قازاقستاندا قىرعىزستاندىقتاردىڭ الماتىداعى تارتىپسىزدىكتەرگە قاتىسى بار ەكەندىگى تۋرالى دالەلدەر تابىلعان جوق، دەپ حابارلايدى قىرعىز تەلەگراف اگەنتتىگى.

"پروكۋروردىڭ ورىنباسارى نۇرلان اۋعانباەۆ اڭگىمە بارىسىندا قىرعىزستان ازاماتتارىنىڭ بيىلعى قاڭتار ايىندا قر – داعى جاپپاي تارتىپسىزدىكتەرگە قاتىستى دەۋگە دالەلى جوق ەكەنىن ايتتى", - دەپ حابارلادى قىرعىزستان ومبۋدسمەنى اپپاراتىنىڭ باسشىسى اسكات ازاربەكوۆ.

ول قىرعىزستان ازاماتتارىنىڭ قازاقستانعا ەڭبەك ەتۋگە كەلەتىنىن جانە وقيعا ورنىنا بارعاننىڭ وزىندە جاي قىزىعۋشىلىقپەن بارۋى مۇمكىن،-دەپ ايتقان اۋعانباەۆ.

"ەگەر ولار شىن مانىندە قىلمىس جاساسا، ءبىز ءوز ازاماتتارىمىزدى اقتامايمىز. بىراق ولاردىڭ قر زاڭناماسىن بۇزۋعا تىكەلەي كىناسى نەمەسە قاتىسى بولسا، ول ازاپتاۋ ارقىلى ەمەس، زاڭدى جولمەن دالەلدەنۋى ءتيىس", - دەپ اتاپ ءوتتى ازاربەكوۆ.

بۇعان دەيىن حابارلانعانداي، قىرعىز مۋزىكانتى ۆيكرام رۋزاحۋنوۆ الماتىدا تارتىپسىزدىككە قاتىسى بار دەپ تەرگەۋگە ءىلىنىپ، كەيىن ونىڭ پوليتسيا تاراپىنان ازاپتالعان فاكتىسى بويىنشا قىلمىستىق ءىس قوزعالعان. سونداي-اق تاعى ءبىر قىرعىز ازاماتى چولپونبەك سىدىقوۆ تا تۋرا وسىنداي جاعدايعا ۇشىراعان بولاتىن.

Abai.kz