرە ارسىز جاعىمپازدىق ماداق جاساعان ادامعا ماداقتاۋىشىسىنان بىردەڭە كەرەك.. حامەنوۆا اكىمنىڭ ورىنباسارلىعى عانا ەمەس، ول ماداق ايتۋمەن نۇرپارتيانىڭ جاعىمپازدىعى سيمۆولى رەتىندە وزىنە وسىنداي جاعدايلاردان قورعانىس الىپ قويعان ەدى، الايدا ول دا كومەكتەسپەدى..
3. ول نەگە كومەكتەسپەدى؟
ونى ەشكىم بىلمەيدى، حامەنوۆانىڭ قامالۋى حيت بولۋىنىڭ ءبىر سەبەبى دە سول..
بىراق حامەنوۆا سوتتالمايدى..
5 ملن تۇگىل ملردتاپ ۇرلاعانىن قايتارىپ تۇرمەدەن بوساپ جاتقاندار از با، ونىڭ ۇستىنە كامەلەتكە تولماعان بالالارى بار..
ءتىپتى تولىق اقتالىپ كەتسە دە تاڭ قالمايمىن..
4. بالالار دەمەكشى اياۋىن ايايمىز عوي، بىراق سول جەمقورلاردىڭ جەۋىنەن ەمىنە قارجى جەتپەي قينالىپ جاتقان بالالاردى، ولاردىڭ ەمىنە اقشا تاپپاي زارلاپ، وسى جەردە كومەك سۇراۋعا ءماجبۇر انالاردى ولار اياي ما؟ ايامايدى اۋ..

ونىڭ ورنىنا سول بالالاردىڭ ەسەبىنەن جەپ ءوز بالالارىنىڭ ەرتەڭىن قامتاماسىز ەتۋ ءۇشىن وسىنداي ماداققا، ودان گارانت الدىم دەپ جەمقورلىققا بارادى، ال ول ءۇشىن بيلىكتە بولۋى كەرەك، وعان جەتۋ ءۇشىن ار ۇياتتى ىسىرىپ تاستاپ ماداق ايتۋ كەرەك..

سوندا ول جەمقورلاردى مۇسىركەپ اقتاپ وتىرعاندار دا اناۋ اۋرۋ بالالاردىڭ قينالىسىنا سەپ بولىپ وتىرعان جوق پا؟
بۇل مادەنيەت سالاسى قارجىسى دەيتىندەرگە - ول بيۋدجەت قارجىسى، سول اۋرۋ بالالاردىڭ ەمىنە ەمەس ەسكەرتكىشكە ءبولىنۋى ودان جەۋ وڭاي بولعانىنان بولۋى مۇمكىن.

ەسكەرتكىشتەن جەسە ونى ەمدەلدى ما، ارتى نە بولدى دەپ ەشكىم سۇرامايدى..
ءارى قوماقتى قارجىنى ءبىر-اق اسايدى..
الەۋمەتتىك ماسەلەلەر شەشىلمەي جاتقاندا ەسكەرتكىش سالعىش اكىمدەردىڭ جەمقورسىزى جوق شىعار..
ونىڭ ۇستىنە ول ماداقتى جيىركەنبەي تىڭدايتىن ادام دا ءماز بولىپ دايىن وتىر..

بۇل ءبىر بىرىمەن بايلانىستا قارايتىن ماسەلەلەر..
ماداق- قىزمەت- جەمقورلىق- جەتىمنىڭ نەسىبەسىن جەۋ- ونى قورعاۋ بىرىمەن ءبىرى اجىراماس، بايلانىستى نارسەلەر، تۇتاس جۇيە..
5. سوتتالمايتىن تاعى ءبىر سەبەبى، ەگەر ولاي بولماسا بۇكىل وسىنداي جاعىمپاز ماداق ايتۋشىعا ودان ەرتەڭ قايىر بولماي قالاتىنىن بىلەدى، ال ول جاعىمپازدىق جەمقور بيلىكتىڭ تىرەگى، سۇيەنىشى..
ودان جەمقور جۇيە ەش باس تارتپايدى، قايتا ورشىتەدى، ماراپات مەرەكەلەرىنىڭ كوبەيۋى سونىڭ دالەلى شىعار.

نە ءۇشىن جاپپاي ماراپات تاراتىپ جاتىر دەيسىز؟
ءتىپتى ادال بيزنەسمەندەردىڭ وزىنە ماراپات جەپ قويعان بيۋدجەت قارجىسىنىڭ ورنىنا، نەمەسە ونىڭ جىرتىعىنا جۇمساۋ ءۇشىن ودان بىردەڭە الۋ ءۇشىن قاجەت..
دەپۋتاتتار اكىمدىكتىڭ مەتسەناتتار كلۋبى سياقتى بولعانى دا سودان..كەلگەن انالاردىڭ پروبلەمالارىن سولار شەشۋ ءۇشىن..
ال ونىڭ ورنىنا وعان دەپۋتاتتىق پەن بيۋدجەتتىڭ اينالاسىندا وتىرعان شومىشتەردىڭ قاتارىنان ورىن دايىن.. الىس-بەرىس..
بۇل دا سول ءبىر جۇيەلىك بايلانىس..

