قازاقستان مەن قىتاي شەكاراسىنداعى تەكسەرىس كەزىندە  ءۇش اپتا ىشىندە سەگىز قىلمىستىق ءىس قوزعالدى، - دەپ حابارلادى اقوردانىڭ ءباسپاسوز قىزمەتى.

"قازاقستان-قىتاي شەكاراسىندا تەكسەرىس جۇمىستارى جۇرگىزىلىپ جاتىر. ءۇش اپتا ىشىندە تاۋارلاردى زاڭسىز اكەلۋ فاكتىلەرى بويىنشا 8 قىلمىستىق جانە 24 اكىمشىلىك ءىس قوزعالدى. ناتيجەسىندە، تاۋارلار يمپورتى كولەمىنىڭ قىسقارۋىنا قاراماستان، بيىلعى جىلدىڭ قاڭتار ايىندا بيۋدجەتكە تۇسكەن كەدەندىك تولەمدەر مەن سالىقتاردىڭ سوماسى 20% - عا ءوستى (ت26,6 ملرد-تان ت31,7 ملرد-قا دەيىن)", - دەپ حابارلادى اقوردادا دۇيسەنبى كۇنى پرەزيدەنت قاسىم-جومارت توقاەۆتىڭ قارجى مونيتورينگى اگەنتتىگىنىڭ توراعاسى جانات ەليمانوۆپەن كەزدەسۋىنىڭ قورىتىندىسى بويىنشا.

ەستەرىڭىزگە سالا كەتەيىك، بۇعان دەيىن قازاقستان پرەزيدەنتى قاسىم-جومارت توقاەۆ كەدەندىك شەكارادا كەشەندى تەكسەرۋ جۇرگىزىپ، ءتارتىپتى قامتاماسىز ەتۋدى تاپسىرعان بولاتىن. پرەزيدەنت حابارلاعانداي، شەكارادا سىبايلاس جەمقورلىققا جول بەرگەندەردىڭ  جارتىسى كەدەنشىلەرگە پارا بەرەدى.  1 اقپاندا "دوستىق" جانە "التىنكول" كەدەن بەكەتتەرىنىڭ باستىقتارى ەرلان ومىرزاقوۆ پەن مالىك شاۋلەنوۆ قىزمەتىنەن بوساتىلدى. 10 اقپاندا ءماجىلىس دەپۋتاتى ايدوس سارىم تەكسەرۋلەر جۇرگىزىلگەننەن كەيىن "قورعاستاعى"زاڭسىز سحەمالاردان سوڭعى بەنەفيتسيارلاردىڭ اتتارىن اتاپ وتۋگە ۋادە بەردى.

Abai.kz