قر مەملەكەتتىك حاتشىسى ەرلان قارين "حابار 24" مەملەكەتتىك تەلەارناسىنا بەرگەن سۇقباتىندا ەلىمىزدە بولعان ويعالارعا قاتىستى پىكىر ءبىلدىردى.

"ەندى وسى ورىن العان وقيعالارعا سيپاتتاما بەرە وتىرالىق. مۇنى تارتىپسىزدىكتەر دەپ اتاۋعا بولمايدى، ادەتتە ايتىپ جۇرگەنىمىزدەي، ياعني ازاماتتىق كۇشتەردىڭ قۇقىق قورعاۋ كۇشتەرىمەن قاقتىعىسۋى نەمەسە تالقانداۋ مەن وتقا ورانعان كوشەلەردى كورگەن كەزدەگىدەي تارتىپسىزدىكتەر ەمەس. بۇل ارادا مەملەكەتتىك مەكەمەلەر باسىپ الىندى، قۇقىق قورعاۋ ورگاندارىنىڭ عيماراتتارىنا شابۋىلدار جاسالدى. الماتىعا قاتىستى التى شابۋىل تۋرالى ايتىلدى، بىراق ول پوليتسيا دەپارتامەنتىنىڭ ءبىر عانا عيماراتىنا قاتىستى ەدى. مەنىڭ ويىمشا، ءبىر تاۋلىك ىشىندە. كەيىن ارىپتەستەرىممەن سويلەسىپ، الماتى پد-نىڭ شابۋىلعا ساعات 00:00-دەن 05:00-گە دەيىن تويتارىس بەرىپ، قورعانىستى ۇستاپ تۇرعانىن ءبىلدىم. ەندى كوز الدىڭىزعا ەلەستەتىپ كورىڭىزشى، بىرنەشە ساعات بويى پد-نى الۋ ءۇشىن لاڭكەستەر شابۋىلداعاندا قانشا قارۋ مەن وق-دارىگە يە بولعانىن", - دەيدى ەرلان قارين.

ول شابۋلدارعا قاتىستى بىلاي دەيدى: "مەن 20 جىل بويى تەرروريزم ماسەلەسىمەن اينالىسىپ كەلەمىن، بىراق بىرنەشە توپتىڭ وسىلايشا عيماراتتاردى، مەكەمەلەردى ماقساتتى تۇردە باسىپ الۋعا تىرىسىپ، قالالارعا شابۋىل جاساعانى ەسىمە تۇسەر ەمەس. بۇل - تەك ارنايى قىزمەتتەر ءۇشىن عانا ەمەس، ساراپشىلار مەن ماماندار ءۇشىن دە قيىندىق تۋدىراتىن جاڭا قۇبىلىس. ءبىز جاڭا كەزەڭگە اياق باسقانىمىزدى ءتۇسىنۋىمىز كەرەك، مۇنداي ۋاقىتتا كەز-كەلگەن باسقا ەلگە قارسى وسىنداي ماسقارا ستسەناري باستالىپ كەتۋى بەك مۇمكىن، ونىڭ باستى ماقساتى، مەنىڭشە، مەملەكەتتىڭ تۇتاستىعىن بۇزۋ... تەك ءبىر قالانى قورعاۋ ماسەلەسى تۇرعان جوق، بىرنەشە ايماقتا شابۋىلدار بولىپ جاتتى. ء"بىز مەملەكەتتىمىزدى ساقتاي الامىز با" دەگەن الدىمىزدا سۇراق تۇردى".

Abai.kz