انتيتەررور: 14 وبلىستا «قىزىل» دەڭگەي جويىلدى
ۇلتتىق قاۋىپسىزدىك كوميتەتى تەرروريستىك قاۋىپ-قاتەردىڭ تومەندەگەنىن مالىمدەدى.
«وسى سەبەپتى تەرروريزمگە قارسى ءىس-قيمىل جونىندەگى رەسپۋبليكالىق جەدەل شتاب نۇر-سۇلتان قالاسىنىڭ اۋماقتارىندا، شىمكەنت، اقمولا، اقتوبە، اتىراۋ، شىعىس قازاقستان، باتىس قازاقستان، قاراعاندى، قىزىلوردا، قوستاناي، ماڭعىستاۋ، پاۆلودار، سولتۇستىك قازاقستان جانە تۇركىستان وبلىستارى لاڭكەستىككە قارسى وپەراتسيانىڭ اياقتالعانى جانە تەرروريستىك قاۋىپتىلىكتىڭ «قىزىل» دەڭگەيىنىڭ جويىلعانى تۋرالى حابارلايدى»، - دەدى قر ۇقك ءباسپاسوز قىزمەتى.
قازىرگى كەزدە الماتى قالاسىندا جانە الماتى مەن جامبىل وبلىستارىندا نارازىلىقتار كەزىندە قىلمىستىق ارەكەتتەر جاساۋعا قاتىسى بار ادامداردى تەرگەۋ شارالارى ءجۇرىپ جاتىر. بۇل ايماقتار ءالى دە تەررورلىق قاۋىپ-قاتەردىڭ «قىزىل» دەڭگەيىندە تۇر.
Abai.kz