بۇنداي "قۇندى كادرلار" دالادا قالمايدى، ەرتەڭ جىلت ەتىپ باسقا ءبىر قىزمەتتەن شىعادى.. سونداي قانشاسى ءجۇر عوي..
ارينە ونداي ماراپاتتىڭ اراسىنا ءبىر-جار ادالدى تىعادى، قالعانىن بۇركەمەلەۋ ءۇشىن، نەمەسە نارازى بولماس ءۇشىن..
ءسويتىپ ونىڭ دا باسىن كىرلەتىپ "كوردىڭ با ءبىرى سونداي!" - دەپ جەمقور جۇيەنى باسقاعا ۇلگى ەتەدى..

بۇنىڭ ەڭ ءبىر قاسىرەتى قوعامدى بىرنەشە ۇرپاق العا بۇلدىرگەنى..
ۇرپاعىن ادالدىققا تاربيەلەگەنگە بۇل جۇيەدە ورىن جوق ەكەنىن بىلگەن حالىق سوعان باۋليدى، نەمەسە ەلدەن كەتىپ تىنادى، بىرەۋ كوشىپ كەتىپ جاتىر، بىرەۋ شىداماي ءولىپ كەتىپ جاتىر..

ال قالعان ماداق پەن جاعىمپازدىق جايلاعان ەلدى بودان قىلۋ دا، جاۋلاۋ دا وپ وڭاي، ابدەن شارشاعان حالىق تا وعان كەيىن ونشا قارسى بولمايدى..
6. بىرەۋلەر "ەرەنى" قۇتقاراتىن شىعار دەپ جاتىر.. ارينە جوعارىداعى سەبەپتەرمەن ول دا مۇمكىن..
ولاي بولماعان جاعدايدا ەرتەڭ ماداق ايتاتىن ادام تاپپاي قالادى، ال ونسىز بايلانىسى بۇزىلعان جەمقور جۇيە جۇمىس جاسامايدى)).سوندىقتان جۇيەگە ونى جاس بۋىنمەن دە تولىقتىرىپ وتىرۋ كەرەك.. وعان كەزەكتەگى دە كوپ بولۋى زاڭدىلىق..

7. بۇل وقيعا، ونىڭ ءال.جەلىدە جاپپاي جاريالانۋى ماداق پەن ماقتاۋ سۇيگىش جەمقور جۇيەنىڭ، جاعىمپاز ودا ايتۋشى مەن ونى ۇيالماي تىڭداۋشى ارسىزداردىڭ دا حالىققا قانشالىقتى جەككورىنىشتى ەكەنىنىڭ كورىنىسى عانا..
كەيدە ويلايمىن، ءبىزدىڭ باياعى جوڭعار-قالماق سوعىسى، ودان كەيىنگى كەشەگى نكۆد، كگب رەپرەسسيالارىنان ابدەن سەلەكتسيالانعانداردان قۇرالعان بيلىك باسقارىپ وتىرعان سياقتى..

ويتكەنى بيلىككە ماداق ايتىپ، وزگەنى ساتىپ، جەپ تالاپ، جىعىپ بەرۋ ارقىلى ءوز قامىن ويلاۋ ، امان قالۋ سول كەزدەن ۇرپاقتان ۇرپاعىنا قانىنا سىڭگەن "قاسيەت" قالدىرعان سياقتى..
"مايلىبايدان سايلىباي تۋادى، بىرىنەن ءبىرى اينىماي تۋادى" دەپ قازاق بەكەر ايتپاسا كەرەك..
ونىڭ ۇستىنە جاعىمپازدىق پەن ماداق ايتىپ بيلىككە قول جەتكىزگەن ۇرپاعىن دا سوعان باۋليدى، ءتىپتى اۋىزداندىرادى..
كەشەگى بيلىكتىڭ پوزيتسياسىنان اسىپ كەتپەگەن پارتوكرات نومەنكلاتۋرا ۇرپاعى وتباسىندا كورگەنىنەن اسىپ كەتپەيدى، تەك كەيدە عانا ونداي تاربيەگە قارسىلىق كورسەتەتىن ۇرپاق بولىپ قالۋى مۇمكىن، بىراق وتە سيرەك، ۇيادا نە كورسە كوبى سونى ىلەدى..

سوندىقتان دا اتاسى پارتوكرات بولعاننىڭ كوبىن قازىرگى جۇيەدەن تاباسىز..
باياعى قىزمەتىندەگى اتىن العا تارتىپ اتاسى قازىر بالاسىن قويىپ نەمەرەسىن بيلىككە سۇيرەلەپ جۇرگەن از با، ول ءۇشىن كەرەك بولسا ماداق تا جارامپازدىقپەن جالاپ جىبەرۋگە دە بار..
مىنە سول كەزدەگى جانىنداعى جاندايشاپتارىنىڭ ۇرپاعى دا ولاردان الىسقا كەتە قويعان جوق، كۇنى ءۇشىن ءالى جان-جاعىندا جۇرگەن سياقتى..

بولات نۇرحوجاەۆ

Abai.kz