جەلىدە بۇرىنعى دەنساۋلىق ساقتاۋ ءمينيسترى ەلجان بىرتانوۆقا قاتىستى قىلمىستىق قۋدالاۋدى توقتاتۋ تۋرالى پەتيتسيا جاريالاندى. ءوتىنىش اۆتورلارىنىڭ مالىمدەۋىنشە، تەرگەۋ ورگاندارى، پروكۋراتۋرا جانە سۋديالار ءبىرتانوۆتىڭ كىناسىزدىگى تۋرالى ۋاجىنە نازار اۋدارماي جاتقانىن اتاپ ءوتتى.

ء"بىز ءبىرتانوۆتىڭ تىكەلەي باعىنىشتىسى دا، تۋىسى دا ەمەسپىز جانە ەلجان امانتايۇلىن قىزمەتى ارقىلى عانا تانيمىز. ول ءوزى مەديتسينالىق ۇيىمداردى ارالاپ، تەلەديداردان سۇحبات بەرىپ، دوڭگەلەك ۇستەلدەرگە، بريفينگتەرگە قاتىسىپ، كوتەرىلگەن بىردە-ءبىر ماسەلەنى نازاردان تىس قالدىرعان ەمەس. بۇكىل الەم سياقتى ەلدىڭ ىندەتكە دايىن بولماعانى جانە سول كەزدەگى دەنساۋلىق ساقتاۋ مينيسترىنە تىكەلەي بايلانىستى بولعاننىڭ بارلىعىن ءوزى جاساپ، جۇزەگە اسىرعانى ونىڭ كىناسى ەمەس.

جاقسى باسشىنىڭ، دارىگەردىڭ، تۇلعانىڭ تاعدىرىنا بەيجاي قارامايتىنىڭىزعا سەنەمىز. ءدال قازىرگى ۋاقىتتا ءسىزدىڭ ۇجىمىڭىزدا قاراپايىم حالىق سەنىم ارتقان وسىنداي كاسىبي ماماندار، پاتريوتتار، بىلىكتى ادامدار بولۋى كەرەك. ءبىرتانوۆتى زاڭسىز قىلمىستىق قۋدالاۋدى توقتاتۋىڭىزدى سۇرايمىز!", - دەلىنگەن پەتيتسيادا.

ەلجان ءبىرتانوۆ حورۆاتيالىق Ericsson Nicola Tesla كومپانياسى جاساعان دەنساۋلىق ساقتاۋ مينيسترلىگىن اقپاراتتاندىرۋ پلاتفورماسىن قابىلداپ، ىسكە قوسۋ ارقىلى قىزمەت بابىن اسىرا پايدالاندى دەگەن كۇدىككە ءىلىنىپ، ءىستى بولۋدا.

Abai.kz